عرض مشاركة واحدة
  #1  
قديم October 15, 2011, 11:20 PM
 
Omg قصه [ريم] على مراحل واجزاء



بسم الله الرحمن الرحيم
اعذروني اخواني واخواتي على القطعه لكن الحمد لله عدت لكم من جديد لابدعكم
بمواضيعي الشيقه والمثيره اليوم جئت بجديدي هي قصه لفتاه اتمنى ان تكملو القصه

~معلومات عن الفتاه~
ــــــــــــــــــــــــــــــــــــــــــــــــــ ــــــــــــــــــــــــــ
اسمها : ريم
عمرها : 20 عاما
وهي تدرس با الجامعه وهي جميله جدا جدا
لدرجه انها تجذب انظار الرجال حينما تمشي
وعائله هذه الفتاه تتكون من : .
الاب/ وهو ضعيف الشخصيه
الام/ وهي شريره وتجذب للمال بسهوله
الاخ/احمد وهو غيور على اخته ومعقد في حياته
اما صديقات ريم فهم : .
ندى/ وهي من افضل صديقات ريم
ساره/ شريره وتغار من جمال ريم
ــــــــــــــــــــــــــــــــــــــــــــــــــ ـــــــــــــــــــ
نبدا الروايه ...
يوم السبت تستيقظ ريم مبكرا كالعاده لتوقظ اخوها ليذهب للعمل
ثم ترجع لتكمل نومها حتى تستيقظ لمحاضرتها في الظهر نشيطه
ريم : يلا يااحمد قوم تاخرت على عملك
احمد : روحي انقلعي لا اقوم واوريك شغلك
ريم : يلا قوم ترا والله لو ما قمت بنادي لك بابا
احمد : اذا فيكي خير روحي ناديه
ريم : طيب.. طيب.. [وتختفي لدقائق ثم تعود ومعها والدها]
الاب : يلا يا وليدو قوم تاخرت على عملك ما ينفع لازم تصحى بدري وتروح لعملك
وبعدين وش حقه تخلي ريم كل يوم تصحيك انت رجال المفروض تقوم من نفسك
واحمد ينظر لريم بنظرات غضب وهي مبسوطه وتضحك
واول ما خرج الاب من غرفته الا يقوم احمد ويمسك ريم
ويوريها انو الله حق .. يضربها ويشد شعرها وريم قامت تجري لغرفتها
وهي تبكي وتحط راسها على المخده تعبانه بعد الضرب
الي اخذتو من اخوها الا جوالها يرن تطالع في الرقم ..رقم صديقتها ندى
ندى : هلا ريم كيفك شخبارك ليكون صحيتك من النوم
ريم : تمام .. لا صاحيه كنت اصحي الكمخه اخوي
ندى : اوما ريمومه وش فيه صوتك متغير ليكون اخوك ضربك
ريم : لا بس تعبانه شوي وابي انام ومو جايني نوم [ ريم ما تحب تشتكي لاحد عن حالها]
ندى : اها يلا اسيبك تنامي احلام سعيده وكوابيس بعيده
ريم : اوك يلا باي توصي بشي ندى
ندى : سلامتك .. باي
وتنام ريم تعبانه بعد الضرب الي جاها من اخوها وتصحى ريم الساعه 9 الصباح
وتقوم تاخذ شور وتلبس وتدق على السواق يجي ياخذها ويوديها الجامعه
وصلت ريم الجامعه قابلت ساره
ريم : اهلين ساره وينها ندى مو شايفتها
ساره : مدري والله ليه انا مو ماليه عينك
ريم : بليز ساره لا تبدي مشاكل ترى حيل تعبانه
ساره : انا مو قاعده اعمل مشكله بس معنى كلامك انو انا مو عاجبتك ليكون غرك جمالك
علينا ترى الجمال مو جمال الشكل
ريم : اففففففف الشره مو عليك الشره علي انا الي معطيتك وجه وجايه اسئلك يلا باي بلحق ع المحاضره
وتجري ريم تروح على المقهى الي با الجامعه راحت ريم وطلبت كوفي وجلست تستنى
وصل الكوفي خلصته ريم وبعدين
راحت ريم لمحاضرتها خلصت ريم المحاضره ورجعت ع البيت
دقت على ندى
ريم : اهلين ندى كيفك
ندى : كويسه
ريم : وش فيك اليوم ما جيتي هذا وانا مكلمتك قبلها بـثلاث ساعات وما تقوليلي انك منتي جايه للجامعه
ندى : والله راحت عليا نومه توي صحيت من رنه جوالك
ريم : يلا صار خير الا ندى وش رايك اليوم بعد المغرب نروح السوق
ندى : اوك اتصلي فيني وصحيني مره تعبانه بكمل نوم
ريم : اهب يا وجهك نايمه من الصبح وبتكملي نوم
ندى : بدينا في الحسد ... باي ابي انام جد حيل تعبانه
ريم : اوك نوم العوافي باي
وقبل صلاه العصر يرن جرس الباب وتروح ريم وتفتح الباب
الي عمتها وبنت عمتها
ريم : تفضلو حياكم الله
عمتها : الله يحيك
وتدخلهم وتروح على غرفه امها
ريم : ماما عمتي وبنتها جو عندنا
الام : يوووه وش جابها ذي المفعوصه هذا الوقت
ريم : مدري بس ما جات ذا الوقت الي فيه موضوع مهم
الام : خلاص انتي نزلي لهم وضايفيهم وانا بلبس ونازله
ريم : اوك بس لا تطولي لنو انا ما بحبهم ولا بحب سوالفهم
الام : يا حسره لا انا الي ميته عليهم انزلي بس .. لا يقولو عليكي ذهبت ولم تعد
ريم : اوك بس هاه لا تطولين
وتنزل ريم لهم وتقدملهم القهوه
ريم : تفضلي يا عمه القهوه
عمتها : يزيد فضلك اصيله تصدقي يا ريم انو مو ناقصك الا ولد الحلال يجي ويخطبكي
ريم : انا ما افكر بدا الشي الحين
بنت عمتها : وليه مغتره على حالك الزواج ستر وبعدين عمرك 20 ناس اصغر منك وتزوجو
في هذي اللحظه دخلت الام
الام : السلام عليكم كيف حالك يا ام محمد
العمه : والله الحمد لله كيف حالك انتي
الام : بخير بشوفتكم وجيتكم يا عساها دوم ان شاء الله الا كيف حال ولدك محمد
العمه : والله الحمد لله ولدي تخرج من الجامع والحين هو مهندس ويدور بنت الحلال
الام : الله يرزقكم بنت الحلال الي تحفظه لكم وتصونه
العمه : امين يا رب العالمين
ريم زهقت من الجلسه طلعت لغرفتها على اساس تتسلى وتقعد على النت
العمه : وين رايحه يا ريم ليكون مو مستانسه بجيتنا
ريم : لا والله با العكس انتو حبايب قلبي والله بس طالعه انام شوي لنو توي جايه من الجامعه
العمه : طيب روحي نامي الله يحفظك ويخليك لامك
الام : امين يا رب العالمين
طلعت ريم لغرفتها وفكت الابتوب ودخلت ع الشات تتسلى شوي
اما تحت فكان يدون هذا الحوار بين ام ريم وام محمد
العمه : والله يا ام ريم انا اليوم جايتك في موضوع مهم
الام : خير اللهم اجعله خير
العمة : الصراحه ولدنا محمد تخرج من الجامعه ويشتغل مهندس وراتبه زين وعنده فلوس
وحنا ندورله بنت الحلال وبنتك سنعه واصيله وهي تستاهله وهو يستاهلها
الام : والله لو علي انا ولدك رجال يستاهلها لكن الشور شورها
العمه : ايه وانتي الصادقه خليها تفكر يومين وتردلنا خبر يصير نجي ناخذها لمحمد
الام : خلاص ابكلمها واشوف معاها
العمه : طيب يلا خلاص انا بمشي قلت الي عندي
الام : لا والله بدري لسا توكم داخلين
العمه : ايه خلاص يا ام ريم بنجيكم مره ثانيه بس الحين لنو ابو محمد بره ينتظرني
الام : خليه يدخل
العمه : خلاص ان شاء الله بنجيكم مره ثانيه
الام : الله يحيكم فاي وقت البيت بيتكم
العمه : فمان الله
الام : مع السلامه
العمه : لا تنسي تكلمي بنتك
الام : ولا يهمك بكلمها
العمه : مع السلامه
الام : فمان الله درب السلامه
العمه : الله يسلمك
واخيرا وبعد انتظار طويل خرجت العمه من بيت ام ريم
وطلعت الام لغرفه بنتها منشان تكلمها
الام : ريم عارفه ليه جات عمتك
ريم : لا ليه
الام : جات تلمحلي فيك تبي تاخذك لولدها
ريم : قطيعه تقطعهم
الام : بس الولد امه تقول عنه انو عنده فلوس واجد
ريم : لا ما ابيه لا هو ولا فلوسه هذا الي باقي انا اخذ ولد عمي انتي ما شفتي شكله والله يخررع
الام : بتاخذيه يعني بتاخذيه يا الخبله عنده فلوس بيعيشك ملكه
ريم : لا ما ابيه يعني الشغله غصب
الام : ايه غصب وانا قلت بتاخذيه يعني بتاخذيه
ويدخل عليهم اخوها
الاخ : وش فيكم اصواتكم واصله لغرفتي
الام : شوف اختك تقدملها ولد الحلال عنده فلوس ويشتغل رجال سنع وما تبيه
الاخ : مين تقدملها ؟
الام : ولد عمك محمد
ريم : ما ابيه يعني ما ابيه
الاخ : بتاخذيه وانا كلمتي الي بتمشي
ريم : لا انا كلمتي الي بتمشي
الاخ : يطيح فيها ضرب ويزعق فيها ليش ما تبيه ليكون متعرفه على واحد من الزفت النت
ريم : انا ما ابيه والشور شوري وانا الي بتزوجه مو انت.. انا ادرى بمصلحتي
الاخ : انا قلت بتاخذيه يعني بتاخذيه الرجال طيب وما شفنا منه الى كل خير
الام : ايه صادق مافي اي شي يمنع انك تاخذيه
الاخ : كتى بييجي بيتقدملها
الام : مدري بس قالت امه انو نفكر يومين ونردلها خبر
الاخ :خلاص خبريها انها موافقه
الام : خلاص طيب بكره بقولها
ريم قفلت على نفسها في الغرفه وجلست تبكي بعدين لما هديت دقت على ندى
ريم : الوو ندى بسرعه نتقابل فاي مجمع
ندى : وش فيه صوتك كانك تبكي
ريم : اذا تقابلنا بقولك
ندى : خلاص اوك نتقابل في مجمع...............
ريم: اوك ثواني وانا هناك
ريم سكرت الخط واتصلت في السواق قالتله تعال ابيك تودين السوق
جا السواق نزلت ريم بسرعه وركبت السياره وراحت المجمع وصلت
اتصلت على ندى
ريم : الو ندى انتي فين
ندى : خلاص انا با الطريق شوي واوصل
ريم : طيب بسرعه
ندى : اوكي
وصلت ندى للمجمع اشبك ريم اقلقتيني عليكي ايش صايرلك
وقالتلها القصه من اولها لاخرها وبعد ما انتهت من ريم من كلامها
ندى : اما بجد اخوكي ما عنده دم كيف يضرب بنت
ريم : لا وماما معاه تشوفن انضرب وعاتي اصلا الوحيد الي منصفني في البيت هوا بابا
ندى : الله يعينك ويكتبلك الي فيه النصيب
ريم : من بؤك لباب السما
ندى : خلينا نتمشى شوي طفشت من القعده
ريم : اي والله حتى انا
وصارو يمشو ولاحظو في احد يتبعهم
صارو يدورو السوق وف شاب وسيم
يتبعهم من اول ما دخلو السوق الين قامو
يدورو با السوق
ريم : شايفه ذا الي يتبعنا قطيعه كل ما رحنا مكان ورانا
ندى : ايه ملاحظته
ريم : اقولك خلينا نخرج لنو انا طفشت خلاص مترنا السوق تمتير خلينا نروح البحر
ندى : ايه فكره حلوه يلا نتقابل في البحر
وخرجو من المجمع وخرج الشاب معاهم وصار يتبعم با السياره
الين وصلو نزلو البحر
ريم : ندى هذا مو كنه الي كان با السوق ورانا
ندى : ايه هوا عمى ايش جابو هنا شاردين منه يجي ورانا
ريم : انا بروح اكلمه
ندى : لا خليكي منجدك بلتروحي تكلميه
ريم : ايه بكلمه هوا ما تبعنا وجا ورانا الى يبي شي
ندى : خلاص خليكيب انا خايفه عليكي انا بكلمه
ريم : طيب اوك
ندى راحت وكلمته وبعدين رجعت وهي مبتسمه
ريم : سلامات شايفتك مستانسه ليكون رقمك
ندى : هههه لا هوا معجب فيكي ويبيكي
ريم : قطيعه تقطعه قليل الادب
ندى : والله الرجال مجنون فيكي
ريم : اصلو قليل ادب ومو متربي امشي خلينى نروح الكوفي
ندى : اوك يلا
راحو ع الكوفي والرجال وراهم
وصلو نزلو دخلو الكوفي
لقو الرجال نفسه وراهم
دخلو وجلسو في الجلسات وهو كان جالس مقابل ريم
ريم : شوفي قليل الادب كيف يناظرني
ندى : مسكين مغرم في جمالك
ريم : عمى بعينه هو وغرامه
ندى : طيب روحي كلميه
ريم : انا بروح وبشوف وش عنده
ندى : طيب انا انتظرك هنا
وراحت ريم للشاب وكلمته شوي ورجعت
ندى : ها بشرينا
ريم : كلمني قلي انه معجب فيني ويحبني
ندى : عطاك رقمه
ريم : يب
ندى : بتتصلين فيه
ريم : مدري اذا احتجت اني اكلمه بكلمه
ندي : زين بس انتبهي المعقد اخوك لا يدري
ريم : والله بيخفيني من على وجه الارض
ندى : هههههههههه الله يعينك
ر يم : يلا يا ندى خلاص برجع البيت
ندى : اوكي يلا اتصلي فيني اذا وصلتي
ريم : يلا مع السلامه
وترجع ريم مع السواق الساعه 12 في الليل وتستقبل اخوها منتظرها عند الباب
الاخ : اهلا بـ [خرج ولم ]
ريم : كنت مع صاحبتي في السوق
الاخ : لهذا الوقت وانتو في السوق ادخلي واطلعي غرفتك وثواني وانا جايك
تطلع ريم لغرفتها ودقايق ويدخل عليها اخوها ويضربها ويضربها
ويشد شعرها وكفوف وجميع انواع الضرب فيها
ريم المسكينه كالعاده تنام وهيا زعلانه لتستقبل يوم جديد حافل با الحزن
المتكرر من اخوها وامها


الجزء الثاني حينزل اذا عجبتكم القصه
رد مع اقتباس