|
مع كل الالم أحبك "
منك تعلمت
كيف ارسم البسمه على وجه الحزن
كيف اسمع الفرحه بانغام الشجن
كيف اكون انسان يعرف طريقه
كيف تضحك عيون بدمعها غريقه
منك تعلمت
وش معنى الحب
وروعة القرب
ماهي قيمة الكلمه
إذا ضاع الاحساس
تختنق .. تستعد
خائفة تلفض الانفاس
منك تعلمت
كيف ارجع للطفوله
مع ضحكه منك خجوله
تاخذني بعيد ....ابعد
ابعد من كل الاماكن والازمنه
ابعد من خيالٍ كنت بايدي اسجنه
كنت خائفه
ياخذني خيالي بعيد
كنت خائفه
يعذبني حبٍ جديد
منك تعلمت
ان الحب هو الحقيقه
والذي أخذه مني زماني ممكن يعيده
ان الامل ليس نهايه
وان احساسي فيك كان البدايه
حزني يروح
وألمي يروح
وانسى كل الجروح
وتبقى نظرة عيوني بحبك تبوح
منك تعلمت
كيف على اوتار الحرف اعزف
كيف افرح إذاأصبح القلب ينزف
كيف آصل معك لحد الجنون
كيف تلغي الضحكه كل الشجون
سنين عمري تمر
واحسبها بلحظاتي معك
مافيها شي ٍ يسر
وانساها لا صرت اسمعك
من دنيتي قانع
وجوي اليوم رائع
ودي اموت وانت معي
ودي صوتك يسكن مسمعي
كلي رضا
حزني مضى
احساسي دفا
نبضي العطا
قلبي من كل هالحياه اكتفى
منك تعلمت
كيف اعشق وكيف اهوى
منك تعلمت
كيف دنيتي من غيرك ولا تسوى
انت العشق
وانت الاحساس
وكل شوقي وكل الناس
يا حبي الحاضر
وياماضي امنيات الحب
يابهجة الناظر
ويافرحة نبضة القلب
منك تعلمت
كيف اني اكون انسان
منك تعلمت
كيف انهي رحلة الحرمان
اكتبني حب
وبكتبك نجمه بعيده فوق
ارسمني قلب
وبرسمك ورده ريحها ذوق
مع كل الالم
احبك
مع كل الامل
احبك
مع كل الوجود
احبك
احبك ....احبك....احبك
|