الموضوع: لمحه خفيفه
عرض مشاركة واحدة
  #1  
قديم June 15, 2011, 10:16 AM
 
Wink لمحه خفيفه

اللي دفع عمره على شان غاليه
...................... وباع العرب لعيون سيد الحبايب ..!
وش حيلته لا سمّر الوقت رجليه
.................... وأزرى يشد خطاه من شان غايب ..!
يكتب من الآلآمه ويدّمي محانيه
...................... ويرسم على كفه قبور ونصايب ..!
حاير من أوهامه وزحمة أمانيه
.................... وذابل من أوجاع الزمن والنوايب ..!
ومن كثر ماسجل من الحزن بيديه
................. أضحى خفوقه من لظى الوقت ذايب ..!
اللي خذاه من أول العمر يكفيه
.......................... من كيد عذاله وظلم القرايب ..!
دامه بقايا إنسان وش حصلوا فيه
.................... غير التعب وجروح قلب ٍعطايب ..!
ودامه بقايا روح والليل يعطيه
.................. من جملّة أوجاعه طعون و مصايب ..!
الله على دمعه وحزن ٍ يعانيه
..................... والله على حلم ٍ من الوقت خايب ..!..

مخرج

ياصفحة الموت ياللي بآخر كتابي
لا تاخذيني رجيتك وأسمعي عذري
-
على حدود التعب والليل وأرهابي
يطيح غصن الحياة وينكسر صبري
-
فيني من الهم ما يستهلك عتابي
والضيق عينٍ تهل الدمع من بدري


للمبدع سطام الشآمان
__________________
الحياة متل شرب الماء عذب ولذيذ ولاكن سرعان ما تشعر بلعطش مره تانيه
رد مع اقتباس