محتااااااااااار


أكل ولبس ومصاريف أجيب ده كله منين؟؟

كل يوم بيطالبوني *** ويسيل دمع العين

وهو المرتب يساعد *** وعلي المعيشه يعين

يدوب هم بيدوني *** كل شهر مليمين

اصرفهم علي مراتي *** وبناتي الاتنين

غير مصاريف مدارسهم *** ويطلبوا في العيدين

بابا عايزه فستانين *** وانا عايزة طرحتين

وتكمل مراتي والرز *** والزيت والطحين

وأقولهم معلش *** اصبرولكم يومين

لحد ما أدبق قرشين *** ونصبح متخانقين

علي الحال ده *** وبتمر السنين

وكمان رفعوا الاسعار *** هي نقصه دمار

خلوها زايدة نار *** انا فكري احتار

خلاص هنهار *** فكرت في الانتحار

بس خوفت من الجبار *** وعذابه في النار

وأخذت القرار *** وكان الفرار

ورحت بلاد *** لقيت العيشة مرة

وشقيت لما قلت *** خلاص يا ناس تعبت

من الجري وراء الرغيف *** والنوم علي الرصيف

لكن بكلم مين *** مفيش هناك سامعين

كل واحد في حاله *** ملوش دعوة بغيره

بلاد غريبة *** حالتها عجيبة

الابن يسيب ابوه *** والاخ يقتل اخوه

الناس من بعضها شايله *** ليه دي دنيا زايلة

بلدنا أحلي بكتير *** وحدة صغير وكبير

وحشتني مراتي *** وبناتي الاتنين

سبتهم *** وجريت علي فين

ندمت وبقيت حزين *** علي عمر ضيعته من سنين

بعيد عنك يا بلدي *** عن حضنك الأمين

راجعلك يا بلدي *** وحالف يمين

أستحملك في الحالتين *** حلوة مرة نور العين

حتي لو هعيش مسكين *** انت أحلي الحلوين


ارجو التقييم وان تنال اعجابكم
مع خالص تحياتي لكم

تاليف



دعااااااااااااء القلب