|
يا صاحبي وش جاك ؟؟ ترش الماء على رمضا الطريق !! وترك صاحبك ظامي
يا صاحبي وش جاك ؟؟ ترش الماء على رمضا الطريق !! وترك صاحبك ظامي
ذعاذيع الشمال بعز ليلي هزت الشباك
تبي تطرد هواجيس الغياب وتقطع أحلامي
برد صدري وأنا " أشهق " من لقاك و " أزفر " بفرقاك
ترى ما أقسى من غياب الحبايب .. غير أوهامي
نبت بأرض السنين المجدبة حبك .. وصرت أهواك
رضيت أعيش بآجمل ذكرياتك باقي أيامي
حبيبي لو لقيت الي تبي من هالحياة .. هناك
أنا باقي ( هنا ) لين اليالي تزهق آلامي
على بابك وقفت أمس أبتسم لك كني أترجاك
تعيد الي سرقته من هناي إن كنت قدامي
مشينا من زمان .. وقدر الله ينتهي مشاك
على درب الغياب .. وخطوتك أسرع من أقدامي
تجاهلت الوداع .. وقلت لك : ياصاحبي وش جاك ؟!
ترش الماء على رمضى الطريق .. وصاحبك ضامي !!
حنين الي نقش إسمك على صدري وخلا شفاك
تهجا ما يدور بداخلي من جرحي الدامي
جمعني بالورق قصة وفاء .. عاشت على ذكراك
طمست إسمك من أوراق القصيد .. وصرت بإبهامي !
أنا الوافي على كثر الذنوب الي تبي أنساك
تحزمت الوداع .. وشلت لك تذكار بحزامي
فمان الله .. رح فج الغياب ولوح بيمناك
أبرسم صورتك في داخلي وأحيك بإلهامي
جمعنا ماضي الحب الحقيقي يا عساي أفداك
أبيك تطمن رموش السهر وتقوله نامي
فزع بعض القصيد بهاجسي من هزت الشباك
كتبت آخر تفاصيل القا .. وإنقطعت أحلامي
راقت لي فنقلتها لكم
|