مجلة الإبتسامة - عرض مشاركة واحدة

مها العليدى · #1 April 24, 2010, 07:13 AM

السلام عليكم ورحمه الله وبركاته
انا اسفه مبدئيا على اللى هقوله
انا هبتدى بسؤال علشان اعرف اكمل
راحت فين شهامه ولاد البلد؟؟؟
انا سمعت من سائق تاكسى انه كان بياخد استراحه على القهوه وبعدين دخلت بنت منهاره بتستنجد بالرجاله اللى على القهوه من شباب بيجرو وراها بسكينه اومطوه ومفيش راجل اتهز شنبه فى وشه ونجدها ولا قال كان ممكن دى تكون بنتى او اختى ... حتى السائق ندم بعد الوقت ما فات
واما عرضت على زمايلى فى الشغل من الرجال وقولتلهم لو حصلكم كده هتعملوا ايه
اقسم بالله العظيم ان ردهم كان كده
وانا مالى - تلاقيهم اخواتها بيربوها - تلاقيها بنت اخلاقها بطاله
على اساس انها لو بنته هيقول وانا مالى
او اخته هيأدبها بسلاح
او واحده بطاله ماشى بس دى انثى فى لحظه ضعف بتستنجد
طيب لو دى بنت ناس ودول هيخطفوها فين الرجاله اللى هينجدوها....
ماشى مثال تانى ممكن يحصل لاى انثى
فى وسائل المواصلات العامه
واحده بنت محجبه (اسدال: حاجه واسعه ماسكه من الراس للرجلين مفيش معالم للجسم بالمره) بدون اى مسحوق تجميل واحد جامبها غلس عليها .....
وقفت الميكروباص بدون اى تردد واختها بتسأل نزلتى ليه على مسمع السائق والركاب ردت وقالت وهى بتبص له اسفه على اللفظ (حركات وسخه) الشاب ولا كان الكلام ليه وبصلها كانه برئ والراكب اللى جنب السائق اتلفت ورجع بص قدامه ولا كان حاجه حصلت
اقسم بالله العظيم ده حصل قدامى
ليه كده يا من تحملوا اسم الرجوله
فين الشهامه يا مصريين
ليه كل شويه نسمع عن بنت من بناتنا حد اغتصبها كان دى بقت عادة
بجد انا نفسى نرجع زى زمان
وترجع مصر بلد الامان
عارفين ليه كان مفيش كده زمان
عشان كانت فى تربيه صح
احنا مش فى عصر التربيه احنا فى عصر مودى ودودى و....
احنا شباب اخر دلع وروشين طحن مووت
نعمل اى حاجه علشان احنا جامدين اخر حاجه
حسبى الله ونعم الوكيل
انا اسفه جدا

Download UFX