ليه قصص الحب فى الزمن ده لا تعيش يا دوب تبدأ عشان تلحق تخلص فى السريع مفيش وقت
بجد حاجة غريبة جدا بسمع من اصحابى قصص غريبة يسمونها قصص حب او هكذا يعتقدون وحين تسأل عن عمر ما يحكى عنه او تحكى عنه تسمع اجابات تجنن تسمع شهرين او شهر ونص اوحيانا اقل ويدعون انهم عشقوا واخلصوا وانهم غرقوا حتى كادوا ان يموتوا فى الحب وانهم صادقون وجادون وانهم حتى اخر لحظة ما باعوا و ما خانوا ويلقون بلا تفكير كل الاتهامات على الطرف الاخر الذى لم يقدر ولم يثمن هذا الحب الذى كان
ولما تقول يا جماعة حب ايه وما تحكون عنه ليس حب ومستحيل ان يكون تتهم بأنك معقد وعايش فى الاوهام واخرك فى الحب حب افلام الابيض واسود ايش عرفك انت فى حب اليومين دول حب الكايفيهات والفيس بوك
للأسف اصبح الحب لدى الكثيرين نوع من التسالى وشغل اوقات الفراغ وقضاء وقت يتصورون وهماً انه جميل فى فسح وخروج ومكالمات تليفونية ورسائل محمول
حب من غير حب ، حب بدون اساس اصبحنا نتعامل مع معنى الحب بحالة من الاستخفاف واللامبالاة وعدم التقدير وندعى اننا نحب بصدق
ونسينا ان الحب فى الاساس مسئولية ومشروع حياة
نعم حياة ، وحياة كاملة بكل ما فيها من عطاء ونبل وتضحية وصبر ونجاح وفرح والم وسعادة وحزن حياة من لحم ودم ومشاعر واحساس وكل الصفات الانسانية
اما تحكون عنه ليس حب على الاطلاق وستأتى لحظة تدركون فيها معنى ما اقول وما اقصد
لأن ده مستحيل يكون حب ده بالكتير قوى دور برد

بقلم / احمد صلاح محمود

الصور المصغرة للصور المرفقة