رباعيات عجبتنى مع انى ماليش فى الشعر
لاعيب كونكان ودور بعد دور
يكسب يقش ويملاه الغرور
ويمجد عظمته وفنه ومهارته
لعب باللي كسبه قام فاز بالخابور
وآه
الممكنات قابلوا اللاآت
في مناظره بين المعكوسات
الممكنات قالت يجوز
اللاآت ردت ده مات
وآه
هو أنا موعود بدُول
ولا دائي مالوش حلول
الأطبا والدوا هما هما متغيروش
قرص قبل وقرص بعد والمحلول
وآه
أمِّن حدودك يا عربي من كل جانب
ومد إيدك ل إيد أخوك مش للأجانب
طول عمرهم أرضك وثرواتك مطمع للجميع
وانت عارف عِين العدو بتدور عاللي يجيب أرانب
وآه
يا كل كلمة حب ع الأرض موجوده
روحي لحبيبي وبلغيه إني بحبه موعوده
وعايشه ليه.. ودايبه فيه.. وقوليله ليه
ممدش إيديه مع إن إيديا ممدوده
وآه
الفيلسوف اتخنق من يئسه طق مات
من غير عزا ولا جنازه ومن سكات
عدى على دا الكلام ييجي سنه
والجثه لسه ممدده ع الأرض في ثبات
وآه