ايوه انا طيب وغلبان

انا بنى ادم غلبان
فى غيرى عمرى ما اكون طمعان
مؤمن بالقسمة والنصيب
وعارف ان كل شئ بأوان
لا عمرى بصيت للى فى ايد غيرى
ولا قلت اشمعنى ونمت حيران
كل واحد بياخد حظه
ومفيش حد ب ينام جعان
اهم حاجة ترضى
عمرك ما تحس بالحرمان
اما الطماع تلاقيه مضايق
ومهما شرب عطشان
ومهما ربه منحه يقولك
برضه كمان
صدق اللى قال
مفيش غير التراب
يملى عين الانسان
ربك عمره ما ينسى حد
ده ربك كبير قوى
سبحانه معطى ومنان
لو يوم نفسك بصت لغيرها
قولها انسى
دى ارزاق ومقسمها الرحمن

شعر/ احمد صلاح محمود