الموضوع: تعاتبني
عرض مشاركة واحدة
  #1  
قديم February 11, 2010, 02:12 PM
 
Unlove تعاتبني




تعاتبني على الغيبات .. الشاعر مبارك بن قويد



تعاتبني على الغيبات عينه
ونظراته من الفرقا حزينه




وانا والله ماصديت عايف
ونذر ٍ ماعشقت الا يدينه




مسافر للشقا والحظ عاثر
وموج الحزن يلعب بالسفينه




مسافر وين انا والله مدري
مسافر بس والطرقات شينه




مسافر دون قلبي دون روحي
خوي الهم شف عيني بعينه




يهب الحزن وأصده بيدي
وجذع القلب يتساقط حنينه




تعزويبي انا سيفك ورمحك
بموت وماكسبت الا الثمينه




عشقتيني وانا استاهلك والله
وقلبي يالغلا تستاهلينه





احبك وان سألتي وين قلبك
بقول " القلب في ايدي امينه"




احبك وان بغيتي زود احبك
بحبك كثر هالحزن وسنينه




كسرت بخاطرك والعذر اسف
وقلبك عاقل وروحك رزينه




تعذريني فديت اللي عشقني
وخلي همومنا بصدري دفينه




سألتك بالذي سوى عيونك
تسامح من جرح له " ياسمينه "




وانا أوعدك لو حبيت ثاني
" بحبك مرة ٍ اخرى حزينه "



رد مع اقتباس