عرض مشاركة واحدة
  #1  
قديم February 7, 2010, 11:33 AM
 
تكون البنت لإبن العم .. ورغبات الكبار تصيروتدري الأقربون أولى مع إنك للخفوق أقرب

على آلموعد بلهفة جيت لا مانع .. ولا تأخير
لفيت من العصر هآيم مع إن الموعد المغرب

وجتني بس آنآ مدري شعرت الجيه هذي .. غير
وهي تقرب من عيوني شعرت إن الممآت أقرب

وقلت : الله يهونها عسى في جيتك .. لي خير
آنا من شفتك آقبلتي وأنآ خآيف ومستغرب

على كثر الحكي مدري كأنه خآنها التعبير
قالت لي جمل وأشياء لا تكتب ولا تعرب

هدت فجأة تطالعني وآنا في حاجة التفسير
لأجل نحكي بهدوء أكثر سألت الحلوة : وش تشرب ؟
فصاحت بي ( آنا أحبك ) ولك في هالحشا تقدير
وتدري إن المثل فينا وفي إحساسنا يضرب

صحيح إنك وفي .. وإنك برئ من تهمة التقصير
ولكن ذي عوايدهم من آيام وزمن يثرب

تكون البنت لإبن العم .. ورغبات الكبار تصير
وتدري الأقربون أولى مع إنك للخفوق أقرب

وتدري للقدر كلمة لعادات الأهل تأثير
لذا أرجوك تتركني وأنا من دنيتك ب أهرب

شعرت بحكيها كنه قصاص وأمر بالتعزير
شعرت الدنيا ضاقت بي من المشرق إلى المغرب

مشت خلت وراها طفل مآ يدرك وش التدبير
يحسب إن الغرام أشعار شاعر وأغنية مطرب

ضحكت وما قدرت إني آلاقي لضحكتي تبرير
من اللي بوقتنا مرة ضحك من لدغة العقرب

رفضت أستوعب اللي صار ولا إستسلمت للتغيير
ثمان سنين أجي نفس المكان بحزة المغرب

برغم إن الثمان سنين جرح .. وكلفتني كثير
أنا لليوم أجي وادعي .. تجي يا رب تجي يا رب



ياحرام رحمتهم والله..
توتوتو



رد مع اقتباس