لي علة بين الضلوع المهاديف
يتعب خبير الطب ما يكتشفها
العين تدمع كانها وابل الصيف
والكبد عاصوف المصايب عصفها
اسبابها فرقا القلوب المواليف
اللي من الفرقا ضلوعي قصفها
.·:*'*:·. .·:*'*:·.
في ذمتك منهو سرق منك النوم
من فيه بالعالم سهرت عشانه..
منهو عيونه تهتني فيك كل يوم
ومنهو غدا قلبه بقلبك مكانه..
من يعشقك بجنون ما يلحقه لوم
ومن تعشقه صار سيد زمانه..
.·:*'*:·. .·:*'*:·.
حبّك من الله
ما تصنعت الاشواق
غالي ورب البيت
بالحيييييل غااالي
.·:*'*:·. .·:*'*:·.
كان المسافة ترفض اني أشوفك
خل أتصالك غصب عنها يجيني
وكان أتصالك حال دونه ظروفك
يكفي رسايل شوق بينك وبيني
وان كان مالي حظ حتى بحروفك
خلك بعيد ومسكنك وسط عيني
.·:*'*:·. .·:*'*:·.
اناديلك ويبقى للحكي في داخلي ميعاد
ولاادري ليه لاضقت بزماني قمت اناديلك
احبك ليه اكررها وليه بداخلي تنعاد
ولواصرخ في هواك مليوون احبك ماتوفيلك
.·:*'*:·. .·:*'*:·.
يا صاحبي لامرك الشوق وأشتقت ...
أذكر ترى صاحبك ميت بشوقه..
وده يسابق سير الأيام والوقت...
ويحضن غلاك ويزرعه في عروقه...
.·:*'*:·. .·:*'*:·.
لو تدري الشوق بعدك وين وداني
ماكان والله يمر البعد في بالك
تبقى حبيبي لو تزعل وتنساني
تبقى بقلبي كبير ودايم لحالك
الليل بعدك ظلامه طال واشقاني
والفجر نوره تعذر يطلب وصالك
.·:*'*:·. .·:*'*:·.
اشتقت لايامك وجيت انشد الوقت
وين الحبيب وضحكته وامسياته
ليته يوسع خاطري لا تضايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرها غلاته
.·:*'*:·. .·:*'*:·.
اتمنى تنال اعجابكم