الموضوع: سهل اقولك بحبك
عرض مشاركة واحدة
  #1  
قديم January 5, 2010, 06:13 PM
 
Love سهل اقولك بحبك

سهل اقولك بحبك
سهل اقولك بحبك
سهل اقولك حلم حياتى اسكن قلبك
بس صعب
صعب قوى
اقولك خليك هنا
او خلينى عندك
اعيش معاك لأخر عمرى واخر عمرك
اصل ده مش بالكلام
ولا حلم زى باقى الاحلام
ده موضوع كبير قوى
مش حاجة سهلة
اسرح فيها حبة قبل ما انام
صدقينى بحبك
صدقينى عاوزك
وعايش وياك احلى ايام
عشان كده بحلم ليل نهار
ازاى نفضل سوى
فى عش واحد مع بعضنا
كل ما اشوف عصفورين ع الشجر اغير
واقول ياريت كنا زيهم بنطير
كنا هربنا من هنا
خدنا بعضنا وطيرنا بعيد
عشنا فوق قمة جبل
وسيبنا الدنيا بكل ما فيها
احنا يعنى كان لنا ايه فيها
غير شوية هموم وضجر
بقلم
احمد صلاح محمود


رد مع اقتباس