و يا هلا ومرحب عد كل منطوق
يا كثر شوقي كثر ماء البحر شوق
ما اظن غيري تحمل كثر الاشواق
*****
و يا كثر ما بحال من شوق و حروق
ما مثلها ابد على حال مشتاق
*****
لو ان بوصف لك لهفة المشفوق
و قلب المعنى من حر الفراق
*****
ماكفى بوحي مسطورولا منطوق
ومل القلم يكتب وخلصة الاوراق
*****
يا طارقه باب ما هو بمطروق
و ما وقف غيرك على الباب طراق
*****
تعالي ترى قلبي من الهوى مصفوق
و افتحي باب القلب وضميه بعناق
*****
عسى لون القلب من ضمتك يفوق
و يذوق طعم الهوى ولذة العشاق
*****
كم لي تحريتك و لشوفتك اتوق
و قلبي على وصلك و اللقاء تواق
*****
يا من جرى حبك في وسط الخفوق
مع الدم مجراه بداخل الخفاق
*****
و يا هلا ومرحب عد كل منطوق
يللي سكن فيني جوف الاعماق
*****
بدل علي ليلي مع طلعته و شروق
و نوّر علي يومي بشمسه و الاشراق
*****
يا منى روحي منك الرجا موثوق
و الرضا منك هو غاية المشتاق
*****
شبوب الهوى فينى عيت لا تروق
وجرح الهوى عاصى ما يعرف الاشفاق
*****
يازين انا غيرك ما هامنى مخلوق
انت اللى بقلبى وضلوعى لك ارواق
*****
انا افدى جمالك وحسنك المرموق
سبحان من انشاك المبدع الخلاق
*****
بحسنك ووصفك يارفيع الذوق
يا ناعم العود ويا حلو المذاق