مجلة الإبتسامة - عرض مشاركة واحدة

salaheltair · #3 December 19, 2009, 09:39 PM

اقتباس:

المشاركة الأصلية كتبت بواسطة wafaay

صَرخه

الصَرخه على سِن القلم
ضَجِت وبتموت م الألم
عافرت ومُش لاقيه السطور
ولا لاقيه ألوان تترَسَم .

مولوده والمَهد فى تابوت
مخنوقه بحبال السكوت
من قبل ما تشوف الوجود
مكتوب لها فى العَتمه موت

مع خالص حبى

وفاااااااااااء

عزيزتى وفاااااااااء
أخيراً رضيتى عننا ونزلتى موضوع
واضح فيه البخل الشديد مع حلاوة مضمونه
وقسوة كلماته الموجعه
حمدالله على السلامه
وإليكِ رَدى
أجمدى ما تكسريش جناحِك
عافرى مع يأسِك وجراحِك
لازِم تفضلى حُره وطايره
تِضربى فى الأيام بجناحِك
تخسرى لو تهربى وهاترجعى
يوم ما هايُرفُض حِلمِك يركع
مهما هايوجع طول طَيَرانِك
جرح المهزوم بيكون أوجع

مع تمنياتى بالمواصله
وخالص تقديرى
وإعزازى