October 6, 2009, 02:30 AM
|
|
|
|
مكالمه حالمه
ألو ..
هلا بالحبّ
مساء الشّوق واللّهفه ..
مسائي ساهرٍ طرفه
وحشتيني .. كُثُر ما للغروب الوان ..
كُثر ما للهوى أوطان ..
كُثُر ما استوطن اطرافي خيالك ..
وانسكب عطرك في يدّيني ..
كُثُر ما للطّفوله فيك من معنى ..
وبعَد انت .. وربّي واحشني
كُثُر ما ينبض الخافق لذكرك وانتفض لهفه ..
كُثُر ما ضمّني حضنك وصرت دفاي في بردي ..
كُثُر ما لوّنتني بوسات ..
كُثُر ما خلّيتني أسرح وأمرح في فضا صدرك ..
أحبّك ..
وكلّ الحكي لو قلته ،، وربّي يبخس بحقّك
أحبّك ..
والوطن ذاتك ،، أطير بعشق في جوّك
أحبّك ما تهادى النّور بعتماتي إلى بابك
أحبّك كُثر ما ريّحت بجفونك ..
بلحظه تشتكي غيابك
أحبّك ما انتفض غصنٍ..
وحرّك بالشّجَن عصفور
أحبّك ما سكن طيفك عيوني وارتعش رمشي..
تساقط بالفرح بلّور..
فديتك يا فرح هاليوم ويا بهجة سنيني دوم
فديتك يا أمل باكر
فدتك الرّوح يا روحي .. فديتك بلسم جروحي
حياتي وسلوة الخاطر
عسى الله لا يفرّقنا .. عسى الله لا يفرّقنا
فمان الرّبّ وصدق الحبّ ..
تواعدنا وودّعنا ..
طفَت شمعه ..
وهلّت منّنا دمعه ...........!
مُكَالَمةٌ حَالِمَةٌ عَلَى أَعْتَابِ الْخَيَالْ 
روعه الكون
|