الموضوع: هلا بتصالك,,,,
عرض مشاركة واحدة
  #1  
قديم October 5, 2006, 12:18 AM
 
هلا بتصالك,,,,




هلا جابك الله .. عقب ذاك الطريق ارتحت ؟!

تبي باتصالك عقب ماغبت تنفعني ؟!

تبيني على حطة يدك جيت وإن روّحت ؟

تبي بهالسهوله بالمعاذير تقنعني؟!

تحسب الجفا عادي وانا منه ياما صحت؟

تقول انت وش خسران وش فيك تمنعني ؟!

أنا ماخسرت الا الكرامه عقب رحت

نويت السفر ولاطرالك توادعني

على كل حال اسمع وانا ابشرك ماطحت

على ماانت خابر لا وصدتك ترفعني

هلا يوم ربي جابك وللأسف سامحت

انا باتكلم وانت لا .. لاتقاطعني

ثلاثين ليله وانت ماقلت كيف اصبحت ؟!

تبعثرت عقبك ماطرا لك تجمعني

شقا واشقيت وللمخاليق مالمحت

قروك بعيونٍ للسهر منك تقلعني

كرهت السفر واللي يسافر ولاصرحت

بأنك سبب حزني وفراقك يوجعني

وانا وان شكيتك لاقرب الناس وان وضحت

لقيت الاجابه منه .. لاغاب وش يعني !!

أنا أكذب عليك إن قلت ياذا البعيد انزحت

على كثر بعدك يمك الشوق يدفعني

تعبت ارتقي بك فوق والناس غيرك تحت

احبك واخاف انك مع الوقت تخدعني

هلا باتصالك عقب ذاك الغياب افلحت

ولي صدرٍ ياسع غيبتك وانت تاسعني ؟!

هلا بك على حطة يدك جيت ولا رحت

على ماانت خابر وانت لاعاد تقطعني

وسلامتكـــم ..

[/CENTER]
__________________
اخيرا رجعت قطر الحبيبه اشتقت لكم
رد مع اقتباس