فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم January 15, 2009, 03:34 PM
 
مالقيتلهاش عنوان .. جديد الشاعر عبد الرحمن الأبنودي

ليه عايز لها عنوان
----
وليه ياخال عايز لها عنوان
طب أيه لزوم العنوان
مانت قلت كل شئ
وخلاص ضاع مننا العنوان
عامللي قلمك سيف
ولا حتى الزناتي خليفة
وتكتب بدل الحبر دم
كب لو خلص دمك ياخال
مين حيسلفك دم
ماخلاص ماعدش دم
ماحدش بقى عنده دم
مالقضية بقت زي القربة
مقطوعة
من كل نحية
مهوية
ماعدش ينفع معاها لحام
ولا حتى تجيب لها قربة
جرى أيه ياخال
ماحرمتش و مازهقتش؟
ماقلتش نفسي أعيش يومين؟
أعمل لنفسي ولعيالي قرشين
وأقب على وش الدنيا
ماقلتش كفاية وجع قلب
وخلي اللي يتحرق يتحرق
ماقلتش كفاياني هم
و سجون وضغط دم
لكن حاقولك ايه
كلمة أمك وامي
والحيين وإللي ماتوا
أهو الحي بيكاتل
وطول ماحنا عايشين
حنكاتل
انت بتكاتل بقلمك
ودمك هو حبرك
وصوتك يعلا ولا يوطى
الكل في الساقية داير
لقمة العيش همه
هدمة عياله غمه
تعليم عياله
جواز عياله
مش عايز غير بيت يلمه
له عنوان ولا ملوش
أهو عايش كافي خيره شره
والكل مننا في شغله
بيكاتل
زهقنا من الأخبار
تليفزيون ولاجورنال
أخبار تغم وتحزن
مافيها خبر يفرح
والكل بيغني على كله
غنوة مالهاش عنوان
زي قضيتك
وقضيتي
ماهى قضيتك قضيتي
وعنوانك عنواني
ووجعك وجعنا
وجراحك جراحنا
صدقت ياخال
حنروح من غير علمنا
حيجينا الموت
من غير معاد
ولايهموش عنوان
ماهو الموت مايلزموش عنوان
واحنا بنموت كل يوم
وغيرنا بيموت في كل لحظة
ومين يهمه ليه
ناس بتموت وناس هايصة
ومين يدور على مين
ويدور أمتى ولا فين
بقينا أحياء ماشيين
أمساخ
دمي بتتحرك
لافينا حس ولادم
ولا عاد يهمنا خال ولاعم
ناس مهمومه مكلومة
من حقها محرومة
وناس بتكنز فلوس
تشتري النفوس
تدور على المناصب
والسقيفة والهليبة
وبياعيين الهوا في قزايز
ناسيين
ولامش عارفين
الموت مالوش جيوب


أه ياخال
قلبت علينا المواجع
واللي راح ياخال مش راجع
بنبكي عليه من الذل إللي شفناه
بنبكي ياخال على تاريخ بإيدينا كتبناه
وعشان سلام وهمي في يوم وليلة بعناه


أه ياخال
موجوع ومش قادرأصرخ
وإن صرخت
مين ياخال إللي حيسمعني
مين معايا حيشيل همي
علي إدايا شلت لليهود كفني
سبت تاري وشلت عاري
وضحكت على ناسي وعلى نفسي
هاين عليا زي الحريم أولول
وأحط الطين على راسي
رحت ماشي برجليا
أقول سلام وكفني على إيدايا
حكموا فينا الخنازير والقرده
بقينا طوع إيديهم
نشاورهم ونرضيهم
ووقفنا على الحدود نحميهم
ساجنين أهالينا في غزة
عشان تفضل الأرض محتلة


آدي السلام ياخال
بيحرقوا أهالينا في غزة
بيقتلوا إبتسامة بريئة
بيخرصوا النفوس الحرة
بيدمروا الأرض الخضرا


أه ياخال
نفسي أشق خلجاتي
نفسي الأرض تبلعني
دمي في عروقي بيغلي
حدودي عليا مقفولة
أهلي وناسي حابسني
مسدودة باتفاقية وعسكر
والإتفاقية بتحرق غزة
بتقتل أطفالها وشبابها
وشلت إيديا
خرصت لساني
قفلت حدودي عليا
عشان تفضل الأرض محتلة


بنبكي على القضية
ولا النفوس إللي ماتت
بنبكي على الشهدا
على الأبرياء
وإللي إدفنوا أحياء
على الأرض إللي راحت
بنبكي على حالنا
على حكامنا
على الشعوب إللي تاهت
على القضية إللي ضاعت
على غزة اللي بتصرخ
والكل سادد ودانه
وحتى إللي بيسمع
إتلهى في حاله


العيب ياخال لافيا ولافيك
العيب في إللي الخوف
ملاهم
شل إيديهم والدنيا
شغلاهم
نسيوا إسلامهم
ذلوا شعوبهم والقضية
باعوها
ولسه ياخال بتدور على عنوان
أحلى عنوان ياخال
مالقيتلهاش عنوان
رد مع اقتباس
  #2  
قديم March 27, 2009, 03:55 PM
 
Thumbs Up رد: مالقيتلهاش عنوان .. جديد الشاعر عبد الرحمن الأبنودي

شرفت بلاد الر يف ياخال
ومين قدوت الاجيال
ابنودي بيكتب شعرفعال
صحبي حبيبي وعمي وخالي
ابويا وامي انتا يغالي
شرفت بلاد الر يف يا خال
وشتمت بقلمك كل جبان
ورفعت الر اية في كل زمان
ويارب رسلتي توصل عبد الر حمن الشاعر رافع رايت

صعيد مصر الغلبان
معع تحيات / احمد محمود من غرب ابنود
تعر فها يشاعر
رد مع اقتباس
  #3  
قديم March 27, 2009, 04:08 PM
 
رد: مالقيتلهاش عنوان .. جديد الشاعر عبد الرحمن الأبنودي

[quote]
ممكن اساعد في الاشعار واقول اية سبب الاحزان
ياولدي كلمة بتغير انسان هي بعدنا عن الاسلام
وسنت نبينا علية الصلات والسلام
رد مع اقتباس
إضافة رد

مواقع النشر (المفضلة)

الكلمات الدلالية (Tags)
مالقيتلهاش, الأبنودي, الرحمن, الشاعر, جديد, عبد, عنوان

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
بلا عنوان pinky girl ** المواضيع العامه 4 June 8, 2010 05:54 PM
بلا عنوان bes شعر و نثر 2 July 9, 2009 06:17 PM
بلا عنوان حنان محروس الترحيب بالاعضاء الجدد ومناسبات أصدقاء المجلة 4 November 27, 2008 10:50 AM
بلا عنوان marocaino شعر و نثر 0 June 14, 2008 01:41 AM


الساعة الآن 12:42 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر