|
#1
December 31, 2008, 01:55 PM
|
||
|
|
||
|
سبب ضرب غزة
بسم الله الرحمن الرحيم ازيكم ؟ يا رب تكونوا بخير وفى أحسن حالطبعا العنوان شد انتباهكم وانا قاصدة كدة فعلا عشان تدخلوا وتقروا الموضوع وتفكروا معايا فيه بما اننا أسرة واحدة فى المنتدى هنا كلنا طبعا شفنا ضرب غزة والدمار اللى حصل فيها والقتلى والجرحى مناظر تقطع القلب مش كدة ؟؟ مناظر تخلى العين تبكى ؟؟ مناظر تخلى القلب يصرخ بأعلى صوت له من شدة الألم مش كدة ؟؟ يا ريت تقروا الاسئلة اللى موجودة وكل شاب وبنت يجاوب عن الاسئلة دى انا مش عايزة أعرف الاجابة ... بس عايزة اقول لو حد فيكم كانت اجاباته سلبية يعرف من نفسه كدة إنه سبب ضرب غزة مستغربين كدة ليه ... حتقولى وأنا مالى مش انا اللى اصدرت الأمر بالضرب وقتل المدنيين الأبرياء حقولك راجع معايا شريط حياتك راجعى معايا شريط حياتك وفى النهاية حتعرف انا أقصد ايه نبتدى بالشباب الأول : قولى يا شاب يا كول عايش حياتك ازاى بتصلى كل الفروض فى وقتها ؟؟ ال mp3 بتاعك فيه قرآن ولا أغانى ؟؟ لما بتركب عربيتك بتشغل فيها شرايط اغانى ولا قرآن ؟؟ طريقة لبسك على موضة شواذ اوروبا ؟؟ البنطلون الواقع دة وتسريحة شعر القنفد ؟؟ولا لأ ؟ قولى مين هما اصحابك اللى بتخرج معاهم ؟؟ لما بتخرجوا بتروحوا فين ؟؟ بتشربوا سجاير ومخدرات ولا ولأ؟؟ لما بتنزل مع اصحابك بتعاكسوا بنات فى الشارع ولا لأ ؟؟ لو نزلت لوحدك برضو بتعاكس بنات ولا ولأ ؟؟ بتسافر بلد غير بلدك عشان تعصى ربنا فيها بعيد عن عيون الناس اللى بتعرفك ولا ولأ ؟؟ يا ترى لو جيت سألت باباك ومامتك عنك اذا كانوا راضيين عنك ولا لأ حيردوا عليا ويقولولى ايه ؟؟ اخلاقك مع الناس اللى حواليك شكلها ايه ؟؟ ودلوقتى الدور على البنات : نيجى للبنوتة الروشة اللى فى يوم من الايام حتبقى أم ومسؤلة عن بيت وأولاد اللى قال فيها الشاعر : الأم مدرسة اذا اعددتها اعددت شعب طيب الأعراق أخبار المكياج معاكى أيه لما بتخرجى برة البيت ؟؟ العدسات اللاصقة عندك منها كام لون ؟؟ وبرامج ومجلات الموضة متابعاهم كويس ولا لأ؟؟ وبنطلونات الرش اللى بتتلبس الأيام دى يا ترى لو جيت زيارة عندك حلاقى واحد منها فى الدولاب عندك ولا لأ ؟؟ عندك كام نوع برفان ؟؟ يا ترى كل يوم بتحطى نوع معين من البرفان ولا انتى بتفضلى نوع واحد بس تستخدميه ؟؟ طيب موبايلك فيه كام نمرة شاب ؟؟ ولا مفيهوش خالص ؟؟ مين هما صحباتك ؟؟ لما بتخرجوا تروحوا المولات بيكون عشان تقابلوا شباب ولا لأ ؟؟ بتعاملى أهلك ازاى ؟ يا ترى بتحافظى انك تصلى كل الفروض فى وقتها زى ما بتهتمى بمظهرك قدام الناس ولا لأ ؟؟ بتعاملى باباكى ومامتك واخواتك ازاى ؟؟ يا ترى اهلك راضيين عنك ؟؟ خلصت الأسئلة وفاضل الاجابات بتاعتكم عليها ... ممكن الاقى تعليق على موضوعى يقولى انتى مكبرة الموضوع كدة ليه .. يعنى بلاش نعيش زى بقيت الناس .. جاية كمان تقولى احنا السبب فى ضرب غزة حرد ساعتها واقول ان فلسطين مؤشر الايمان عند المسلمين اقرا التاريخ كدة وشوف حال المسلمين لما كانت فلسطين تحت رايتهم وشوف حال المسلمين لما راحت فلسطين منهم ومسكوها قتلة الانبياء والرسل لما المسلمين بيكونوا قريبين من ربنا وبيطبقوا أوامر ربنا بتكون فلسطين تحت رايتهم لكن لما المسلمين يبعدوا عن ربنا وعن الدين بتروح فلسطين منهم حتقولى اشمعنى فلسطين مؤشر الايمان حقولك عشان كل الانبياء مروا عليها وفيها اتجمع كل الرسل والانبياء وصلى بيهم الرسول محمد صلى الله عليهم وسلم ومنها حصلت رحلة الاسراء والمعراج للنبى محمد صلى الله عليه وسلم أكيد طبعا بعد كل الكلام دة تبقى فلسطين مؤشر للايمان عند المسلمين انا كتبت الموضوع عشان اقول كفاية نوم لحد كدة .. كفاية بُعد عن ربنا وبُعد عن تعاليم الدين لحد كدة حتقولى ايه علاقة الدين بفلسطين والإحتلال ؟؟ حقولك لما تعرف ربنا حيبقى عندك غيرة على المسلمين .. غيرة على حرمات المسلمين اللى بتنتهك كل يوم فى فلسطين .. حتعرف معنى حديث الرسول محمد صلى الله عليه وسلم : المسلم أخو المسلم .. حيبتدى أعداء المسلمين يخافوا منك عشان حيبقى فى إتحاد بين المسلمين كلهم أتمنى موضوعى ميزعلش أى حد منكم بس أنا مش عاجبنى حال المسلمين الأيام دى وحبيت يكون موضوعى عبارة عن جرس انذار قبل فوات الأوان ... قبل ما تقابل ربنا وساعتها مش حتعرف تقوله إيه .. على فكرة انت مسئول على أخواتك المسلمين فى العالم كله .. حتتسأل عليهم يوم القيامة .. شفتهم بيتقتلوا عملت لهم ايه ؟؟ شفت حرمة الدين بتنتهك اتصرفت ازاى ساعتها ؟؟ الحق نفسك من دلوقتى احسن لك جيب ورقة وقلم وجاوب على الاسئلة ولو لقيت فى اجابات سلبية عندك صلحها على طول وغيّر من نفسك وأبتدى مع ربنا صفحة جديدة حختم كلامى بمقولة عمر بن الخطاب رضى الله عنه المشهورة : نحن قوم أعزنا الله بالإسلام فإن ابتغينا العزة فى غير دين الله أذلنا الله وطبعا مفيش شك إن حال المسلمين الأيام دى هو : الذل تعرف إن جولدا مائير رئيسة وزراء اسرائيل السابقة قالت : إن فعلا المسلمين حينتصروا على اليهود بس لما يبقى عدد المسلمين اللى بيصلوا صلاة الفجر هو نفس عدد المسلمين اللى بيصلوا صلاة الجمعة يعنى جولدا مائير عارفة إن الإسلام هو الحق وهو الدين اللى حينتصر بس عايز شباب وبنات بتحب ربنا أوى عشان يخلوا المسلمين ينتصروا وفى النهاية انا حابة أدعى لفلسطين وأهلها واتمنى منكم انكم تدعوا معايا : يا رب أرحم شهداء فلسطين واسكنهم فسيح جناتك يا رب أنصر المسلمين فى فلسطين على اليهود يا رب أنزل السكينة والصبر على أهل فلسطين يا رب أرنا فى اليهود عجائب قدرتك الهم آمين يا رب العالمين
|
|
#2
December 31, 2008, 10:03 PM
|
||
|
|
||
|
رد: سبب ضرب غزة
السلام عليكم ورحمة الله وبركاته
جزاك الله اخي على موضوعك كلامك حق اللهم يهدي اهل امتنا وشبابها يا رب أرحم شهداء فلسطين واسكنهم فسيح جناتك يا رب أنصر المسلمين فى فلسطين على اليهود يا رب أنزل السكينة والصبر على أهل فلسطين يا رب أرنا فى اليهود عجائب قدرتك آمين
|
|
#3
December 31, 2008, 10:32 PM
|
||
|
|
||
|
رد: سبب ضرب غزة
جزاك الله خير
وفعلا انفسنا تحتاج لتغيير نحتاج لان نقترب من الله اكثر حتى يعزنا ويذل الاعداء اشكرك على الموضوع
__________________
..!!  .. !!  
|
 |
| مواقع النشر (المفضلة) |
| الكلمات الدلالية (Tags) |
| سبب, غزة, ضرب |
|
|
العرض العادي
