فرصة عمرك..مشروع دعوى برعاية الشيخ محمد حسين يعقوب

السلام عليكن ورحمة الله وبركاته

وصلتنى تفاصيل هذا المشروع عن طريق النشر فى المنتديات
أردت أن اشرككن فيه ليعم الخير .. وانا مستبشرة جدا من تفاعلكن
وحتى لاأطيل أكثر .. فإليكن التفاصيل نقلتها لكن

==========================
بسم الله الرحمن الرحيم

اخوتى واخواتى

°ˆ~*¤®§(*§*)§®¤*~ˆ°فرصه عظيمه°ˆ~*¤®§(*§*)§®¤*~ˆ°

فرصه لمن يشتهي عمل صالح سراً،لا يناله الرياء، ولا العجب،

يعرضها علينا جميعا الشيخ الفاضل/ محمد حسين يعقوب ، بعنوان فرصه العمر

أخى لاتبخل على نفسك بتحميل الماده المرئيه والإستماع لها فإنها لن تأخد من وقتك الكثير فقط ( 12 دقيقه) مرئيه ، تستمع فيها لكلمه الشيخ عن هذ الفرصه العظيمه لأكتساب ملايين الحسنات ، والله يضاعف لمن يشاء،

للتحميل من
هنا

أو

أو بامكانك التحميل ايضا من الموقع الرسمى للشيخ محمد حسين يعقوب ، بعنوان (فرصه العمر)

ولمن لا يستطيع التحميل ويفضل قرائته
هذا هوا تفريغ الماده ( حرفيا ) مع ملاحظه ان هذا الكلام تم تفريغه حرفيا لأمانه النقل دون تعديل أو نقصان،

نقلا عن الشيخ فى الماده

وإليكم نص الكلمه

---------------------------------------
----------------------------
----------------------------

فرصه العمر

أعوذ بالله من الشيطان الرجيم
بسم الله الرحمن الرحيم

المحمود هو الله جل جلاله
والمُصلى والمسلم عليه هوا محمد وآله
أخوتى فى الله ، أنا أحبكم فى الله
واسئل الله جل جلاله ان يجمعنى واياكم فى ظل عرشه يوم لا ظل الا ظله
اخوتى ، انا أحبكم فى الله هذه حقيقه أقولها، واجعلها عندك حقيقه يقينيه ليس كلام مجامله ،ولا لزمه من لوازم الشيوخ أوالدعاه ولا مدخل لموضوع (عايز اقولك حاجه)،
ولا تأليف قلوب ( لأ لأ دا حب ، حب حقيقى )

وقد أخبرنا أخواننا المسئولين عن الموقع فى هذه الفتره بعدد الداخلين ، فاُعطيتُ إحصائيه حقيقه لعدد الداخلين الى الموقع فى ثلاثين يوما ،فوجدت ان زوارالشهر عدد يقارب نصف مليون زائر، وهذا بالنسبه لي لم يكن حلما فكان كل ما يخطر ببالى (ان مائه مئتان ثلاثمائه واحد بيدخلوا كل يوم على الموقع وخلاص)

ففوجئت أن الأمر ضخم، هذه مفاجأه ( فعلشان كدا انا بقول انا بحبكم فى الله ، انا بحبكم فى الله ، وبقولها بملئ قلبى ،إن ليه حرصكم على الموقع دا ( لا فيه ضحك ولا فيه تهريج ولا فيه صور ولا فيه حاجات مشجعه، وإنما اللى يدخل هنا زى ما قلت من الأول لأصحاب القلوب النظيفه ، اللي يدخل هنا على موقعنا لمن يريد قلبا هادئا ، من أول ما فتحنا هذه الصفحه ، قلت بلاش نقول موقع دا صفحه ، من أول ما فتحنا الصفحه دى، قلنا عايزين الصفحه دى تبقى طاهره من اللغو والرفث ، طاهره من اللعب والعبث ، جٍداً كُلها ، أنا بقول الكلمه دى النهارده علشان أؤكد أننى احبكم فى الله )

وأطلب منكم مساعده

إذا استعنت فإستعن بالله وإذا سئلت فاسئل الله
فأسئل الله عز وجل أن يوفقنى ويسدد لسانى لما أُريد أن اعرضه عليكم،

قال الله جل جلاله
(وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ)

وقال رسول الله ( صلى الله عليه وسلم )
من دعى إلى هدى كان له من الأجر مثل أجور من تبعه لا ينقص من أجورهم شيئا ، ومن دعى الى ضلاله كان عليه من الوزر مثل آثام من تبعه لا ينقص من آثامهم شيئا.

وقال ( صلى الله عليه وسلم ) نعمه الهديه ، نعمه العطيه ،الكلمه من الخير يسمعها الرجل المسلم فيُهديها إلى أخيه المسلم.

فأنا أريد أن أدلكم على خير،وأنا دايما أقول انا دلال على بضاعه الله، يعنى انا عندى بضاعه وبدلل عليها ، مين يشتري منى ،

مين يشتري منى بضاعه ربنا ، اللى هيا ( الجنه)؟؟

اللى انا بقوله النهارده هوا اننا بنحدث الموقع وبنجدده وبنظبته ولعلنا هنلاقى حاجات جديده عن قريب ، مثلا هتلاقى فيه رسائل الموبايلات،يعنى هنجتهد اننا نحط كدا فقرات ، او بيسموها مقاطع فيديو تصلح للموبايل ،تتنقل على التليفون ، بحيث تتناقل بين التليفونات،هذه المقاطع صوت وصوره ، بدل الحاجات الحرام اللى معموله، إحنا بنحاول تجديد وإحلال ، إحنا قلنا زي
سيدنا النبى ( صلى الله عليه وسلم) لأن يمتلئ جوف احدكم قيحاً حتى يُريه ،خيراً له من أن يمتلئ شعراً.

فالقلوب بتتملئ وبتتفضى ،وعلى قد ما يدخل فيها من خير بيطلع منها شر ، وعلى قد ما يدخل منها من شر بيطلع خير.

فا عيزين ندخل خير فى قلوب الناس.
فا المساعده اللى انا طالبها النهارده هيا
( فرصه العمر)

تفريغ الدروس والخطب

( أنا فوجئت ان فيه رساله جائتنى من بعض أخواننا فى <موسكو>
فى روسيا ، سبحان الله العظيم ، بيقول ان هما بيقعدوا يمسكوا صحيح البخاري ، وأنا بقرأ صحيح البخاري فى الموقع ، ويحطوا ايديهم على الكلمات ، وأنا بقرأ ، ولكن هما مبيعرفوش يقرئوا عربي

فا جائت هذه الفكره من أجل هذا ( ان أحنا عايزين ان الكلام اللى احنا بنقوله يبقى مكتوب، قالوا انهم عندهم برنامج ترجمه ،الحاجات اللى مكتوبه على الموقع بيدخلوا عليها برنامج الترجمه ، بيديهم ترجمه فوريه وبيترجملهم المقالات المكتوبه ،تترجم إلى لغتين

فالشاهد اننا عايزين دلوقتى كل واحد منكم يتبنى فرع من فروع الموقع، يفرغ الخطب ، يفرغ الدروس ،يفرغ مدرسه الربانيه ،تفريغ بالحرف بالكلمه،

اذا كحيت يكتب كحه ،
وليه: إحنا بنقول ان تجاره العلماء تجاره النيات، ليه انتا عايزنى افرغ الموضوع دا ،

أنا دايما عندى جمله يا جماعه مش عارف تعجبكم ولا لأ

( إذا مقدرتش تبقى خدام لربا أشتغل خدام لخدامين دين ربنا ، إذا مقدرتش بقى خدام دين ربنا اشتغل خدام لخدامين دين ربنا)

فلو إنتا مش قادر تقول ، ساعد آخرين فى اللى انا بقوله ساعده،
لعل خطيب مش هيقعد يسمع النص ساعه، يروح منزل اللى انتا كاتبه العشر صفحات وياخدهم يبص فيهم فى خمس دقائق
وينزل يقول الخطبه ، ربنا ينفع بيه.

لعل مسلم أجنبى يترجم التفريغ اللى انتا مفرغه، وينتفع بيه
لأنه مش فاهم عربى الكلام اللى انا بقوله، هوا مش فاهمه

لعل يبقى دا مشروع العمرلأن دا عداد حسنات لا يتوقف،

لما أقول كدا ان نص مليون ، والأمر فيه تزايد (الناس اللى قايمين على الموقع محتاجين ان احنا فعلا نشكرهم لأن كل هؤلاء محتسبون ، محدش خد من أى أجر فى هذا العمل ، فجزاهم الله خيرا

الشاهد أيه ان نص مليون ، وهما بيقولوا انه بتزيد ،العمليه بتزيد ،فلما نص مليون يقرو ا الورقه اللى انتا كتبتهاا، يقروا التفريغ اللى انتا فرغته ، شوف انتا حسنات أد أيه ،دا أحنا بنقول النص مليون دول فى نص شهر، فما الك بقى فى السنه يبقى أد أيه ،

فرصه،؟
أنا بقول للطلبه فرصه فى الأجازه، إن كل واحد يفرغ عشرين خطبه ، لا عشرين ليه( خمسين )، لا خمسين ليه ( مائه)، اشتغل.

فرصه للأخوات اللى قاعدين فى البيت مش وراهم حاجه فرصه.

ااااه كم كتبت حراماً...؟؟؟؟

فرصه بدل سيئاتك.

اااااااااه كم كتبت للدنيا ....؟؟؟؟

فرصه بدلها للآخره.

ان شاء الله هينزل على الموقع برنامج ميسر للمشروع، برنامج بتشغل عليه الشريط او الماده بيخليهالك أبطء ،ويخلى فتره بين كل جمله وجمله ،لحد ما تكتب ،

جربووو، ودورو، وساعدنا ، وابعت اقتراحاتك ،

فرصه لمن يشتهي عمل صالح سراً،لا يناله الرياء، ولا العجب

لا يناله الرياء ولا العجب،

يعنى محدش يكتب اسمه تفريغ فلان، ولا تفريغ فلانه ،ابعت وخلاص

أعمل وارميها على الموقع ، أعمل ( فرغ) وأرميها فى صحيفه حساناتك ، فرغ وأرميها ،تشيلك وتنفعك ،يمكن يوم تحتاجلها

عايزين كل واحد يفرغ يكتبها على الكمبيوتر .

( أصل انا مبعرفش اكتب على الكمبيوتر ، بكتب بصباع واحد ، وبطئ )

يا راجل بيقعد على الشات تلات اربع ساعات يكتب بصباع واحد
متقعدش انتا نصف ساعه لله ، ولا ساعه ولا عشرين ساعه تكتب

( صعب ، صعب، هغلط كتير )

ماشى أجر حد يكتبلك،المكاتب كتير النهارده بتاعة الصف ،ادى حد يكتبهوملك ، كام خطبه انتا مفرغهم بايدك ، وتدهومله يكتبلك

دى فرصه العمر، متضيعهاش

أيه رايك أعملها مسابقه فى بيتك أشترى عشر شرايط، ومسابقه مين اللى يفرغ،ويفرغله كام،زمان والله ، زمان دا مش بعيد أوى ، كنا بنعمل تفريغ الشريط بعشره جنيه ، خلى أنتا الشريط بجنيه،بعشرين جنيه ، حد يفرغ ويكتب ويدهوملك ،وروح انتا على اسكانر على اسطوانه ، على النت وأحدف عندنا ،
ومتخافش هنراجع، متقلش فيها غلطات كتير ، هنراجعلك النحو،وهنراجعلك الأسلوب،وهنراجعلك علامات الترقيم،بس أنتا اشتغل دى فرصه عمرك
بحبك فى الله

والسلام عليكم ورحمه الله }

-------------------------------------------------
----------------------------
----------------------------

ملاحظه : هذا الكلام نقلا حرفيا عن الماده المرئيه للشيخ محمد حسين يعقوب وليس كلامى

حفظ الله الشيخ وبارك لنا فيه

للمشاركة في المشروع :

عليك قبل ان تبدا في التفريغ , مراسلة الموقع وتخبرهم برغبتك في الانضمام للتفريغ عن طريق الرابط التالي

أرجوا نشرها وتوزيعها فى أكبر عدد من المنتديات ليعم الخير ولتحقيق الهدف ، ولاتبخل على نفسك

والسلام عليكم ورحمه الله ركاته

برنامج يساعدك على تفريغ الأشرطة !!



--------------------------------------------------------------------------------





لا يخفى علينا أهمية تفريغ الشروحات العلمية وما يتحقق بها من نفع بإذن الله عز وجل..

برنامج يساعد في تفريغ الأشرطة ، حيث يحتوي على برنامج الصوت مع برنامج الورد في واجهة واحدة ، ليسهل كتابة المادة الصوتية .

والبرنامج من تصميم الأخ الفاضل _ محمد سعيد _ حفظه الله تعالى ، وجزاه الله خيرا .

وننبه الإخوة الكرام أن البرنامج تحت التعديل ، فنرجو منهم متابعة الإصدارات الجديدة ، وسوف نضيفها فور صدورها إن شاء الله تعالي ، وسوف ننبه في عنوان البرنامج على رقم الإصدار .

وننبه ، أن بعض الإخوة يظن أن البرنامج يقوم بتفريغ الشرائط بنفسه ، وهذا ظن خاطىء .

بل الغرض منه فقط جعل الملف الصوتي مع مكان للتفريغ في واجهة واحدة ويتم التحكم فيه باستخدام لوحة المفاتيح تسهيلا وتسريعا للمفرغ .
حيث أن :

الزر F1 يقوم بتشغيل وإيقاف الملف الصوتي مؤقتا.
الزر F2 يقوم بإرجاع الشريط لمدة 10 ثواني تقريبا.
الزر F3 يقوم بزيادة الشريط لمدة 10 ثواني تقريبا.
الزر F5 يقوم بإيقاف الشريط نهائيا.

بالإضافة لميزات أخرى





البرنامج مرفق معه ملف وورد وبه طريقة استخدامه

لتحميل البرنامج

https://www.islamway.com/index.php?iw...=1412&target=1



مع تمنياتي لكم بالعلم النافع والعلم الصالح