|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#46
May 3, 2015, 01:39 PM
|
||
|
|
||
|
رد: رواية رواية سهام الأيام للكاتبة رشا
#السهم الثامن والأربعوون..((الأخير)).، يتبع.. ع الجوال تكلم راكان~ راكان/سهام حبيبتي،انا اسف ع اللي حصل ذيك الليله .،انا.. سهام قاطعته/ههههههههه راكان هالسالفه صارت قديمه حييل ولها فوق السنه بعد هههه راكان ابتسم/نسيتيها؟!! سهام تستعبط/ايه نسيتها ولا اذكر شيء من اللي صار راكان/ولا تذكرين ولا شيء بالمرره سهام،بدلع/بالمرره، راكان بخبث/شرايك نسوي زواجنا الاسبوع الجاي واذكرك باللي سويناه، سهام/ممممم موااافقه حبيبي ليش لا.. راكان بصوت فيه بحه/اشتقتيلي ياسهام سهام داخله جو/إلا الشوق كلمه ماتوفي حجم مشاعري في غيابك عن العين..ياما سهرت الليل وحدي ادعي ربي يقومك بالسلامه وتملى علي دنيتي وتشاركني حياتي يا راكان راكان/احبك يا روح راكان / / / / #عند باب المطعم~ نزل عزام مسك يد سديم ودخلوا.. سديم استغربت عزام وهو يمسك يدها برومانسيه!! عزام شاف القرسون/لو سمحت جاءت مها العبداللطيف القرسون/ايوا وبتنتزر حضرتك هونيك طاوله33 سديم استغربت انه مها بالسالفه وهمست له علشان الناس الموجودين/عزاااام انت ليش جايبني هنا مع مها حقتك هذي هااه عزام ببتسامه همس لها/اسكتي وبتشوفيين كل شيء بوضوح،تعالي وخليك سديم الواثقه من نفسها و المغروره اللي اعرفها سديم سكتت لأنهم وصلوا الطاوله/.. عزام ببتسامه/مساء الخير مها مستغربه وجود هالبنت معه/مساء النور،هلا عزام عزام/تسمحين لنا نجلس مها/طبعا عزام تفضل سديم تخزززها وتحاول تكون عاديه/كيفك مها؟ مها ابتسمت/الحمدلله،انتي من؟!...عزام هذي اختك سديم نزلت نقابها وفردت شعرها لان فيه ستاره/لا مو أخته يا حياتي مها عرفتها/انتي موظفة البنك؟ عزام ببتسامه/اقدم لك زوجتي سديم العباد. مها انهارت بس تحاول تكون قويه/بس ماقلت لي قبل كذا انك متزوج! عزام/ماعطيتيني فرصه، وماجاءت مناسبه بس قلت دامك عزمتيني وألحيتي على العزومه،قلت اجيب زوجتي معي،وتتعرفين عليها مها،ماقدرت تتحمل،وقامت والعبره خانقتها/انا آسفه انا مضطره امشي، عزام ببرود/والعزيمه مها سفهته ومشت/.. سديم التفتت على عزام وبنظرات معصبه/حرام عليك،ليش سويت فيها كذا عزام/لازم احد يوقفها عند حدها،جمالها وثروة ابوها ودلعها ماراح ينفعونها اذا مافيه ادب،والا علبالها ان سحرها لا يقاوم وان كل الرجال ودهم يطلعون معها او يصاحبونها،وش هالتفكير المنحرف سديم/اوكي هدي يا عزام خلاص عزام/سديم ،انا ماحبيت اجرح مشاعرها بكلام الكل يقوله عنها بقفاها ولكن جبتك معي لشيئين سديم/الأول؟ عزام/لانك مازلتي على ذمتي وزوجتي ومابي تحسين بيوم اني كنت زوج خاين سديم عجبها اسلوبه وسحرها كلامه/والثاني؟ عزام/الثاني كنت ابي اوصل رساله لـ مها أنه مهما كلمها اي رجال وقبل انه يطلع معها فهو يعتبرها مجرد تسليه لان زوجته اللي حافظه نفسها هي اللي يحترمها مهما ناظر غيرها،فما ابيها تنخدع مره ثانيه..فهمتيني؟ سديم ببتسامة رضا/انا اشهد ان الدكتوراه حقتك ما اخذتها عبث يادكتور عزام عزام ابتسم/شرايك نطلب العشاء؟تراني جعت سديم اخذت المنيو/اوكي / / / / سحاب عندها وجالسات يسولفون وكأن لهم سنه ما سولفوا/اشوفك ما رجعتي لبيت عمك..!! سهام/ما راح ارجع ...راح اتزوج واظل هنا ديم وهي تصطنع الضحكه/اذا انا السبب..لا تعذرين فيني روحي مع زوجك انا ما اخاف لحالي سهام/اقال اسكتي بس سحاب/اقوول لا تطاقون قداامي اللحين ديم/لا تشيلون همي..ترى ماني سهله..ودام نوره شغلتني بالمركز حقها ف أموري تمام سحاب/صددق اشتغلتي هناك .مبروووك ديم/الله يبارك فيك سهام/لا ومشرفه بعد سحاب/اووووه ههههه ديم تخصرت بيدينها/اجل وشو قايله لكم ماني هينه الكل/ههههههههه / / / / #بعد اسبوع~/ كان زواج راكان..، العصر~ ومعه بجاد..جالسين مع راكان في الحلاق.. عزام/تصدق ي بجاد،انا مررتبك وخايف بجاد/من وش؟ عزام/لو دري راكان باللي سويته بمرته مادري وش بيصير بجاد/ماعتقد انه دري وبعد ما اعتقد ان سهام بتقوله عزام/وانت شدراك؟ بجاد/لانها حرصت على الكل انه مايجيب احد طاري باللي حصل لها.. راكان طلع من الساونا وجلس يستريح/يووووه حرر ياااخي ههه بجاد/نعنبو بليسك صاير بياضك يسطع من عقب نومة المستشفى طلال/بلا من شهووور عن سموم الشمس هههههه راكان/هههه الا ذكرتوني ،انا حاب اشكركم ع اللي سويتوه ، بجاد وطلال/وش سوينا راكان ببتسامه/سهام مدحتكم واجد وقالت لولا وقفات عيال عمي معي كان ماقدرت تتخطى الظروف اللي مرت فيها،بيض الله وجيهكم بجاد/ووجهك ابيض ،هذا واجبنا عزام سكت متفاجئ الحلاق/لو سمحت استاز راكان فيك تجي لعنا هون بدنا نقص الشعرات هلأ راكان قام /يلا،عن اذنكم شباب بجاد/خذ راحتك.. عزام مو مصدق،لأن سهام طلعت أنبل منه وماذكرت شيء عن اللي سواه فيها..، بجاد نغز عزام/سمععت...هذي هي اخت الرجال،طلعت كفو،وخيبت كل ظنونك،لأنها تحب هالعايله صح وماتبينا نتفرق عزام كبرت في عينه..وابتسم/عز الله اللي صبر راكان وظفر،هذي الزوجه لا قالوا زوجه.افعالها تشهد لها قبل جمالها. بجاد/وراكان يستاهل.. بعد شوي بجاد همس في اذن عزام...وطلع عزام .. طلال/وين روحت عزام بجاد/ارسلته يجيب بشت وشماغ راكان من البيت،االمعرس من فرحته نسى يجيبهم طلال/يحق له هههههههه بجاد/ههههههه \ / / / دخل عزام البيت وينادي/خالتي أم راكان،عمتي نووره واحد من عيال مشاعل بنت نوره جاء يركض/نعم انت وش تبي عزام ابتسم له/من انت؟ احمد/انا أحمد ؟..أنت من عزام/انا عزام،يا احمد وين جدتك احمد/جدتي نوره توها مابعد تخلص وجدتي هياء راحت صالة الافراح وماما عند العروسه محد خلص الا عمتي سديم تبيني اناديها؟ سديم نازله من فوق وتنادي/حموودي حمووووودي عزام التفت بشووق يبي يشوف شياكتها وبلع ريقه مبهو. وهو يشوفها لابسه فستان سواريه دانتيلا اسود مبطن بذهبي للركبه وحزام عريض بنفس لون البطانه الذهبيه وشعرها الاسود مفكوك على طوله لين نص ظهرها وكعب طوله 4سم لوووول/.. احمد/عمتي انا هنا معي عزام. سديم التفتت عليه وشافته وبلعت ريقها من نظراته لها/عزام!! عزام ببتسامه/إيش هالأناقه والجمال سديم استحت/من جد؟! عزام وهو مبهور وواضح بعيونه/اكيد من جد، سديم تحاول تناظر اي شيء إلا عيونه/مشكور..، انت اكيد جاي تاخذ شماغ وبشت راكان صح؟ عزام/ايه سديم/حمودي حبيبي روح غرفة عمو راكان وهات الشماغ والبشت اللي على سريره احمد راح/طيب سديم/استريح عزام ،يا ساااميه هاتي عصير فرش عزام جلس وعينه عليها ماتنزل..، سديم جلست قباله و استحت من نظراته/عزام شفيك تناظرني كذا؟ عزام/هههه من يصدق ان واحد عنده زوجه بجمالك وسحرك وراح المحكمه امس يقدم معاملة طلاقها!! سديم صدمها الخبر،بس حاولت تكون عاديه رغم انه رعشت يديها فضحتها/والله؟خلاص قدمت اوراق طلاقنا عزام ببتسامه/ايه،انفذ طلبك، اهم شيء راحتك سديم حست بضيق في صدرها وماقدرت ترد/.. عزام وعيونه تلمع/لي طلب صغير منك قبل لا ننفصل رسمي سديم رفعت ناظرها له/قول؟ عزام وقلبه يعتصر ألم/اذا قررتي تزوجين،طلبتك ارسلي لي خبر بموعد العرس علشان اسافر ،مابي اكون موجود علشان ما اضطر احضره.، سديم ماقدرت ترد/... احمد جاء ومعه الكيس اللي فيه البشت والشماغ/جبتها عزام اخذ الكيس وطلع بسرعه/...، سديم نزلت دموعها وانهارت بالبكاء اول ما طلع/.. / / / عند العروس~ سحاب خلصت سهام/هااه وش رايك سهام وهي تناظر شكلها بالمرايه/حلو تسلم يمينك سحاب بمزح/الا تبين تتعبيني معك،كان جبتي لك وحده تزينك سهام/انا مابي غيرك يزيني بكيييفي سحاب/يممااا منها ديم اقبلت ومعها نوري بنت سحاب/سحاااب تعالي خذي بنتك شكل يبي لها تغيير سحاب/بصرااحه هذي اخيس شي في الأمومه الكل/هههههههه مشاعل/تووك مابعد شفتي شي هذي البدايه سحاب قامت/الله يعين...بروح لبنتي وعقب بجي نكمل سهام.. سهام/اووكي.. طلعت سحاب.. مشاعل تبي تفتح مواضيع مع سهام لانها من زمان عنها وبينهم زعل/الله الله يالشعر الطوويل ماشاء الله الله يرزقنا سهام ابتسمت متناسيه كل شي/ههههه ابعدي المقص عن شعرك وبيطول مشاعل/ مشكلتي يدي هههههه سهام/ههههههه دخل احمد/ماما متى نروح العرس الكل/ههههه مشاعل/بعد شوي حبيبي،شفت عمتك سديم خلصت اولا؟ احمد /ايه خلصت وجلست مع عزام وهي مستانسه بس يوم طلع عزام بكت !! سهام تأثرت/ مشاعل/طيب حبيبي روح لخواتك والعب معهم.. احمد طلع..، مشاعل/ماني فاهمه وش في راس هالبنت،مدري ليه تنكر أنها تحبه سهام ابتسمت/كبريائها يمنعها، مشاعل/اي كبرياء هذا سهام/كبرياء عاشقه مجروحه..سديم مو توها تحب عزام،سديم تحبه من ايام المراهقه.. مشاعل/وانتي وش دراك سهام/كل صور اخوانها راكان أو سلمان اللي هي محتفظه فيها صورة عزام ومافي احد من الشباب غيره،وكل سلاسلها القديمه تعليقتها حرف(عين)..تتوقعين هالشيء وش معناه.. مشاعل استغربت/طيب ليش رفضته بالخطبه!! سهام/الاسلوب اللي انخطبت فيه وكلمة غصبن عليك بتتزوجينه،وصدمتها بشي ثاني حنا ما نعرفه بهالشيء خلاها ترد رد عكسي.. مشاعل/بصرااحه اقنعتيني،يالفيلسوفه سهام/يلا بس ابعدي خلني اخلص مشاعل/هههه شعليه مستعجله ههههه سهام/هههه مالك دخل واطلعي خلصي بزارينك مشاعل/انا طالعه اصلن كششش سهام/هههه / / / طلعت "ديم"من غرفة الضيوف وشافت مشاعل رايحه لبزارينها/مشاعل الله يخليك مشاعل/سمي ديم/ابي كيس صغير..وين ممكن الاقي مشاعل/تلاقينه عند الخدم بالمطبخ اسأليهم بيعطونك ديم/مشكوره... مشاعل/العفو. طلعت ديم من الجناح وقامت تلفت وتدور وين اتجاه هالمطبخ... تفاجأت واحد واقف قبالها وببتسامه/واااو ديم استحت وصدت عنه/سلماان!! سلمان ببتسامه وهو يطالعها/شكلك مضيعه و تدوزين شي ديم وهي مرتبكه/ادور المطبخ سلمان حب هالفرصه/المطبخ من هنا أشر على غرفه جانبيه.. ديم راحت لها بدون تردد/.. سلمان لحقها بدون ما تحس وسكر الباب... ديم خااافت من جد/سلمان ليش كذا... سلمان/زين اللي أمي ارسلتني اجيب لها البخور..علشان اشوفك ديم/انت ليش لاحقني بالغرفه سلمان/هي كلمه ورد غطاها مابي منك شي ثاني ديم وهي معطيته قفاها/قوول انطق سلمان بصراحه وبدون مقدمات/تبيني زوج مثلما ابيك زوجه؟! ديم ما كانت ابداً متوقعه منه هالطلب،اللي حيل فرّحها بس في شي منغص عليها،بيخليها ترفضه*لأنها مطلقه ومن ولد عمه* سلمان/هاه وش قلتي؟ ديم/ماراح اقول شي واطلع برا لو سمحت سلمان بإلحاح/السؤال مو صعب يا نعم او لا.. ديم خنقتها العبره/الجواب مو بالنسبه لي سهل مثلما انت متخيل،رغم اني ماعمري فرحت بحياتي بشي مثل الطلب هذا..اللي عمرري ماتوقعته...لأن عمري ماتمنيت شي وحصلت عليه،..وشكل هالمره يوم صار اللي ابيه برفض أنا او بترفض انت بعدما تعرف سلمان خاف/وش اعرف؟ انطقي..لا تحكمين علي بهالبساطه ديم استجمعت قواها وألتفتت عليه وهي تتلثم بطرف شعرها/انت تقبل تتزوج من وحده مطلقه!! سلمان صحيح هالشي ضايقه بس هو يبيها/منتي اول وحده ولا اخر وحده مطلقه ديم/تعرف من هو طليقي؟ سلمان هنا خاف/من؟ ديم ودموعها تسيل/خالد ولد عمك..طبعا هالشي من زمان وقبل اعرف حقيقته...حاول يرجعني بعدها ورفضته.. سلمان ما قدر يتكلم/..... ديم ابتسمت وسط دموعها/شفت انك ما راح ترضى تتزوجني بعدما عرفت ... سلمان،للحين مب مصدق ماقدر يتكلم.. ديم تركته واتجهت للباب/ارحمني من جحيم رفضك سلمان مسك يدها وهذ تمر من جنبه/ماجاوبتيني!! ديم التفتت عليه مستغربه/على ايش؟ سلمان/تتزوجيني؟ ديم مب مصدقه ابداً/انا مو قد مزحك سلمان/انا ما امزح..انتي صديقة سهام ودامك صديقتها فأنتي كفو وثقه..اذا موافقه فكي لثام شعرك..واذا مب موافقه ا.... ديم قبل لا يكمل ابعدت لثام شعرها عن وجهها وعيونها تلمع دموع مخلوطه ببتسامه..ومشت مستعجله... سلمان انبسسط،ووده يطير من الفرح ،ابتسم ابتسامته الهاديه(مابقى الا اقنع الوالده..الحمدلله) طلع وهو مبسووط / / / / / بالليل....، **عند النساء_ كان كل شيء قمه ف الترتيب والاناقه بلمسات ام راكان ونوره..وذوق سديم.. الكل هنى وبارك.. ¥غرفة العروس¥ سهام واقفه عند المرايه وتناظر في شكلها بكل ثقه وتكلم سديم/هااه ماقلتيلي وش دار بينك وبين عزام اليوم سديم تضيع السالفه/اللــــــه،الفستان يجنن عليك سهام/سديم لا تضيعين السالفه انا اسألك سديم وخانقتها العبره/يقول ان فستاني وكشختي اعجبوه سهام/وغيره؟ سديم اخذتةمنديل وحطته تحت عيونها/قدم طلب طلاق من المحكمه سهام التفتت عليها وقربت منها وربتت على كتفها/علشان كذا جلستي تبكين بعدما طلع سديم بغرور/انا مابكيت،اصلن انا فرحانه بهالطلاق سهام قاطعتها بهدوء/انتي جالسه تعذبين نفسك،اكثر من عزام،تدرين ليه؟..لأنك كابته مشاعرك في صدرك ودافنتها من سنين،بعكس عزام اللي عبر لك عن حبه بكل الطرق،وهو اللحين بيطلقك علشان بس يشوف ابتسامتك ع الاقل..انتي انانيه ي سديم منتي قادره تسامحين شخص ذنبه الوحيد انه يحبك!! سديم تحاو تتهرب/سهام كفايه سهام/لا مو كفايه شيلي هالحقد من قلبك عاد انتي كذا تدمرين نفسك..شوفيني رغم اللي صار لي كنت دايما اسامح،مع انه انا اتهموني في شرفي،لكن علشان راحة حبيبي وسعادته انا مستعده اسامح العالم لعيونه سديم ماعلقت... سحاب/يلا سهام جاهزه سهام بمعنويات مرتفعه/ايوه...يلا سدومه بلا نفسنه.. / / / / ام راكان واقفه بالاستقبال وترحب بالمعازيم.ومعها بنتها ”ندى” دخلت عائشه وهي تبسم(صدق ناس عز) واتجهت لأم راكان /مساء الخير ام راكان استغربتها/هلا ومرحبا مساء النور عائشه،ببتسامه/مبروك زواج ولدك يا أم راكان.. ام راكان/الله يبارك فيك، عائشه/خالتي،اعرفك على نفسي أنا عائشه عبدالله صديقة بنتك سديم ام راكان استغربت/اللي توك والد من اسبوع!! عائشه/لا هههههه شدعوه خالتي والده واحضر عرس ههههه ام راكان ابتسمت/يووه الظاهر مخربطه من التعب تفضلي يا بنتي عائشه دخلت/زاد فضلك ام راكان عصبت وكبتت غضبها(تكذبين علي يا سديمووه!!...هييين بسس) ندى/يمه شفيك سرحتي؟ أم راكان/ولا شيء ندى ببتسامه/شعليك الليله زواج ركوون يا ام ركون ام راكان/عسى ربي يوفقه مع سهام واشوف ذريتهم ندى/امين يارب / / / بعد شويات الزفه¢ دخل راكان وسهام مع بعض وسط تصفيق وتصفير ،صوروا واستقبلوا المهنئين وقطعوا الكيكه سوا... راكان وهو يهمس باذنها/اخيرا تحقق الحلم سهام تبسمت بحياء/.. لحظات ومن يمين الكوشه اقبلت ريم وهي متلثمه بطرف شيلتها وببطنها الكبير ووقفت عند سهام/الف الف الف مببروووك تتهنين با عمري سهام قامت وسلمت عليها/الله يبارك فيك ريومه راكان التفت عليها،ابتسم وهو يشوف بطنها/ ريم التفتت عليه/مبرووك ابن عمو راكان/الله يبارك فيك ريم ومبروك الحمل بعد ريم/هههه الله يبارك فيكم وعقبالكم يارب سهام نغزتها/ترى اذا بنت اسمها سهام انتبهي بس ريم/شدراك ان تركي يقول لو بنت اسمها سهام ولو ولد نسميه راكان راكان/ مالي دخل ترى مافيه سماوه لو تسمونه الكل/هههههههه / / / / عائشه/ماشاء الله يا سديم بنت عمك تاخذ العقل من جمالها واناقتها سديم تناظر في سهام وهي تتبسم وتضحك ع الكوشه/وقلبها من اطهر القلوب بعد..حبوبه وحنونه عائشه/واضح من ابتساماتها والكل في العرس مبسوطين عشانها سديم شافت سهام تأشر لها علشان تبتسم وابتسمت لها..، / / وقت الزفه تجمعوا البنات.ومن ضمنهم سديم .. مشاعل/يلا زفتكم يا معاريس سهام تمشي وقلبها مع سديم اللي واقفه جنبها/خليك قويه مابي تجلسين لحالك تبكين في ليلة زواجي،راح احس بفرحتي ناقصه سديم تصنع الابتسامه/تطمني يا اعز اخت ندى جاتهم/فديت خوااتي راكان سحب سهام بنعومه بطرف اصبعها الصغير/اقول خلوا زوجتي لي عاد مصختوها،يلا حبيبتي نوره/استح يا ولد الكل/هههههههههه / / / / في الجناح حقهم~ جالسين على طرف السرير..ويسولفون وبينهم سنتمرات بسيطه ويضحكون.. راكان وهو يناظر تسريحتها البسيطه والمرفوعه/سهام ليش مسويه كذا بشعرك سهام/ليش ماعجبك؟ راكان/مو قصة ماعجبني بس انتي احلى وشعرك مسدول عللى طبيعته سهام قامت واتجهت للمرايه و رفعت يدها لشعرها وفككت البنس/ولا انا ماحب ارفع شعري بس علشان الطرحه وبرستيجي وكذا ع قولت عمتي نوره،ههه راكان متكي وهو مستمتع في اسلوبها وهي تتكلم بدون تكلف وتفك شعرها، سهام سحبت اخر بنستين وانتثر شعرها،واستغربت سكوت راكان ولفت عليه ببراءه ودلع/شفيك انخرست فجأه راكان وقف واتجه لها ومسك يدينها وعينه بعينها وساكت/ سهام ذابت من حركاته وبنفس الوقت تكلمت علشان توترها/شكلك فعلا انخرست،شفيك حبيبي تكلم ،قول كلمه راكان باسها على راسها/احبك، سهام/بس! راكان/وش تقصدين؟ سهام/شيلني ودور فيني الجناح كله راكان راح وهو يفتح ازرار ثوبه/ابشري سهام خافت من نظراته الحاده ودخلت تغير فستانها وتلبس روب نوم حرير لؤلؤي يعني اطول من شعرها بشبرين وطلعت ووقفت عند المرايه وهي ماتشوف راكان اللي مو بالغرفه،رشة عطر والتفتت وشافته قدامها/رووعتني راكان ببتسامته الساحره،شالها بخفه/اللحين اكرهك بكلمة شيلني ودور فيني سهام/ههههههههه لااا امزززح / / / / #في غرفة سديم_ ام راكان واقفه وتسأل وكأنها محقق/عائشه عبدالله اللي كذبتي علي وقلتيلي السبوع اللي طاف انك عندها في حفلة ولادتها جاءت الليله بزواج اخوك وماكانت والد ولا شيء،انطقي وين كنتي فيه سديم جالسه على طرف سريرها وبالفستان والميك اب كانت توها راجعه من القاعه/مو لازم تعرفين ام راكان/شلون مولازم،بتتكلمين والا اكسر راسك، سديم/يمااه واللي يرحم والديك ماله داعي تدرين ويضيق صدرك ام راكان عصصبت/بسس عرفت انتي طالعه مع طليقك صح؟ سديم نزلت دمعتها/يمااه مابعد تطلقنا للحين ام راكان/معناته فعلا طلعتي معه... سديم سكتت/.. ام راكان/قضية طلاقك انرفعت في المحكمه خلاااص. اياني واياك تطلعين معه ثاني مره،اشوفك تعلقتي فيه عقب ما قرر يطلقك!!... سديم قامت وهي مزعوجه/يمااه خلاص،اتركيني ارتااح ام راكان وهي طالعه/انا حذرتك وانتي عقلك في راسك وتعرفين خلاصك.، طلعت ام راكان... سديم اتجهت لجوالها واتصلت بالسايق/ألوه...اميتاب لا تنام اللحين نازله يلا شغل السياره اميتاب بالجوال/مدام وين روه انتي تعبانه؟ تبين هوسبيتل؟؟ سديم/لا يالخبل اللحين بنزل وبفهمك وين بروح.. سديم سكرت الخط واخذت عباتها وشنطتها وطلعت مستعجله/.. / / / / #بيت عزام_ في الصاله تحت جلس عزام وفصخ شماغه على الكنبه واسترخى شوي وهو يحس بتعب وارهاق بعد الشغل في زواج راكان... تلفت حوله بالبيت اللي وش كبره وفاضي،ضاق صادره وقرر يقوم ويروح لغرفته.. صعد عزام الدرج واتجه لغرفته... * لحظات وانفتح باب الفيلا الداخلي ودخلت سديم وهي مشتاقه تشوفه اتجهت للصاله وماشافت غير شماغه طايح ع الكنبه.. قربت منه واخذته وشمته وهي مغمضه.. اتجهت سديم للدرج وراحت لغرفتها،وفصخت عبايتها وهي تشوف كل شيء مكانه وعلى حطت يدها،!! طلعت من غرفتها واتجهت لغرفة عزام وقلبها يدق بسرعه واضطراب لقت باب الغرفه مفتوح!! دخلت ومالقته موجود ،بس سمعت صوت دش الماء معناته اكيد ياخذ شاور!! سديم ماترددت،وكانت لابسه الفستان،وفكت تسريحة شعرها بسرعه واتجهت للحمام اللي كان مفتوح لان المروش عليه ستاره شبه شفافه.. سديم دخلت وهي تشوفه واقف ومعطيها قفاه ومن قوة الماء مو سامع،،قربت منه وضمته من وراه/ عزام استغرب وخاف ولف بسرعه ومسكها بيدينها/من؟!!!...سديم!!!! سديم اختلطت دموعها مع الماء وهي تطالع فيه وكحلها سايح/احبك عزام عزام يطالعها مووو مصدق/شكلي بديت اهلوس واتخيلك معي بالحمام سديم ضمته/بس انا حقيقه مو خيال، عزام وهو يلمس كتفها العاري ابتسم وسط دهشته/سديم!! سديم ابتسمت وضمته اكثر/ايه سديم يا روح سديم وهواها وقلبها. عزام طبعا مبسووط/اخاف اني بحلم سديم بدلع/عزااام.. عزام/هههه شفيك سديم وهي ترجف/انت ليش تسبح بماي بارد،تجمدت عزام/من حرتي عليك اتسبح بمويه بارده.. سديم بدأت تجمد وتضمه بقوه/عزام تجمدت تجمدت . / / / في السجن.. ، جالس خالد وراء القضبان..ويتحسر على كل شي ضيعه..شوّه سمعة بنت عمه وقذفها!!.وبعد هالقضايا اللي من ضمنها اختلاس وجدت في الشركه وتربح غير مشروع...ارتفعت محكوميته10سنوات غير الجلد.. سليمان الفواز ..يقضي محكوميه في مشاريع حكوميه فاسده وغسيل اموال في صفقات وهميه...غير قضية التشهير بنشر صور سهام،لأن خالد اعترف عليه...!! بدر الرياني يقضي محكوميته17سنه بتهمة الشروع بالقتل، في قضية حادث راكان!!! / / / #المشهد الأخير... زواج سلمان وديم...اللي صار بعد شد وجذب...وطبعاً محد يعرف ان ديم مطلقه غير زوجها وصديقاتها...!! البنات واقفات على الكوشه ومتزاحمات...ويبون يلتقطون صوره جماعيه مع العروسه.... سحاب وسهام ومنال وديم وسديم وندى ومشاعل نوره وهي ماره من عندهم/ذبحتوا ديوومه ما يسوى عليها الكل/ههههههههههه سديم رن جوالها وتركت البنات وراحت ترد/هلا حبيبي عزام/هلابك..حبيبتي ترى طيارتنا بعد ساعتين حاولي تخلصين خلال ساعه..تطلعين من القاعه للمطار سديم/عاارفه حبيبي...اخذت الشنط عزام/ايهه سديم/يلا اجل ساعه وادق عليك باي عزام/باي... سهام من وراها/هااااه على وين النيه سديم/بسم الله ههههه سهام وهي تغمز/اخللصي وين رايحين سديم ببتسامه خجوله/ايطاليا سهام بمزح/اييه من قدك تزوجتي مرتين سديم/ههههههه.. سحاب تنادي/سهام تكفين شيلي نوري شوي سهام وهي تنسحب بهدوء/الهروووب الكبيررر الكل/ههههههههه /////////// ..النهايه*** الأيام مهما أوجعتنا بـ سهامها الأليمه.. لا يحق لنا أن نيأس ولنا رب رحيم.. فلكل ظالم نهايه بائسه ووخيمه.. ولكل صابر هدية صبره الحليم.. ;;;;;;;; التوقيع; *شـخـصـيه خيـــالـيــه* (رشـا) قراء ممتعه...واعتذر عن كل خطأ..خطته أناملي.. لست ملاكاً حتى لا أخطئ. .أنا من البشر والبشر يُخطئون ويصيبون!! 
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية رواية للجرأه طعم للكاتبة Angel sinless | Yaqot | روايات و قصص منشورة ومنقولة | 9 | April 26, 2015 06:23 PM |
| رواية رواية بعثرت أرواح عاشقة للكاتبة إكراموا | Yaqot | روايات و قصص منشورة ومنقولة | 31 | March 30, 2015 05:47 PM |
| رواية بعد الغياب للكاتبة أنفاس قطر | Yaqot | روايات و قصص منشورة ومنقولة | 64 | March 18, 2015 03:15 PM |
| رواية روان للكاتبة كول 2009 | Yaqot | روايات و قصص منشورة ومنقولة | 10 | March 14, 2015 12:31 PM |
| ملخص رواية سلالم النهار -رواية للكاتبة فوزية شويس السالم | Yaqot | روايات و قصص منشورة ومنقولة | 0 | May 8, 2014 10:41 AM |
العرض العادي
