فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #73  
قديم April 3, 2015, 07:14 PM
 
رد: رواية غرام و إنتقام للكاتبة نسايم نجد

عند عبد الرحمن

كان بالبيت جاه اتصال طلع بعيد مايبي نوره تنتبه للمكالمه

بعد ماخلص اتصاله ماقدر يمسك نفسه من الضحك

عبدالرحمن / هههههههههههه سويتيها يابنت الفهد بردتي ناري فيه يستاهل ماجاه هههههههه شلون طرت في بالك ودخلينه مع المجانين ههههههههههههههه للحين على قوتك مثل خبري الله يجمع شملنا ويطيح الي براسك


وصلت عنده نوره مستغربه من ضحك زوجها بصوت عالي عو المكان


نوره بابتسامه / دوم هالضحكة يارب ضكني معك

عبدالرحمن / ابو بسام قال سالفه ضحتني

نوره بحب / ياليته كل يوم يكلمك ويضحكك
من زمان ماشفناك تضحك الله يسعده الي خلانا نسمعها

عبدالرحمن يتهرب / طالع عند ابو بسام

طلع تاركه من غير لا تتكلم وتساله





عند هند

صحت على صوت جوالها شافت المتصل فواز

هند / الو خير فواز وش عندك متصل

فواز بعصبيه / وين وديتي عادل

هند بسخريه / وديته المكان الي المفروض يكون فيه صديقك مجنون وخطر على العالم ومكانه مستشفى المجانين


فواز بعصبيه / مثل مادخلتيه اطلعينه

هند بعصبيه / يحلم يطلع بعد سواته اليوم ان ماخليته يصير مجنون رسمي ماكون هند

فواز بترجي / بغالات خالك عندك طلعيه

فواز يعرف نقطة ضعف هند ويعرف ان أي احد يطلبها ويدخل خالها بسالفه مستحيل ترده

هند انتفضت / بطلعه لكن والله لو تعرض لي لخليه يعيش طول عمره هناك

فواز / وانا ضامن لك مستحيل بعد الي شافه بيقرب منك

هند / روح لمستشفى وبكلمهم يفكونه لك

سكرت الجوال واجرت اتصال وبعده قامت شافت الساعه 7 المغرب انصدمت من كثر النوم




عند فواز

سكر الجوال وطلع للمستشفى جلس عند المدير وقاله اسم عادل وجابوه له عادل ماصدق رمى نفسه بحضن فواز وهو ينتفض رعب ماصدق يشوف احد ينقذه

فواز / يله بطلعك معي واخذت علي هند تعهد انك ماتتعرض لها وان قربت منها بتخيس هنا

عادل / لا توبه وش ابي فيها كله ولا نعمة العقل وربي الي شفته داخل بجلس سنين مانسيته لو متاخر علي يوم تشوفني طالع لكم مفسخ ولا مشقق هدومي

فواز / ههههههههه رايق تنكت

اخذ صديقه وصله لبيته وطلع لبيته





عند هند
بعد العشاء

بعد ما سكرت الجوال طلعت لصاله لقت اخوانها متجمعين يسولفون

هند بابتسامه / السلام

خالد / وش هالنوم

قربت وجلست جنبهم / مبسوطه ربيت لكم عادل

فهد بصجمه / شلون وبسرعه هذي

هند بجديه / تعرفوني مانام وبقلبي حره

محمد بخوف / وش سويتي

هند بابتسامه / دخلته لمكانه الطبيعي مستشفى المجانين

عدنان / ههههههههههههه وربي من زمان شاك انه مجنون

غاده / ههههههه الرجل المناسب بالمكان المناسب

محمد بعصبيه / حرام عليكم الي مايعجبكم تصرفه دمرتوه وش احنا في بغابه

هند بحزن / تطمن طلع مابردت قلبي فيه فواز ترجاني باسم الغالي ولا قدرت ارده والحين تلاقيه في بيته

فهد بقهر / كان تركتيه يوم كامل يتادب

هند ببرود / هذا الي صار

جلسو يسولفون وهي سرحانه وكلام نواف ينعاد براسها

خالد / هند وش شاغل تفكيرك

هند انتبهت على نفسها / موضوع خاص بالشغل

التفتت لعدنان الي ينعس / عدنان روح نام وراك جامعه

قام عدنان ودخل غرفته ونام

هند التفتت لغاده / وانتي ليش جالسه قومي نامي او جهزي اغراضك

غاده / ماماتي اغراضي جاهزه ابي اسهر معك قبل لا سافر لاحقه على النوم

خالد / انا داخل انام ماني قادر افتح عيوني
وقف محمد / وانا ماشوف طريقي بنام وراي بكره يوم طويل









عند نواف

بعد ماطلع من شركة هند طلع وهو مقهور ماتوقع بعمره يشوف قسوة مثل قسوة هند
وصل لكوفي شوب جلس فيه يبي يروق منقهر انه مثل ماجاء بيرجع
طلب له قهوه ساده شربها وبعده طلع لشقة اخوه

دخل لقى اخوه بغرفته دخل عليه شافه يجهز شناطه ماله خلق يكلمه بموضوع غاده

طلع برى في الصاله وانسدح على الكنب وهو يغلي قهر من هند





عند هند

هند وغاده بالصاله قامت غاده وجلست جنب اختها ورمت نفسها بحضن هند وصار تبكي بوجع استغربت هند ورفعتها عن صدرها

هند / ليش كل هالبكاء والنحيب

غاده تبكي بقهر ووجع / ماماتي ابي فيصل رجعيني له طالبتك والله ماقدر اتحمل اكثر ابيه والله ابيه

هند في نفسها / وانا ناقصه وجعك ياغاده اليوم شكله عذاب من اوله

هند / ................

غاده / ماماتي مثل ماخليتين اخلعه رجعيه لي

هند بقوة / ماقدر ارجعه لك تحسبين فيصل لعبه اذا مابغيتيها رميتيها واذا بغيتيها اجبتها لك


غاده بوجع وقهر / ليش بشر نقدر وبالخير مانقدر ليه دمرناهم وحنا متاكدين انهم يحبونا ويوم كرهونا حبيناهم

هند بعصبيه / مدامك من الاساس تبينه ليش جيتيني تبكين وتترجيني اخلصك منه

غاده بحزن / ماكشفت حبي له وعشقي الا بعد ماتركته

هند بجديه / فيصل سبب رفضك لصلاح

غاده بقوة / مثل ماجاسم سبب رفضك لعادل قلبك متعلق بجاسم وتكتوين بنار عشقه مثل ماكتوي بنار عشق فيصل ربي انتقم لهم منا

هند متفاجئة من غاده قالت برتباك / كل الي تقولينه ماله اساس ومن راسك عمري ماحبيت ولا راح احب جاسم

غاده بقوه / اساسه انك كل ليله تسولفين معه وتنادينه وتترجينه انه يرجع لك

انا اقولها صريحه وبصرخ باعلى صوتي احــــــــب فيصل واموت فيه ولا اتخيل اني اكون زوجه لغيره

هند انصدمت معقوله وصلت معها الحاله انها تهذي باسمه وهي نايمه معقوله هند الفهد بقوتها لنذكر اسمها تهتز لها المجالس خوف منها تضعف وتهذي بنومها أي ضعف ماتوقعت ان قلبها الي شاخ يسكنه جاسم ويستولي عليه زمن المعجزات تحقق


هند بحنان / معاد ينفع ياغاده الي انكسر مستحيل يتصلح وجاسم واخوه كسرناهم

ماتدرين فيصل يمكن احب وتزوج ونساك ليه تعذبيني وتعذبين نفسك انتي رفضتيه وخلعتيه وهذي كبيره مايتقبلها أي رجال

غاده صارت تنتفض وتبكي وجع وقهر كل الي تقوله هند متاكده منه لكن قلبها متعلق فيها وتحبه وتعشقه

سحبتها هند وضمتها وهي موجوعه اكثر منها

هند بحب / ارجعي الرياض انسيه ياروح امك واشغلي نفسك بعيادتك الي تنتظرك تنورينها كل شي جاهز بينكتب اعلان عن عياتك بكره او الي بعده بتكون بكل الجرائد اثبتي وجودك ابيك احسن دكتورة اسنان بالسعوديه بكبرها

غاده رفعت نفسها من حضن هند موجوعه انه ماقدرت تكتم وجعها في نفسها واوجعت هند فوق اوجاعها

غاده / ماماتي تعالي معي

هند بوجع وقهر / ماقدر اترك شغلي هنا وارجع لرياض

غاده بحزن / لمتى تتهربين من مقابل خالي لمتى كل واحد يتوجع بسبب الثاني

قلبت عليها المواجع وفتحت جروحها وذرة على الجرح ملح

هند بوجع / خالي طالب مني المستحيل لو طلب روحي قدمتها له لكن الي طالبه فوق طاقتي خالي يبي لي الاهانه والذل وانا بعيش واموت راسي مرفوعه لو داخلي ميت

غاده بجديه / طيب ليش رافضه وانتي تموتين بجاسم

هند بصدق / لو خطبني بوافق عليه وانا مبسوطه وبيكون يوم سعدي لكن اني اعزمه على نفسي يمكن يرضى او يرفض والله كبيره على النفس ياغاده

غاده بجديه / ماتوقع ان جاسم بيرفضك يمكن بيكون يوم السعد عنده

تذكرت هند كلام نواف لكن مهما كان لكل شي اصول مستحيل تتعداها

هند / الاساس الي يبيني اسويه خالي غلط ولي اساسه غلط عمره مايدوم

هند طالعت بساعتها كانت 1 ونص

هند / غاده خذتنا السوالف مابقى شي على سفركم
قامت غاده / بدخل اخذ شور وانتي مامتي قومي فهد ومحمد وخالد لا يتاخرون

دخلت عند اخونها وصحتهم وقام معهم عدنان بيودعهم

بعد نص ساعه اطلعت غاده لابسه وجاهزه وطلعو كلهم مع بعض للمطار كان نواف سابقهم ينتظرهم اول ماشاف هند وهي واضح ان كلامه ماثر فيها كان وده يركض لها ويضربها لين تطفي حرته منها طالعها بنظرات حقد وكره

هند كانت تضم اخوانها وتودعهم

عدنان يضم غاده / بشتاق لك يادبه

غاده بابتسامه / ادل طريق كل ماشتقت لي تعال شوفني


تركت عدنان وحضنت هند بقوة ورفعت وجهه الي كله دموع

غاده تبكي / ماماتي تعالي معنا ماشتقتي لسعوديه

هند بحزن موجع / اذا رضى علي خالي رجعت ولا ببقى طول عمري بابريطانيا نار الغربه ولا نار صده


ودعوها وركبوا لطياره

وهي وعدنان راجعو لشقه ادخلت بتبدل وترجع لشركه بتشغل نفسها عن غيابها الشقه صارت كئيبه بدون اخونها

رمت نفسها على الكنبه وعدنان مقابلها

موجوعه مقهوره هند في نفسها / ااااااااااااه من قسوتي وغروري وكرامتي التي خلتني اتوجع ويمكن اجلس طول عمري وحيد بالغربه

غصب عنها بكت ماحست بنفسها الا بعدنان يمسح على ظهرها

عدنان بحزن/ ليش تبكين

هند / بشتاق لهم

عدنان / اذا اشتقتي طيارتك تحت امرك توصلك وترجعك بنفس اليوم

وقفت / الله يعني قوم لا تتاخر على جامعتك

دخلت الحمام اخذت شور وتوضت وصلت الفجر ودعت من قلبها ان الله يفرج همها

لبست اول لبس لقته بطلون اسود فضفاق وبلوزه سماوي طويله وفوقه بالطو لبست حجابها

هند طلبت من الطباخه تجهز الفطور طلع عدنان افطرو وهم ساكتين

هند / بوصلك للجامعه قبل لطلع الشركه

طلعت مع عدنان جلس قدام وسميره ورى وصلته للجامعه وكملت طريقها لشركه


في الشركه

دخلت شركتها متضايفه من سفر اخونها ومن المواجهه الي صارت بينها وبين غاده
فجرت عليها المواجع
سافرت وتركتها وحيده تعاني وجع الوحده ووجع الغربه
طلبت من السكرتيره تجيب لها الاوراق الضروريه

دخلت السكرتير بالاوراق ومن بينهم جريده متعوده هند يوميا تقراها

صارت تتصفح اوراق الجريده ببرود انتبهت لخبر وانصدمت ان الخبر عن جاسم انه سوى عمليه قلب مفتوح لرجل مهم بالدوله وتكللت بالنجاح ومحطوطه صوره وهو بلبس العمليات

دققت بالصوره وتاملتها بعيون عاشقه محرومه ماتذكر ملامحه لان الحقد كان عاميها اخذت الجريده وحطت صورته على قلبها يمكن تخف دقاته


اصدرت تنهيده وجع وقهر / وانا ناقصه هالخبر يكمل علي وجعي والحل ياهند

معقوله كلام نواف صدق وانه مجنون بعشقي يمكن نواف يبالغ او يمكن خطه بينهم يبي يكسر راسي مستحيل يحبني ويعشقني كل هالعشق وهو ماشاف مني الا الذل والمهانه
سندت راسها على الكرسي وسمحت لدموعه بالنزول
بعد يومين

غاده واخوانها وصلو لرياض واستمرو بحياتهم الطبيعيه

وهند للحين تعاني الوحده والعشق والحرمان من خالها يوجعها

جاسم رجع للبيت وامه تجنبت تجيب سيره الي صار ماصدقت انه يرجع للبيت



في بيت ام جاسم

الجدات كانو بغرفتهم نايمات والجوهره جالسه تتقهو مع امها وفيصل كان نازل وقف وهو يسمعهم يتكلمون عند غاده متاكد لنزل وشافنه بيسكتن وهو ميت يسمع عنها خبر

الجوهره / يمه دريتي ان غاده رجعت لرياض

فيصل فز قلبه وبردت مفاصله وجلس على الدرج

ام جاسم / من قالك
الجوهره بابتسامه / وفاتحه عياده

ام جاسم / من وين جتك الاخبار

الجوهره / قريت اعلان لعيادة غاده الفهد

ام جاسم / اياني وياك يدري اخوك انها جايه مو ناقص

فيصل غصب على نفسه وقف وانتظر دقائق لين غيرو الموضوع ونزل

قرب من امه وباس راسها

ام جاسم / اجلس تقهو معنا

فيصل باستعجال / طالع عندي شغل ضروري

طلع من البيت مر سوبرماركت كبير شرى كل الجرائد ركب سيارته رايح لشركته

عطى الجرائد لسكرتير

فيصل / ابيك اطلع لي اعلان باسم عياده غاده الفهد

السكرتير صار يقلب بالجرائد يبحث عن الاعلان

دخل فيصل مكتبه جالس على نار ينتظر متى يدخل عليه السكرتير

بعد ساعه من انتظار فيصل دخل السكرتير بالجريده بيده فاتحه على صفحة الاعلان

السكرتير / طال عمرك هذا هو الاعلان

فيصل اخذ الجريده بلهفه وشوق

فيصل / مشكور ارجع لمكتبك

طلع السكرتير وعيون فيصل على الاعلان

معقوله جت بعد كل هالسنين لازم يشوفها مشتاق لها وبيموت من الشوق اخذ عنوان العياده ورجع للبيت لقى فرح تلعب عند امها
شالها بيطلع فيها استوقفه صوت الجوهره

الجوهره بعصبيه / فيصل وين ماخذ بنتي
فيصل / باخذها مشوار
الجوهره / وينه مشوارك

فيصل بطفش / للملاهي

الجوهره مستغربه / من متى نزلت عليك الحنيه ولا وبعد بتوديها الملاهي

طلع ماله خلقها ركب السياره وباس خد فرح

فيصل بابتسامه / لا تفرحين مافي ملاهي ماخذك طعم علشان اصيد فيه غاده

وصل لعيادة غاده وقلبه ينتفض مشتاق لها حتى النخاع وخايف من المقابله بعد كل هالسنين

وصل للاستعلامات وهو شايل فرح

فيصل / غاده الفهد موجوده

الموظفه / لا دوامها بكره

فيصل حس بخيبة امل طلع مقهور ركب سيارته
فيصل يكلم فرح / شكل وجهك نحس علي

وصل للبيت دخل نزل فرح بحضن امها

الجوهره باستغراب / ماسرع مارجعتو

فيصل / غيرت راي تذكرت اني مواعد رجال بكره جهزيها باخذها حرام اكسر خاطره

الجوهره بصدمه / سبحانه يغير ولا يتغير من يصدق فيصل يعطي فرح وجه

فيصل / لا تفرحين كثير بس بكره وبعده لو تموت ماطلعتها

طلع راجع لشركه

في بيت عبدالرحمن
الظهر

غاده منسدحه على رجل خالتها وخالتها تلعب بشعرها وحنان جالسه تلاعب الدحمي

غاده بابتسامه / خالتو الموديل الي مطلعه خالد صراحه مو شي

نوره ضربتها على جبهتها بابتسامه / فديتها الدحمي ماترك من الزين شي

غاده فتحت عيونها على كبرها وتاشر على الدحمي / هذا ماترك من الزين شي يكبرها عن ربي كبراه
حنان بابتسامه / فديته يجنن ياليت الي اجيبه يطلع بحلاته

غاده بابتسامه / ناقصين تكثرون علينا الشيون

نوره بابتسامه / اقول لا يسمعك خالد يمكن يذبحك
سمعو صوت خالد / وش يسمع خالد

تغطت حنان بطرف جلالها

غاده بابتسامه / اعترفت لها بحقيقه مره للاسف مو راضيه تتقبلها

خالد قرب وباس راس امه التفت على حنان



خالد بابتسامه / شخبارك حنان

حنان بصوت واطي / الحمدلله

خالد فتح ذرعيه وركض له ولده وشاله

خالد / وش الحقيقه

غاده بابتسامه / ان ولدك الله يديم النعمه ماينبلع من شينه

خالد يبوسه خد بقوه / فديته كله رجوله وش نبي بالزين

غاده ترمش بعيونها / الي مايطول العنب حامض عنه يقول

خالد بابتسامه / ياحمضن عنه يقول ليش مادوامتي بالعياده ولا عاجبك التسدح والنوم على رجل امي

غاده بحب / والله النوم على رجل خالتي احسن من الدوام بمليون عياده

نوره رفعت راسها وحضنتها بحب

نوره بحزن / الله لا يفرقنا مارجعت روحي الا برجعتك الله يكملها علينا برجعت الغاليه

دخل عبالرحمن على اخر كلمه / منهي الغاليه

نوره بقسوه وبدموع / الي طاوعك قلبك وهاجرها سنين ولا كلفت على نفسك تسال عن حالها واحوالها

بنتك ياعبدالرحمن موجوعه مو هند الي خبرك يمكن لو شفتها مره وحده يطيح الي براسك كسرتها ياعبدالرحمن وكسرت القوي صعبه

عبدالرحمن كلام نوره اوجعه وحس بنغزات بقلبه تزود وحس باختناق زرقة شفايفه واسود وجهه يدور النفس مو لاقيه ركض له ولده خالد فتح ازاريره لكن مافي ا مل

نوره بعدت غاده عنها وركضت لعبدالرحمن وكلها خوف انها تفقده قست عليه بكلامه ماقصدها تذبحه قصدها تلين راسه

ركضت وهي تصارخ / خالد الحق على ابوك

خالد نادى السواق والخدم شالوه بالسياره وركبت معهم نوره

غاده مفجوعه منصدمه كان الي صار حلم من بعد ضحكهم انقلبت تعاسه صارت دموعها تنزل لا شعوريا
حنان مسكت الدحمي الي يصيح من صراخ جدته

رفعت جوالها واتصلت على هند






هند كانت بالشقه منسدحه شافت رقم اختها ابتسمت

هند / هلا بغدويه

غاده وهي تشاهق / خالي بيموت ماماتي

هند تنتفض من الخوف / وش تقولين

انتهت المكالمه من غير ماتفهم شي
يتبع
رد مع اقتباس
  #74  
قديم April 3, 2015, 07:15 PM
 
رد: رواية غرام و إنتقام للكاتبة نسايم نجد

عند غاده

سحبت حنان الجوال منها وسكرته

حنان / حرام عليك تخوفينها الي سويتيه بيضر امك فاجئتيها بالخبر وصدمتيها

غاده طاحت على الكنب منهاره ماحست بنفسها الا بعد ماسكرت التلفون



عند هند

مسكت جواله اتصلت على خالد اكثر من مره مايرد انجنت وصاردت ادور بالغرفه مثل المجنونه



عند خالد
ساق بسرعه جنونيه وصل لاقرب مستشفى دخل ابوه بالعنايه ونوره بقت عنده
وهو طلع برى ينتظر الدكتور يطمنه
طلع عليهم الدكتور

الدكتور / ابوكم حالته خطيره يحتاج عمليه بقلبه بسرعه قبل 48 ساعه قبل لا يصير له مضاعفات

سمع صوت جواله شاف رقم هند لازم يقول لها خايف لو صار لابوه شي تلومه

خالد بصوت تعبان / هلا هند

هند بصراخ هستيري / خالي وش صاير له

مستغرب شلون درت / ابوي تعبان وحالته خطيره لازم عمليه قبل 48 ساعه ولا بيصير له شي

هند بصراخ / انا جايه لاتسوي شي لين اجيك قولي باي مستشفى

خالد قالها اسم المستشفى




عند هند

منهاره تمشي من غير وعي اخذت عبايتها ولبستها بالمقلوب وشيلتها ونقابها بالمقلوب وطلعت ركض من الغرفه بدون ماتاخذ جوالها او شناطها من هول الصدمه طلعت حافيه بدون حذيان هذا خالها الهواء الي تتنفس نبض القلب والروح

طلعت وكان عدنان بالصاله انصدم من شكل هند وقف مبلم انصدم اكثر انها طالعه بهالشكل

ماشافته ولا التفتت له صاير تتسابق مع الوقت ياتلحق على خالها او لا وصلت لسيارتها ركبتها وساقت بسرعه جنونيه وصلت للمطار ركبت طيارتها من غير لاتاخذ احد معها

عقلها توقف عن التفكير الي تشوفه خالها واحتمال تفقده طول العمر وتنحرم منه

ركبت بمكانها الخاص وصارت تنتفض من البكي





عدنان ماقدر يصبر كلم خالد


خالد كان بالانتظار جاه اتصال اخوه


خالد بتعب / نعم عدنان

عدنان بخوف / خالد هند طلعت بشكل مرعب تصدق طالعه مقلوبه عبايتها وبدون حذيان جيت بالحقها ركبت سيارته وساقتها بسرعه جنونيه وشنتطها بالغرفه وش صاير

خالد بصراخ / شنوووووووو ليش تركتها

عدنان / شكلها فاجئني بعده ماقدرت الحقها

خالد بوجع / الحين وين راحت وش صار عليها
روح اسال عليها بالمطار طالع طارت طيارتها

عدنان / بتجيكم بهالشكل

خالد بعصبيه / عدنان مالي خلقك سو الي قلته لك


عند عدنان

طلع للمطار سال عن طيارتها قالو مقلعه من ساعتين
كلم اخوه وطمنه ان هند جايتهم



عند هند

بالطياره مستمره بالنحيب والبكي الموجع
بعد 6 ساعات ثقيله على هند وكانها سنين وصلت طيارتها للرياض الساعه 7 المغرب انزلت بسرعه وصارت تركض الكل يطالعها بقرف من شكلها المتبهذل من في هالزمن يمشي من غير حذيان لكن الصدمها نستها كل شي زين ربي هداها ولبست عباتها ونقابها



طلعت برى المطار وصارت تركض ادور على تكسي دخلت قزاجه برجلها وهي محست فيها صارت رجلها تنزف الي بقلبها نيران ووجع اكبر من جرح رجلها

ركبت تكسي وطلبت منه يوصلها للمكان الي تبيه




بعد ساعه وصلها لمستشفى نواف انزلت وركضت بين الاسياب ادور على غرقته شافت غرفته فتحت الباب بقوتها


عند جاسم

كان جالس يشرب كابتشينو انصدم من فتحت الباب بقوة

استغرب من شكل الحرمه الي داخله لكن حس بنغزات بقلبه

ركضت له من غير شعور مسكت يده تترجاه فز قلب جاسم ونشف ريقه وتسارعت دقات قلبه شلون مايعرف عذابه

هند بترجي وبكاء يقطع القلب / خالي ياجاسم بيموت يخليني بيموت وهو زعلان علي وصارت تبكي بوجع لوصار لخالي شي بالحقه هو روحي هو سندي عزوتي تاج راسي دخيلك يا جاسم الحق عليه اخذ قلبي وزرعه مكان قلبه
ابوس ارجولك ارحم ضعفي ياجاسم خالي هو الي بقى لي بالدنيا عالجه وصارت تبكي بوجع

وجاسم مصدوم من الي يشوفه شكلها مبهذل وحالتها يرثى

هند منهاره ونقابها مبلل بدموعها
اوجعه قلبه انها تذل نفسها له قرب منها

جاسم بعشق / لا تذلين عمرك يابنت العم مكانك عالي انتي تامريني وانا اطيعك

قرب منها اكثر مسك عباتها ونزلها عدلها ورجع لبسها نزل عيونه بالارض شاف دم وانصدم انه من غير حذيان

جاسم بحب / هند رجلك تنزف بعالجها

هند ببكاء موجع وصوتها مبحوح من كثر
البكي / عالج خالي

فسخ حذيانه وحطها قدام ارجولها / البسيها ياهند مابي جرحك يتلوث

طالعته بعيون ذبلانه من البكي / مايحتاج

جاسم باصرار /البسيها وانا بروح معك الحين
هند استجابة له / ولبست حذيانه وهو لبس الشبشب الي بالحمام

كان نفسه يحضنها ويزرعها بين ضلوعه نفسه يروي حرمان وعطش السنين لكن مستحيل يستغل ضعفها

طلع معها وهي تمشي من غير شعور ركبت مع جاسم قدام

التفت لها جاسم قربها منه مووووووجع لكن ماقدر يطلب منها تنزل وتروح ورى هو يقدر يتحكم بانفعلاته

جاسم / هند وينه المستشفى

هند بصوت كسير / مستشفى ال ........


وصلو للمستشفى فتحت السياره قبل لا يوقفها جاسم وركضت داخل المستشفى

جاسم وقف سيارتها بالمواقف ونزل


عند هند

تركض بين الاسياب وصلت لغرفة الطوارئ شافت خالد واقف ساند راسه على الجدار ركضت له وفجئتها انها رمت نفسها بحضنه وصار تبكي بوجع وانهيار تام خالد تركها كان خايف عليها وارتاح يوم شافها في حضنه

خالد حس بنفضتها شدها وضمها بقوه صعبه عليها تستقبل الخبر وفي من في خالها



جاسم واقف بعيد شافها بحضن اخوها تنتفض كانها ورقه كان نفسه هو الي بمكانه ويواسيها لكن الشكوى لله

قرب منهم وهو عيونه مو راضيه تنزل عنها صحيح مايشوف الا سواد لكن داخل هالسواد الي سلبت القلب والروح الي حرمت عينه النوم

تفاجى خالد بوجود جاسم واقف قدامه متغيرر كثير تاكد ان الي فيه بسبب هند وان ابوه كان عنده حق بالي سواه

بعد خالد هند عن صدره وقرب من جاسم وحضنه جاسم يشم بصدره ريحتها بالمكان الي شهد قربها باقي من اثرها ودموعها على كتفه طول وهو معانقه انتبه على نفسه وبعد عن خالد

استغرب خالد ان جاسم طول بحضنه

جاسم بارتباك / كيفك خالد
خالد / الحمدلله بشر عنك

جاسم / الحمدلله انا جاي اسوي العمليه لابوك

كبر جاسم بعين خالد بعد كل الي صار بينهم ماحقد على ابوهم


دخل جاسم عند الدكتور المشرف على حالة عبدالرحمن اخذ تفاصيل حالته لبس لبس العمليات وطلب من الممرضات ينقلونه لغرفة العمليات

نوره طلعت عند هند وهي تدعي ربي يخلي لها عبدالرحمن كل واحده منهم ماشوف شي الي قدامها ماسلمو على بعض وقلوبهم وعيونهم معلقه على باب العمليات بعد ساعتين
طلع لهم جاسم ركضت له هند

هند بنهيار تام وتبكي / تكفى ياجاسم لا تقول خالي مات اذبحني ولا تقولها

اوجعه قلبه عليها هو يعرف تعلقها بخالها لكن ماتوقع هالكثر

جاسم بابتسامة وجع / الحمد لله خالك بخير والحمدلله على سلامته

هند ماقدرت توقف على طوله طاحت مغمي عليها عند رجوله كان بينزل يشيلها لكن سبقه خالد وشالها وركض فيها ولحقته نوره
طالع تحت رجوله شاف بقعة دم

ماطاوعه قلبه يطلع من المستشفى قبل لا يتطمن عليها رجع لغرفة الدكتو بينتظر فيها

بعد ساعه طلع من المكتب شاف خالد جالس في الانتظار قرب منه بيساله لكن استحى

خالد بابتسامه / هند بخير ارهاق وتعب ونزفت دم نظفو جرحها والحين مركبين لها مغدي وان شاء الله ساعه وهي طالعه

جاسم بوجع / الحمد لله على سلامته طالع البيت لحتجتوني اتصلو علي


مشى استوقفه صوت خالد / مشكور كثير على الي سويته مع هند ومشكور انك جيت وتعنيت علشان ابوي


التفت له جاسم بابتسامه كلها الم / ماسويت شي هذا وجبي وكمل بغصه ووجع / وهند بنت عمي

لاحظ الحزن المرسوم بوجه جاسم واضح عليه انه منهار ويكابر طلع جاسم من المستشفى وهو مو مصدق ان بعد كل هالسنين شافها مو مصدق انه بعد مافقد الامل طلعت بحياته من جديد معقوله الي دخلت مكتبه تترجاه هند الفهد الي سلبت له روحه وعقله الي صار مجنونها معقوله الي صار واقع مو من احلامه الي تزوره كل ليله


مستحيل تكون هند هو صار يشوف العالم كلهم هند
اكيد انه نايم بفراشه وكل الي صار حلم من احلام كل ليله

مر من جنب نواف من غير لا يكلمه كانه مايشوفه

دخل مكتبه وهو يحاول ينسى الي صار لانه يعتبره حلم

ماقدر يبقى اكثر من كذا طلع من المستشفى راجع للبيت




عند هند

فاقت من المهدئ التفتت شافت خالتها نوره جالسه

هند بوجع / خالتي شلونه خالي

نوره / اللهم لك الحمد بخير مانعين عنه الزياره بعد ساعه بيدخلونه لغرفته

هند صارت تبكي بوجع / اكيد ماقدر اشوفه اكيد زعلان علي مايبي يشوفني

نوره مسحت دموعها / ارتاحي

هند بمراره / لي ثلاث سنين ماذقت طعم الراحه وخالي زعلان علي قولي له هند جتك ذليله كسيره وبتنفذ لك الي تبيه

نوره دمعت عيونها / لا توجعين قلبي ارتاحي

مسكت يد خالتها وصارت تبوسها بضعف / بموت ياخالتي بموت اترجاك قولي له يسامحني ويرضى علي والله ماعاد اقدر على قسوته علي

نوره بكت وجع وسحبت هند وضمتها / لا تعذبيني معك يكفي الي انا فيه خالك بيرضى عليك ان شاء الله

في بيت عبدالرحمن

غاده منهاره تنظر أي خبر يطمنها على خالها حاولت بمحمد تروح للمستشفى رفض واضطر انه يجلس عندهم خاف لطلع تلحقه ماله خلق لمناحه بالمستشفى جالس على اعصابه سمع صوت جواله رفعه

محمد بلهفه / خالد بشر

خالد بتعب / الحمدلله بخير ونجحت عمليته

محمد ارتاح / اللهم لك الحمد

خالد / ترى هند بالمستشفى جت منهاره والحين بغرفة الطواري مركبين لها مغذي

محمد بوجع / الله يعينها ويبرد على قلبها انتبه لها

مكتب فيصل
عند فيصل

اتصل على عيادة غاده قالو عندها ظروف وبداوم بكره
سكر التلفون وهو يفكر وش الظروف الي مانعتها لا تداوم بعيادتها شكله منحوس


عند جاسم
الساعه 12

دخل وهو مهدود ومنهار من الي صار تاكد انه بعلم من طلع من المستشفى معفوسه حالته وتفتحت اوجاعه من جديد شوفتها بعد هالسنين كفيله انها ادمرنه

امه وجداته جالسات يتقهون مشى من قدامهن وهو سرحان بافكاره يمشي كانه اله وصل لغرفته دخل الحمام محتاج لدش بارد يصحيه من الحاله الي هو فيها

فيصل كان ساند ظهره على السرير يفكر بغاده
انصدم من شكل جاسم كانه يمشي وهو نايم
دخل الحمام من غير لا يلتفت اخذ شور بارد وسمح لدموعه بانزول اختلطت بالماء الي صار اليوم فوق طاقته وقوة احتماله بكى وجع وقهر صارت قريبه بعيده عنه

بعد ساعه طلع من الحمام وفيصل جالس على نار متردد يطق عليه الحمام او لا طلع وعيونه كانها دم من كثر ماصاح
اول مره يشوفه من سنين بهالحاله المنهاره

فيصل بخوف / تبكي ياجاسم وش الي صاير

سحب نفسه من قدام فيصل من غير لا يتكلم انسدح وعيونه تطالع بالفراغ

فيصل ارعبه شكل اخوه / جاسم الله يخليك طمني وش صاير ليش كل هالدموع

فيصل قرب منه وصار يهزه بقوة وكانه يهز حجر عيونه ترمش لكن من غير انفعالات خاف عليه اكثر

رفع جواله واتصل على نواف

فيصل بخوف / نواف الحق علي جاسم من جاء من المستشفى مو طبيعي اول مره اشوفه كذا

نواف مستغرب / انا شفته مكان طبيعي اكيد صاير شي سالت الممرضات يقولون طالع مع وحده برى المستشفى

فيصل بصدمه / منهي الي طالع معها جاسم يخاف ربه مو راعي خرابيط

فيصل بعد تفكير/ ياخوفي يانواف ان هند ورى حالته

نواف بجديه / هند بابريطانيا وش يجبها عند اخوك

فيصل بقهر / مايقلب حاله الا هند

نواف / انا جاي بجيب معي ابره مهدئة شكله صايبه انهيار عصبي

سكر من نواف وعيونه مانزلت من على اخوه الي مستمر يطالع الفراغ من غير لا يتحرك


بعد نص ساعه جاء نواف وتاكد انه صايبه انهيار عصبي عطاه ابره مهدئه بتريحه لبكره بيجي قبل لا يداوم عنده بيطمن عليه



اليوم الثاني
الساعه 9 الصباح

انقلو عبدالرحمن لغرفته والكل متجمع عنده يزوره

هند جت المستشفى بتطمن على خالها ماتقدر تجلس بالبيت والكل عنده ابو بسام وعايلته وخوانها ونوره

فتحت الباب ودقات قلبها تضرب بقوه دخلت الكل التفت شافو هند العيون انتقلت لعبدالرحمن اول ماشافها صد للجهه الثانيه مشتاق لها لكن غروره يمنعه انه يبين هالشي

هند ماقدرت انهارت هذا الي كانت هربانه منه ركضت له وصارت تبوس برجوله بشكل هستيري

هند بوجع وهي تبوس رجول خالها / ارجولك ابوسها لاطالعني بهالنظره انحشت ماببي اشوفك تصد عني

خالي انا هند حبيبتك بنت الغاليه وشبيهتها

وصارت تبكي وهي منكبه على رجوله / انا طالعه عليك ياخالي وتربيتك اشتقت لك والله ذبحني الشوف واوجعني الحرمان تكفى ياخالي طالبتك ترضى علي وحرقني بعدها انا راضيه واذ بتسحبني بشوشتي لجاسم انا تحت امرك انا انكسرت ياخالي انكسرت طول هالسنين ميته وصارت تبكي بشكل هستيري

الكل ماقدر يتحمل يبكون بوجع ابو بسام ماقدر يتحمل قرب منها ورفعها بكتوفها وقربها من وجه عبدالرحمن

ابو بسام وهو يبكي / هذي بنتك يابو خالد جتك ذليله مكسوره ارحم ضعفها ياعبدالرحمن ماخبرتك قاسي


طلع ابو بسام وترك لهم المكان يبهم ياخذون راحتهم

عبدالرحمن يبكي بوجع ويعض المخده مايبي ضعفه يبان للكل حاس بنار مشتبه داخله

قربت من وجهه شافت دموعه / الا هذي ياخالي الا دموعك

قربت منه ورمت نفسها بحضنه وصارت تبكي بوجع وقهر

عبدالرحمن لما شافها قدامه وشم ريحتها ماقدر يقسى اكثر سحبها وحضنها بقوه وصار يبكي بوجع وهي تبكي بوجع وقهر

هند تتكلم بحضنه والله الي تبيه بيصير والله بيصير لكن اصبر علي

عبدالرحمن سحب الغطاء عن وجهها

عبدالرحمن بوجع / تغيرتي ياهند تغيرتي

هند / زعلك مني غيرني وكرهني بنفسي لولا خوفي من ربي كان ذبحت نفسي الحياة بدونك مالها طعم ولون

عبد الرحمن سحبها لحضنه وصار يمسح على شعرها



عند جاسم

مر عليه نواف الصباح وشافه نايم عطاه ابره ثانيه تهديه مايبه يقوم من سريره ويداوم يعرف جاسم يكابر وهذا الي زاد حالته سوء
متاكد لصحى بعد الابره بيرتاح




عند غاده

طلعت من زيارة خالها وطلعت للعيادة اول يوم دوام فيها استقبلنها الممرضات بترحيب

اجلست بمكتبها العياده فاضيه مافيها مارجعين




عند فيصل بمكتبه جالس رفع التلفون وسال اذا كان غاده موجوده قالت الموظفه انها موجوده مانتظر انها تكمل كلامها سكر التلفون بوجهها

طلع من الشركه رايح لبيت نواف طق الجرس فتحت له الجوهره وعيونها كله نوم

الجوهره / خير فيصل وش جابك على هالصبح

فيصل / وينها بنتك ابيها

الجوهره مصدومه / فرح نايمه

طلع فوق لغرفة فرح وصحاها ونزل فيها

الجوهره / حرام عليك ليه تصحيها

فيصل / بطلع معها مشوار

الجوهره بعصبيه / وش هالمشوار الي ماينتظر للعصر

فيصل مشى بيطلع بفرح

الجوهره بصراخ / بتطلع فيها بالبجامه ووجها ماغسلته وشعرها حوسه

طالع بفرح الا شكلها ماعفوس ماعجته

فيصل / بسرعه نظفيها وعدليها بانتظرك لا طولين علي
الجوهره / احس وراك سر الله يستر منه

فيصل بعصبيه / ياليت تعجلين لا خذها معي بحوستها

جلس بالصاله والجوهره تركته وعدلت بنتها وكشختها

فيصل ابيتسم / الحين الواحد يقدر ياخذك ويكشخ فيك

الجوهره مستغربه / تكشخ فيها

فيصل / يحبك ادققين على الكلام
شال فرح بيطلع فيها

الجوهره بفطرها وبعدين اخذها معك

فيصل بعدم صبر / مايحتاج تاكل اذا جاعت شريت لها شي سريع تاكله

طلع فها وركب سيارته وصل للمستشفى وحس ارجوله ماتشيله خوف وشوق

وصل للاستعلامات وقص ملف باسم فرح وطلبت منه الممرضه ينتظر

دخلت الممرضه

الممرضه جابت ملف فرح وحطته قدام غاده

غاده / خليه يدخل

سمع صوت الممرضه تنادي باسم فرح

فز قلبه وانتفض جسمه فتح الباب وهي مشغوله تكتب بالملف

ارفعت عيونها وانصدمت بفيصل شايل بنت فيصل الي سهرها الليالي وانكوت بنار عشقه فيصل الي رفضت صلاح علشانه وهي متاكده انه يحبها تاليتها متزوج وعنده بنت بعمر السنين الي تعذبت فيها

غاده حاولت تضغط على نفسها / تفضل


فيصل مشتاق لها حتى النخاغ مشتاق لكل شي فيها فيضانات من المشاعر تفجرت لما سمع صوتها ذبحه الحرمان وكتوى بناره

فيصل في نفسه / ياليت تشيلين السواد عن وجهك ياليت عندي القوه اني اشيله وامتع عيوني بشوفتك

جالس وهو مرتبك

غاده بوجع / اش مشكلة بنتك

فيصل بارتبك / ماتنام من ضروسها

غاده طلبت من الممرضه تحطها على سرير الكشف قامت من مكانه وعيون فيصل تلتهمها

كشفت على سنون فرح ماشافت شي سنونها نظيفه مافيها تسوس

غاده بالم / اخ فيصل بنتك سنونها نظيفه

فيصل بقوة / عمري مراح اكون اخوك

غاده بارتباك / بنتك سنونها نظيفه يمكن عندها مشكله ثانيه

فيصل مايبي الزياره تنتهي / تاكدي يا دكتوره متاكد ان في سنونها سوسه يمكن صغيره ماتبان

غاده على الوجع الي فيها كان ودها تنفجر من الضحك

غاده / بتعلمني شغلي بنتك سنونها وظروسها نظيفه

شال فرح ورجع للكرسي

فيصل بقوة اشر على اسم فرح بالملف / طالعي الاسم يادكتوره

نزلت نظره بالاسم الموجود شافت الاسم فرح نواف

غاده بصدمه / بنت الجوهره

فيصل بوجع / ايه انا متزوجت على امل الي احبها وعفت الحريم بسبتها تحس فيني وترجع لي بعد ماتركتني بليلة عرسي

وقف وطلع تارك غاده وراه منهاره كل شي توقعته الا ان فيصل للحين يحبها صارت تبكي وتضحك بنفس الوقت طلعت للبيت


في بيت عبدالرحمن

دخلت غاده منهاره دخلت غرفة هند لقتها منسدحه على السرير رمت نفسها بحضن هند وصارت تبكي بوجع وقهر

هند رفعتها / خير وش صاير

غاده تبكي / فيصل جاني بالعياده قالي انه ما تزوج ويحبني ماماتي فيصل يحبني وجلست تبوس يد هند يمه رجعيه لي ماعندك عذر

هند بحب / قريب ان شاء الله
غاده تبتسم / صدق ماماتي احلفي

هند / والله مايمر هالاسبوع هذا الا متملكه على فيصل

غاده بحزن / وانتي ماماتي

هند بابتسامه / ملكتي وملكتك بنفس اليوم ارتاحي يكفينا عذاب طول هالسنين ابيك تسوين الي اقوله لك

غاده / هزت راسه بالموافقه ا ن شاء الله مامتي

هند / بكلم فهد يوصل الرفض لصديقه

غاده بجديه / انا رافضته من البدايه

هند / وخالد بيكون معنا على طول الخط ابيه بشغله بسيطه يسويها لنا ويكتمل الي نبيه

غاده / وش تبين فيه

هند بابتسامه / بعدين تعرفين


عند فيصل

طلع وهو مبسوط اهم شي وصل لها الي يبيه لكن مايدري عنها متملكه متزوجه ندم انه مسالها

وصل لبيت نواف طق الباب افتحت له الجوهره رمى عليها بنتها

فيصل / خذي بنتك وفكيني من دلعها صدق ماتنعطى وجه

الجوهره مستغربه / وين طلعت فيها ماشوف معها اغراض

فيصل / اقول اخذيها بطلع للبيت ارتاح


طلع وصل للبيت


في بيت ام جاسم

كانت ام جاسم والجدات يتقهون دخل عليهم فيصل

فيصل قرب وباس راسهن

فيصل / يمه وينه جاسم

ام جاسم بحزن / ماطلع من غرفته ولا شفناه طلعت اله يقول تعبان

طلع لغرفته دخلها لقى جاسم يفكر ومهموم

قرب منه فيصل وجلس على طرف السرير

فيصل بحنان / منت براضي تفتح قلبك لاخوك وتقول وش الي قلب حالك

جاسم / ............

فيصل / شايف هند وهي الي قالبه حالك

جاسم انزلت دمعه من عينه /.........

فيصل بعصبيه / والله اني قايل مايقلبك هالقلبه الا هند وش سوت بعد

جاسم / ..............

فيصل بعصبيه / بتقول ولا وربي لاروح لها ياذابح يمذبوح وتعرفني متهور اسويها

جاسم بصوت مبحوح / هند ذلت نفسه لي بتبوس لرجولي علشان خالها اول مره اشوفها منكسره ومحطمه مثل اليوم طاحت مغمي عليها بين يديني ولا قدرت اضمها واشيلها اااااااااه يافيصل طيحة خالها اضعفتها جايتني من بريطانيا تترجاني وحالتها يرثى لها

قام يحط يدينه قدام فيصل / كانت بين ايديني فيصل والله شفتها وكلمتها مو حلم من ااحلام كل ليلة الي شفته علم هند تترجاني يافيصل وبتبوس رجلي

اااااااه يافيصل م شكلها يوم دخلت علي وربي حسبتها شحاذه قلبي الي دلني عليها وربي من شفتها وقلبي دقاته زادت ماني بمصدق انها داخله مكتبي بدون حذيان ورجلها مجروحه ماقدر اعالجها غيري عالجها

ليتك تركتني ساكت قلبت مواجعي


فيصل مصدوم كانه عايش بعالم الخيال هند الفهد بجبروتها تذل نفسها لاخوه اكيد صاير بالدنيا شي

فيصل بتررد / جاسم انت متاكد ماكنت نايم وتحلم

جاسم بصراح / والله علم انا للحين ماني بمصدق لا تزودها علي

فيصل بابتسامه / اجل كلنا شفناهم
جيتها العيادتها واخذت فرح العله معي علشان تكشف على اسنانها ما طلعت من عندها الا قايل لها الي بخاطري
يبتسم / نفس صوتها الي سحر اخوك

جاسم بابتسامة وجع / وش استفدنا رجعنا للمواجع من جد وجديد



عند فهد

كان جالس مع صلاح جته رساله من هند تطلب منه يوصل رفض غاده لصديقه

فهد / صلاح الزواج قسمه ونصيب

صلاح / لا تكمل كنت واثق من الرفض لكن قلت احاول

فهد بجديه / علاقتنا بتصير مثل ماهي

صلاح بابتسامه حزينه / اكيد مثل ماقلت الزواج قسمه ونصيب ربي ماكتب ان اختك تكون من نصيبي

فهد / لا تاخذ بخاطرك والله لو بكيفي غاده متاخذ غيرك

صلاح يبتسم / خلاص الله ماكتب لا تجلس تبرر

وقف صلاح ترك فهد وطلع لمستشفى نواف

فهد تضايق لضيقة صديقه ورجع للبيت


عند نواف

كان بمكتبه انصدم من دخول اخوه واضح انه منهار

نواف بخوف / وش فيك صلاح

صلاح بعصبيه / انبسط دكتور نواف غاده ارفضتني خل صديقك يفرح

نواف فرح ان غاده رفضت اخوه وحزين على صدمته برفضها

نواف بعصبيه / وش دخلني بالموضوع البنت ورفضتك انا صحيح رافض الموضوع من بدايته لكن ماتدخلت

صلاح بحزن / اسف نواف والله احبها

نواف بحنان / انت صغير وربي بعوضك بغيرها ويمكن احسن منها

صلاح بحزن / مابي زواج برجع لبريطانيا ادرس ماجستير ودكتوراه

نواف بحزن / منت باول واحد تحب وتنرفض خلك قوي ياخوي مراح تستفيد من هروبك تضمن انك بترجع بعد هالسنين تلقى امي عايشين الدنيا تاكل عمارنا

وقف صلاح / الله يصبرني ياخوي
رد مع اقتباس
  #75  
قديم April 3, 2015, 07:15 PM
 
رد: رواية غرام و إنتقام للكاتبة نسايم نجد

عند هند

نادت خالد للمكتب بتتكلم معه بموضوع مهم

خالد بجديه / هند انتي مقتنعه بالي تسوينه

هند بجديه / ايه وياليت تسوي الي طالبته منك

خالد بفرح / والله اني مبسوط بقرارك وصدقيني مستحيل تندمين

هند / متى بتبدا

خالد / الحين علشان نخلص بسرعه قبل لا تغيرين رايك

رفع جواله واتصل على جاسم


عند جاسم

كان منسدح على سريره واخوه منسدح على سريره ساكتين

قطع عليهم الصمت صوت جوال جاسم رفعه شاف رقم خالد فرح يمكن بيطمنه على هند رفع بسرعه

جاسم بلهفة / الو هلا خالد
خالد بجديه / جاسم صديقي مسوي حادث ويبي متبرع ياليت تجيب اخوك لمستشفى ال ......

جاسم / الحين جاينك

سكر من خالد والتفت لاخوه

جاسم / فيصل البس بنطلع لمستشفى ال .... صديق خالد مسوي حادث ويبون متبرع



عند خالد

ابتسم لهند / بسبقهم للمستشفى قبل لا يكشفون كذبتنا

هند / خالد انتبه ونبه على الممرضات بتكتم

خالد بابتسامه / ان شاء الله

طلع خالد من البيت ووصل للمستشفى وسوى كل الي طلبته منه هند وبعد نص ساعه شاف جاسم وفيصل واضح على جاسم التعب والارهاق

جاسم / طمنا على صديقك
خالد يمثل الحزن / محتاج دم ياليت تدخلون مع الممرضه

دخلو معها اخذت منهم عينات بعدها طلعت

الممرضه / للاسف دمكم مايناسب المريض

فيصل / لا حول ولا قوة الا بالله بنكلم نواف والربع يمكن يطلع فيهم واحد يناسب لدمه

خالد بارتباك خاف ينفضح / انا بتصرف ماقصرتم ورايتكم بيضاء

طلعو من المستشفى من غير لا ينتبهون لشيئ


بعد يومين

طلع عبد الرحمن من المستشفى وشددو عليه بالراحه اقل شي اسبوعين

هند للحين تنتظر الوقت المناسب علشان تبدا بالخطه



في مستتشفى نواف

عند جاسم

جالس متضايق بمكتبه سمع فتحت الباب مارفع راسه شاف السواد الي جالس على المكتب
رفع عيونه وصدمت عمره هند قدامه

هند بجديه / اسفه دكتور جاسم اني جيتك بدون ميعاد

جاسم بعشق / المكان مكانك تجين باي وقت

هند بجديه / اليوم ملكتي على واحد ملك روحي قبل قلبي واحد طول اسنيني اعاني بسبب عشقي له قدر يرجع لقلبي شبابه ويسكنه

تعذبت كثير بسبته والحمدلله الي جمعنا بعد طول غياب وحرمان واليوم ملكتي ياجاسم
ابيك تكون شاهد على عقد القران لانك ولد عمي

جاسم صاعقه وانزلت على راسه انتفض وحس روحه بتطلع من مكانها

جايه بكل جرائة تعترف بحبها لغيري وهو الي عايش لها

ليش ياهند وش لقيتي بالي تحبينه مو فيني قولي شلون قدر على قلبك القاسي ولا قدرت

معقوله تنزفين لغيري وانا الي مافكرت بغيرك بتكون حليله لغيري وانحرم منك حرام ياهند قتلتيني وانا اشوف غيري ياخذك وانا شاهد على خسارتي وضياع عمري


جاسم بوجع ماخفي على هند / ماقدر ياهند احضر وربي ماقدر اطلبي غيره وانا حاضر

هند بقسوه / طلبتك ياولد عمي طالبتك انك تحضر ابيك ترزني عند زوجي ويعرف ان عندي ولد عم مو وحيده

جاسم بوجع / منتي بوحيده عندك خالك واخوانك

هند / اترجاااك يولد عمي لا تكسر فرحتي


انتفض جاسم بوجع وخانقته العبره / لا تترجين بجيك وبكون شاهد على وفاتي قبل لا كون شاهد على زواجك

هند وقفت وهي موجوعه على حال جاسم

هند / خلاص انتظرك المغرب تكون عندنا بالمره تتعرف على زوجي

جاسم وده يصرخ باعلى صوته ويقول انا زوجك محد غيري بيتزوجك انتي لي
لكن هي الي اختارت غيره

طلعت وتركت جاسم وراها قتيل وجريح مجروح من قسوتها شلون ماشافت الحب بعيونه ودمرته قلو الناس وجايه للي يعشقها بجنون تطلبه شاهد على وفاته


صرخ صرخة هزت المستشفى / حكمتي علي بالموت والليله اشهد على وفاتي

دخل نواف متروع من صراخ جاسم / وش فيه ياجاسم ليش تصارخ

جاسم بوجع / احفر قبري يانواف احفر قبري بيدفنوني فيه الليله

نواف بخوف / وش تخربط بسم الله عليك

جاسم حط يده على وجهه وصار يبكي بوجع فقد الامل الليله بتصير حليله لغيره




في مكتب فيصل

دخلت غاده وتركت الباب مفتوح وقفه عنده سميره تفاجئ فيصل من دخولها عارفها لكن مو مصدق انها قدامه

فيصل / غاده

غاده بحياء / ايه جايتك لموضوع ضروري

فيصل بعشق / قولي اسمعك

غاده / ملكتي بعد المغرب اترجاك فيصل تحضرها

فيصل بعصبيه / نعم ماسمعت اش قلتي

غاده / الليله ملكتي على واحد اعشقه واموت عليه طول السنين هذي متعذبه بسبته والليله ربي بيجمعنا وبتكون ملكتي بعد المغرب ابيك تكون الشاهد على ملكتي

فيصل بسخريه موجعه / قلو العالم جايتني تبيني اشهد على ملكتك كل هذا قسوة وحقد تدرين اني احبك بتوجعيني انك ماخذه غيري انتي لي ياغاده وحالف يمين لو تزوجك غيري لذبحه

غاده / ماتقدر تذبحه لاني احبه مايطاوعك قلبك تخليني تعيسه وحزينه طول عمري

فيصل بقهر موجع / وانا ابقى تعيس طول عمري ا ن جيت ملكتك رملتك قبل لا تتزوجينه

غاده باصرار / سو الي بتسويه اهم شي تحضر ابي زوجي يتعرف عليك ويعرف ان عندي ولد عم

فيصل بحزن موجع / لا تقولين زوجي ياغاده انا فاني عمري بالشغل عايش على حلم انك ترجعين لي
كل ليله ياغاده اشوفك قدامي وتنامين بحضني حبيتك الا عشقتك سكنتي الروح والقلب ليش تقسين علي وتعزميني على ملكتك معقوله قلبك اسود ماطهرته السنين ليه بتذبحيني وتاخذين غيري

غاده بقسوة / انا وماماتي ملكتنا الليله وبنتزوج اخوان

فيصل بوجع / قولي كذا امك مخططه تكمل انتقامها منا قولي لها قدرت تنتقم منا بذنب مالنا شغل فيه ياليتنا ماحبيناكم ضاع عمرنا واحنا ننتظر سراب ياخسارتنا خساره

من الكبت والوجع الداخلي والقهر والحرمان والغيره انها بتكون الليله ملك غيره طاح على كرسيه وهو يحس انه بيغمي عليه
وقفت غاده وهي مرعوبه لكن ماحبت تسوي شي تفشل خططتهم

طلعت وتركته وقلبها يتوجع عليه

فيصل حس انه مخنوق وقف وطلع من مكتبه وركب سيارته يدور بشوارع الرياض مابقي الا ساعتين



بيت عبدالرحمن
بعد المغرب

عبدالرحمن وخالد ومحمد ينتظرون جاسم والشيخ كان موجود


وغاده وهند جالسات على اعصابهم خايفات خطتهم تفشل


بعد ربع ساعه تاخير دخل فيصل وخوه وهم منذلين مكسورين دخلو المجلس سلمو على الموجودين وهم مو معاهم

استغربو مافيه احد غريب توقعو انه متاخرين

عبدالرحمن بصوته الجهوري / خالد خذ جاسم خله يشوف زوج هند

جاسم في نفسه ليه انا الي اشوفه ليه بتقهروني وتوجعوني خلو فيصل يشوفه بدالي

جاسم سحب رجوله سحب وكانه بيودنونه لاعدامه


عبد الرحمن التفت لمحمد / محمد اخذ فيصل خله يشوف زوج غاده

فيصل مقهور من هالظلم وموجع تمنى جايب مسدس ومثور بكل الموجدين ماتطفي ناره

قام مع محمد وهو مكره



عند جاسم

خالد / مضطر اقف بعيد تقدم بتلاقيه قدامك شوفه

جاسم بوجع / ماله داعي اشوفه اهم شي هند الي تشوفه

خالد / طالبك ياجاسم لاتكسر بخاطر هند

ومشى تركه

جاسم يمشي كاني يمشي حفيان على حديد من نار وصل للمكان رفع عيونه انصدم ماقدر يسكر عيونه خاف قرب اكثر وهو موجع معقوله وصل معها الانتقام انه تطلع له بكل جماله وانوثتها وشعرها الي يعشقه معقوله هذا مكمل لا نتقامها
طالعها بعيون متعطشه متلهفه /غيابها عنه زادتها جمال فوق جمالها وهو حالته من سي لا سوء قطع عليه سرحانه صوت هند

هند بقوه / جاسم تقبل فيني زوجه لك وام لعيالك ونكمل حياتنا سوى ونرمي الماضي وراء ظهرنا اذا موافق اعتبر الي تشوفه الشوفه الشريعه ووقع على زواجنا بالدفتر الي عند الشيخ

دخلت تركته مذهول مصدوم معقول الي سمعه ولا يتهيئ له

قرب منه خالد

جاسم طالع خالد بذهول / الي كانت موجوده هند

خالد بحزن / ايه

جاسم بحزن موجع / انا سمعت انها تخطبني يمكن اني مسخن وصاير اسمع غلط

خالد / موافق عليها ياجاسم ولا نفسك عافتها

جاسم غصب عنه حضن خالد وصار يبكي / ابيها ياخالد ورب البيت ابيها

رفعه خالد / اجل روح وقع على زواجك منها




عند فيصل

مشى ببطى مايبي يشوفه متاكد انه بيذبحه

محمد / بتلاقه قدامك لا وصيك اهتم فيه

مشلاى وعيونه مركزها قدام بيشوف غريمه الي اخذ حبيبته

تفاجى وهو يشوف الي سلبت روحه بكل جمالها الي يعشقه كبرت وزادت فتنه


بقق عيونه من الصدمه مو مصدق بعد دقائق زواجها طالعه له بشكل الي يذبح

فيصل في نفسه /اعرفها بتنتقم والله شكلها يجلط

غاده / فيصل تقبل فيني زوجه لك وام لعيالك وشريكه لحياتك ان وافقت بنرمي الماضي ورى ظهرنا اعتبر هذي الشوفه الشريعه واذا راضي بزواجك مني وقع على زواجنا عند الشيخ

ودخلت وتركته

مو مصدق مستحيل الي يسمعه غاده تخطبه جلس على العتبه وماد يدينه قرب منه محمد وهو يبتسم

محمد بابتسامه / كانك جالس تشحذ عن باب مسجد

فيصل بصدمه / غاده خطبتني انا بحلم ولا بعلم

محمد / بعلم اذا موافق عليها ووافق على زواجكم عند الشيخ واذا ماتبيها توكل على الله

فيصل بابتسامه / اكيد ابيها انا جاي ناوي اذبحه وريحه من الحياه

رجعو للمجلس لقى اخوه جالس سرحان يحس انه بحلم حلو خايف يصدمه الوقع

عبدالرحمن / الليله ملكتكم

جاسم / باقي التحاليل ماسويناها

خالد / ههههههه سويتوها ولا ليش جايبكم المستشفى

مد عليهم محمد الدفتر وقعوه وهم مو مصدقين ان هم تزوجوهم بعد سنين من العذاب مابعد الضيق الا الفرج

تكلم عبدالرحمن بصوته الجهور / بكره زواجكم باذن الله والزواج بقصري

بعد ماغصب عليهم عبدالرحمن للعشاء تعشو وطلعو




عند هند

كانت بالصاله موجعه من حال جاسم ماتوقعت انه يحبها هالكثر ندمانه انه سبب معاناته

دخل عليها عبدالرحمن

وقفت له حضنها بحب / مبروك ياهند الله يسعدك ويفرحني واشوف عيالك

هند بحب / الله يبارك فيك

ابتسم / وينها غاده

هند بابتسامه / ماصدقت طلعت مع خالتي لسوق

عبد الرحمن بحنان / ليش يابوك مارحتي اشتريتي اغراضك بكره زواجك

هند بابتسامه / خالتي مبسوطه متكفله بكل شي

خالد قرب من هند وضمها / مبروك ياهند وربي مراح تندمين جاسم يحبك

هند بابتسامه / الله يبارك فيك

دخل محمد وهو يبتسم / الف مبروك اخيرا رحمتي جاسم تلاقينه للحين مو مصدق

هند بفرح / الله يبارك فيك






عند جاسم

ركب مع فيصل مايقدر يسوق

جاسم بعدم تصديق / فيصل الحين انا تزوجت هند
فيصل بصدمه / جاسم انا الحين زوج غاده

جاسم بجديه / شكل يبي لنا مطوع يقرا علينا من الخرعه

فيصل بشك / قريت اسم هند عدل انها الزوجه اخاف بيبدلونها لك بكره مشكلتي ماتاكدت من اسم العروس غاده

يخوفي بكره القى جنيتها الي اليوم جايه معها بدالها

جاسم بخوف / طيب احنا ماجينهم وخطبنا هم الي جونا معاد اقوى على الصدمات

فيصل بخوف / مدري قلبي قارصني ولا من متى بنات الفهد يتنازلن ويخطبن

جاسم بجديه / طيب نقول لامي ولا مانقول اخاف بكره تنجلط لصارت مصيبه

فيصل بجديه / والله مدري بنقول لها الي صار علشان لو كانت مكيده تكون معنا مو علينا

جاسم / ياخبر اليوم بفلوس نشوفه بكره ببلاش

دخلو لقوا لجوهره بالصاله لحالها

سلمو عليها وجلسو

فيصل/ وينهم امي وجداتي
الجوهره / عند الجيران

فيصل / تدري انا ملكنا

الجوهره / شنوووووووو
جاسم / والله ماندري بعلم ولا بحلم

الجوهره بعصبية / قولو شكلكم مايبشر بخير

فيصل / قال كل الي صار

الجوهره مصدومه / بقول لامي لا تقولون لها اخاف ماتصدقكم

طلعو لغرفتهم انسدحو على سريرهم

جاسم بحماس / فيصل متى يمدينا نتجهز ونفصل لنا ثياب ونشتري لنا بشوت

فيصل بجديه / عندي كم ثوب جديده لي كم يوم مطلعهم ومقاساتنا متقاربه اذا فيه تعديل بكره الصباح والبشوت عندنا بشوتنا الاوليه

جاسم بقرف / تصدقت فيه كرهته

فيصل / لازم ننام بدري ورانا قومه الصباح



تحت

جاء نواف بياخذ الجوهره لبيته طلبت منه يجلس قالت الي صار مع اخوانها وهو اكثر منها صدمه

دخلت عليها امه والجدات الجدات دخلو بغرفتهن يرتاحن وام جاسم دخلت عن نواف وبنتها
قالت لها الجوهره الي قالوه لها عياله فرحت ودعت من قلب ان الله يتمم لهم فرحتهم




في بيت عبدالرحمن

دخلت غاده وخالتها بالاكياس استقبلوها اخوانها بالتبريكان والاحضان اكثر واحد كان مبسوط فهد عاش معاناتها

فهد / والله حرام غاده تملكت اليوم وزواجها بكره وانا بقي ثلاث شهور والعروس بابريطانيا

غاده / محد ماسكك طير لها

حضنها من قلب فهد بحب / يجعله مبروك الله يسعدك

هند بابتسامه / شكلك شريتي السوق كله

غاده بحب / ماماتي تعالي شوفي فستانك

قامت هند ودخلت مع غاده ولحقتهن نوره

هند لبست فستانه تقيسه طالع مضبوط عليه ولبست تاج من الالماس طالعه خيال

وغاده لبست فستانها طلعت المقاس مضبوط


نوره / بكره من بدري بتجيكم الكوفيره لازم تنامن بدري

غاده / ان شاءالله

طلعت نوره وتركة وراها هند وغاده الي مبسوطات واخير تحقق حلمهن الي مخفياته عن الكل وشاف النور


يوم الزواج

جاسم وفيصل قامو من بدري مرو نواف وطلعو لسوق شرو الاغراض الي يحتاجونها وطلعو للفندق الي بيحجزون فيه غير عن الفندق الي بزواجهم الاولي متشائمين منه

تركهم فيصل وطلع لمشوار بعد ساعتين رجع لهم

وصلو للحلاق حلقو بعده طلعو للبيت لقوا امهم بستقبالهم بالمدخن دخنت عيالها وقرت عليهم وطلعت مع الجوهرة والجدات لزواج عزمت عليهم هند وترجتهم يحضرون
فرحتها الجدات فرحن وصارن يدعن لهم بالتوفيق


ليلة الزواج
بغرفة العرائيس

هند لابسه فستان ناعم من التل المشغول مخصر على جسمها مبرز لها انوثتها فاكه شعرها على طوله ورفعته من قدام بتاج الالماس مسكته وردود الفل الابيض الي تعشقه مكياجها ناعم مبرز لها جماله تعجز الكلمات عن وصفها


غاده مطقمه مع هند بنفس الفستان لكن غاده حاطه طرحه ووردها احمر ومكياجها اكثر من هند طالعه قمه بالجمال المبهر




عند جاسم وفيصل

لابسين البشت الاسود كانو قمه بالوناسه للحين مو مصدقين ان هذا زواجهم على الي سكنن الروح قبل القلب الي القلب مادق الا لهن ولا توجع الا بسبتهم طول السنين عانورمن العشق واكتوو بنيرانه جالس جنبهم عبدالرحمن وعياله يرحبون بالضيوف ونواف مبسوط بفرحهم


عند الحريم

نوره اسعد ايامها الليله بناتها يتزوجن مبسوطه انها تطمن عليهن مع ازواج يحبونهن

ام جاسم مبسوطه وتدعي ربي من قلبها ان مايكدرعلى عياله ويبسطهم يكفيهم طول هالسنين معاناه


عند الرجال وقف عبداالرحمن

طالع بجاسم / سامحني يولدي بسب الي صار مني هند امانه برقبتك حافظ عليها وصونها

جاسم بحب / بعيوني ياعمي

كمل / قوم ادخل على عروسك وقف وهو ينتفض خايف انه ينصدم ويتفاجئ من مصيبه بانتظاره



الدخله

هند بغرفتها جالسه على كوشه كلها من الفل ونوره واقفه جنبها

دخل عبدالرحمن وخالد ومحمد ووراه جاسم قرب من هند وقامت له ضمها بحب

عبدالرحمن / مبروك ياهند لا وصيك على جاسم حطيه بعيونك

هند بحب / الله يبارك فيك

قربوم منها اخونها وضموها بحب وباركو لها وطلعو

جاسم منزل عيونه خاف يرفعها وينصدم ان وحده غيرها مكانها
ماصحى الا على يد عبدالرحمن تسحبه

وصله لعندها ورفع راسه وطالعه هي حبيبته وعشيقته بجمالها الي يبهر هذا حلمه الي يشوفه تحقق نفس اللبس ونفس التاج ونفس الورد تاكد ان ربي كان بيطمنه انه حلمه بيتحقق لكن مافهم انها رويا وتحققت

قرب منها وطبع علي جبينها بوسه عميقه يبث فيها كل عشقه الي زاد اضعاف بغيابها

قرب منها ومسك يدها بتملك خايف انه حلم من احلامه ويفتح عينه ويلقاه سراب

عبدالرحمن / جاسم اخذ عروسك
نوره لبسيها عبايتها

نوره لبستها هند عبايتها وساعدتها بالنزول وجاسم للحين ماسك يدها خايف لفكهت تتغير لوحده غيرها



عند الرجال

عبدالرحمن / يافيصل لاوصيك على غاده حطها بعيونك وحافض عليها

فيصل بابتسامه / بعيوني ياعمي

عبدالرحمن / قوم معي ادخل على عروسك

مشى معه وخايف ومرعوب للحين ماتطمن



عند غاده

كانت جالسه على الكوشه بجمالها والورود الاحمراء متناثره حوليها ومسكتها بالورد الاحمر نوره واقفه جنبها

دخل عبدالرحمن ومحمد وخالد وصل هند للفندق

فيصل وعيونه متعلقه عليها منبهر بجماله احلى من زواجه الاول كبرت ونضجت وزادت انوثه

سبقه عبدالرحمن وقفت له غاده وحضنته

عبدالرحمن بحب / مبروك ياغاده لا وصيك على فيصل

غاده / الله يبارك فيك خالي

قرب منها محمد وفهد وحضنوها وباركو لها

قرب منها فيصل وباس جبينها بعشق وهيام

عبدالرحمن / نوره لبسيها عباتها بتروح مع زوجها

ساعدتها نوره بالبس العبايه مسكها فيصل بيدها ونزلو تحت في السياره الي كان يسوقها محمد وجنبه فهد

ووفيصل مع غاده ورى نفسه يحضنها مو مصدق ان الي جنبه غاده


عند جاسم

وصلو للفندق ساعدها بالنزول ويده ماسكه يدها وصلو للجناح
فتح لها الباب تفاجئت من الجو الرومنسي والورود بكل مكان دخلت فاجئها جاسم انه نزل عبايتها يبي يطمن انها هند مايبي يغلط غلطته الاولى ابتسم وهو يشوفها قدامه
مايقدر يصبر اكثر من كذا سحبها وحضنها بقوة ودفن خشمه بشعرها وسحب شعرها وتغطى فيه
جاسم بصوت ذايب / ماني بمصدق ياروح جاسم اني بعلم مو بحلم اخاف افتح عيوني الاقيني على فراشي واصحى على اوجاعي

هند بعدته عنها وبكل جرائة باسته على خده / انت بعلم وببقى معك طول العمر سامحني جاسم

حط يده على فمها / خلينا ننسى الماضي وجودك بحياتي كل الي اتمناه

رجع وحضنها وقلبه بيطير من ضلوعه يحس انه ملك الكون هالحظه

جاسم بابتسامه/ نسيت انك مابدلتي بانتظرك بالغرفه الثانيه

دخلت هند الحمام واخذ ت شور وطلعت بقميص نوم حرير وفوقه روب من التل الابيض

شافها انبهر بجمالها الفاتن الي محروم ومتعطش لها طول هالسنين الحين مافي مواثيق وحلوف تمنعه من الاستمتاع بحلاله ترك الاكل الي يشوفه قدامه فوق قوة احتماله مسكها بيدها ودخل معها السرير مثل ماتلاصقت الارواح تلاصقت الاجسام







عند فيصل

نزل من السياره وساعده دخلو جناحهم قفل باب الجناح بالمفتاح وحطه بجيبه خايف انها تنحاش ويقوم مايلاقها

غاده سبقته وجلست على الكنب وهي متوتره خايفه

قرب منها وهو مبسوط مو مصدق ان الحلم الي تمناه و تعذب سنين علشان يتحقق قرب منها بابتسامه وسحبها لحضنه ضمها بعشق وفتح الكمودينه وطلع منها ورقه

اخذ الورقه ومدها عليها طالعته غاده بنظرات مستغربه

فيصل بعشق / هذا وفاء لنذري

غاده مستغربه / شنو

فيصل / اقريبه وبتعرفين

فتحت الورقه شافت بيع ممتلكات فيصل وشركاته وتسجيلها باسمها

غاده دمعت عيونها / ليه يافيصل

فيصل ناذر اذا صرتي لي كل الي املكه لك يكفيني في الدنيا اني ملكتك

غاده مسكت الورقه وقطعتها لقطع صغيره

غاده بعيون دامعه / مابي اموال ابيك انت

فيصل بحب بعشق/ والله ياغاده قلبي مادق لغيرك ولا عرف وشاف غيرك

غاده بخوف وارتباك / فيصل الليله كل واحد ينام بروحه لين نتعود على بعض

فيصل / هههههههههههههه مستحيل اختاري قبل ماناكل ولا بعده والله لاطلع حرماني السنين من عينك

غاده بققت عيونها خايفه يسويه

غاده وقفت / باخذ شور وابدل لبسي
دخلت الحمام اخذت شور لبست قميص نوم حرير ابيض وفوقه روب من الدانتيل

شافها ماقدر يقاومها شالها ودخلها سريره واروى عطشه وحرمانه منها طول هالسنين




مرت سنه وبعدها سنه ولحقتها سنه وتبعتها سنه وصار لزواجهم اربع سنين


في بيت جاسم


كانت واقفه تتعدل قدام المرايه وجاسم يطالعها بعيون عاشقه شافها تمشط شعرها الي حالف عليها ماتقصه

قرب منها ورفع شعرها بعضاضه كانت جنب التسريحه
دفن خشمه برقبتها وصار يتنفس ريحتها الي يعشعقها

جاسم يبتسم بعشق/ شعرك لي الحالي مايشوفه غيري اخاف عليك من عيون البزران قبل الحريم

هند حطت يده على خصره وتتكلم بحب / للحين تحبني ياجاسم

جاسم بعشق / وربي احبك كثير انا مجنونك ياهند مجنونك

هند بابتسامتها الي تذبح قلب جاسم / وانا مجنونتك ياجاسم

جاسم بحب / ارحميني من ابتسامتك الي بتذبح قلبي

هند بحب / جعل يومي قبل يومك ياروح هند

ضمها بقوه عشقها بقلبه يكبر ويزيد




في بيت ام جاسم

غاده ساكنه عند ام جاسم ماتبي تبعد عن جداتها الي تعلقت فيهن كثير

عند غاده وفيصل

كانت واقفه قدام المرايه تحط المسات الاخيره من المكياج
كان فيصل يطالعها بعيون عاشقه يحبها ويموت عليها

فيصل بعشق / مايحتاج هالخربيط والله من غيرهم تذبحين

غاده بحب / فصولي للحين تشوفني حلوه مثل اول زوجنا

فيصل باسها بحب وعشق / واحلى ماخلق ربي

غاده / فصولي تحبني

فيصل بحب / واحب الارض الي تاطينها

غاده بحب / وانا احبك اكثر من حبك لي

فيصل يطالعها بخبث / وش رايك نكمل سوالفنا هنا ونطنشهم واقابل الوجه الي يذبح قلبي ولا مقابل جاسم ونواف

غاده بحب ودلع / فصولي يرضيك اجلس والكل متجمع وانا صاحبة البيت وماماتي تلاقيها موجوده تحت

فيصل بعشق / يويل قلبك يافيصل خفي علي شوي

فيصل / انزلي وانتبهي لولدك من المفترسه بنت جاسم

غاده / ههههههههه محد طلع من ايدها سليم

نزل تحت ولحقته غاده


تحت

الجدات وام جاسم جالسات يسولفن دخلت عليهم هند ببنتها وباست راس جدتها وراس ام جاسم

نزلت غاده وسلمت على راس جداتها وام جاسم وجلست جنب جداتها ام راشد

دخلت عليهم الجوهره مع بنتها وولدها
جلست يسولفن فجئة جاء ولد غاده يبيكي ووجه كله مخوش من بنت هند

غاده بعصبيه / ماماتي بنتك هذي مفترسه لعبت بوجه ولدي

هند بابتسامه / ولدك ليش مايدافع عن نفسه

غاده / سالم روح عند بابا

هند بابتسامه / ساره روحي الحقيه عند بابا


الجوهره تضحك / البنت هذي شكلها شرانيه ماتحب العيال




عند الرجال


جاء ولد فيصل عند ابوه يبكي شاف وجهه مخش ووراه بنت جاسم

فيصل بعصبية / بنتك هذي شكلي يوم باذبحها شوهت جمال ولدي صاير كانه وجه دكرونيه من كثر المخوش هذي قطو مو بنت

جاسم / هههههههههههه والله الا ولدك خكري طالع لامه

فيصل يبتسم/ بنتك متوحشه وماتحب العيال طالعه لامها

جاسم بحب / فديتها امها الله لا يحرمني منها

جته بنته وصار يبوسها بحب هذي ثمرة حبه وعشقه لهند




تمت بحمد الله


اكره الوداع لكن لكل بدايه لا بد من نهايه اليوم بتاريخ 10 /1 / 2011 ودعنا ابطال لنا عشنا معهم ايام متشوقين لما يحدث لهم عشنا معهم حبهم وحرمانه لحظه بلحظة فرحنا لفرحهم وحزنا لحزنهم


اول مابديت صفحاتي متخوفه انها لن تنال استحسانكم لكن خيبتو ضني وشجعتوني ووقفتو معي

احب اقدم شكري وتقدير لكل من تابع روايتي وشجعني سواء بردوده او من وراء الكواليس





لناء لقا باذن الله في روايتي الثانيه

لكاتبه / نسايم نجد


تمـــــــــــــــــــــــــــــت


الرجاء ممن يقراء الروايه يقول رايه بامانه وهذي رغبة من الكاتبه للتتجاوز اخطاها بروايتها الثانيه

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية رواية بعثرت أرواح عاشقة للكاتبة إكراموا Yaqot روايات و قصص منشورة ومنقولة 31 March 30, 2015 05:47 PM
ملخص رواية سلالم النهار -رواية للكاتبة فوزية شويس السالم Yaqot روايات و قصص منشورة ومنقولة 0 May 8, 2014 10:41 AM
رواية غرام و إنتقام / الكاتبة : نسايم نجد SEO روايات و قصص منشورة ومنقولة 0 October 23, 2012 03:57 PM
رواية ملحمة العشاق / للكاتبة سهر SEO الروايات والقصص العربية 0 October 22, 2012 02:05 PM


الساعة الآن 05:19 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر