رواية وأخيراً حبينا بعض للكاتبة مفتون قلبي

ردت رغد سدت فمها علشان ما تكمل: غرورووو يا حماارة أمشي جداامي

.. قربت لها أكثر وهمست .. رغد: سعودي قال لااا تخبرين أحد .. فخلي الوضع مثل ما هوو .. لااا تخليني أندم إني قلت لج

غرور هزت راسها انه أوكي ما راح تتكلم بما معناه

شوق: !!؟؟!!

طلعوا غرور و رغد منغرفة شوق وتاركينها .. مثل الأطرش في الزفـــــة

-----------------------------------------------------------------------

في بيت ابو مصعب (الساعة 10 ونص في الليل)

.. في غرفة مرام ..

.. كانت قاعدة مع هنادي .. تستجوبها عن حياتها مع مصعب

مرام بفرح: يعني خلااااااص حياتكم صارت سمنة على عسل .. كل شي صار مضبوط .. يعني مافيه مشاكل نفس قبل .. وكل واحد تقبل الثاني

.. هزت هنادي راسها بإيجاب: أي .. بس في شي مخليني أتردد

مرام بستغراب: شنووو

هنادي: أخاف إنه للحين يحب .. مهـــــــــا

مرام : يا الخبلة .. من صجج تغارين من وحده ميتــــة .. وبعدين سبق وقلت لج .. حتى لو يحبها .. إنتي زوجته وما رده بحبج

هنادي: مو هذا إلي مصبرني ومريحني

.. قطع عليهم دق الباب ودخول مصعب ..

مصعب: إنتوا ما شبعتوا من بعض حشى خذالكم ساعتين بالكثير وأنتوا مع بعض من ردينا وهذا انتوا سالفة ورى سالفة ..

هنادي: هههههههههه نفضفض إلي في قلبنا .. مو ذنبنا إذا كان مشحون

مرام وهي تهز راسها بتأكيد: إي فعلااا

مصعب وهو يسحب هنادي من يدها: تبين تفضفضين عندج أنا ريلج .. مو تفضفضين عند مرامووو .. (و وصار يطالع بمرام) .. وانتي اذا تبين تفضفضين عندج ريلج .. شدعوة عاد قبل لااا تتزوجينه كنتي تفضفضين له

مرام: ههههههههه أقوول خذ مرتك ويلااا برووو (برو يعني روح) أبي أناام بعد علشان أتعود بعد يومين راح انداوم في جامعه

هنادي : اي والله .. الله يعين

مصعب: أقوول هنووي مو كأنه عطيتج ويه يلااا جدامي

هنادي: هههه اوكي

.. طلعوا مصعب و هنادي من غرفة مرام .. وتوجهوا لغرفتهم إلي في الشقة ..

لحظة < (( ملاحظة: نسيت أقول لكم إنه خلصوا بناي الشقة إلي في بيت أبو مصعب .. وصارو يسكنون فيها))

-----------------------------------------------------------------------

في غرفة مصعب و هنادي

.. أول ما دخلوا على طول مصعب قفل الباب .. و حظن هنادي وهو يهمس في أذونها : أشتقت لج موووت

هنادي بخجل: وأنا أكثـ....

أنقطعت كلمتها وأنفاسها إختلطت مع أنفاسه .. عايشين حياة العشاق ........................ *_^

-----------------------------------------------------------------------

.. بعد شهــــر ..

ابتدا دوامات الجامعة .. وصارو أبطال روايتي يروحون كلهم للجامعه .. و مرام طول الشهر .. عايشة حياتها مع جسوم مثل قبل .. و صايرة أوقات أستراحتهم مع بعض ويقضونها مع بعض ..

أما نورة وحمد .. فطبعاً حمد تخرج و يشتغل سبق وذكرت .. و طول الوقت يتصل في نورة ويطلع معاها .. مافي أحلى منهم ثنائي روووعه ..

.. أما هنادي ومصعب .. كل شي يمشي حلوو من بينهم .. مصعب صار ما يقدر يستغني عن وحده أسمها هنادي .. بختصار "حبها" أو نقدر نقول "عشقها" .. و هنادي زاد حبها لـ مصعب إلي كل ماله يكبر يوم عن يوم .. وصايرة تحاول تقسم وقتها حق الجامعة وحق مصعب

.. أم سعد خطبت شوق حق سلطان .. وشوق وافقت .. وتحددت الملجة بحفل كبيـــــر .. لأنه سلطان ما يبي يسوي زواج إلااا لما يخلص ويكون نفسه بنفسه .. والملجة بعد إسبوع

.. جنان آخر سنة لها في الجامعة .. وحاطه كل جهدها علشان تنجح .. وطبعاً نفسيتها تعبت لما عرفت إنه شوق إنخطبت .. وهي على بالها الي خاطبها حمدان مو سلطان .. صايرة تتجاهله .. و تتجاهل إتصالاته .. وطرشت له مسج تقول له فيه "بليـــــــز حمدان عن الإحراج .. بس مو صح إلي قاعد يصير وياليت ما تتصل مرة ثانية لأني مو فاضية .. كفاية الدراسة مو ملحقه عليها"

.. أما عند حمدان .. كان مستغرب من تصرفات جنان المتغيرة .. حاول كذا مرة يكلمها ويعرف شفيها .. بس هي دووم تتحاشاه وما ترد عليه .. وإذا طرش لها مسج .. سفهت فيه (بمعنى طنشته)

.. سلطان قرر يترك المغاازل .. ويبتدي حياة جديدة مع شوق .. على إنه خايف من الحياة الجديدة المقدم عليها .. وكان في نفس اليوم إلي بروحون يتقدمون لها متردد .. بس لما صلى وستخار .. ارتااح

.. هيام ومشاري .. عصافيــــــــر الحب .. فرحانين بحياتهم إلي غمرتهم بحب وعشق أكثر لبعض .. بوجود الجوري .. ثمرة حبهم

.. سعد ورغد .. دخلت رغد شهرها .. وهي طول الوقت خايفة إنها تولد .. سعد . فرحان إنه في طفل ياي بالدرب .. و راح يصير أبو .. شعوور حلوو

.. مي إستسمحت من ياسمين إلي أفتشلت وحست بخطئها .. و هي استسمحت بعد .. و مي مرتاحة لأنه الكل حواليها صار يحبها ويعزها .. وكل يوم تدعي على أبوها بالخير بـ فضل زواجها من نايف ..

.. نايف .. صار ريال شهم و خلوق .. ترك كل شي سيء في حياته .. صار مخلص لـ مي .. و حبها تغلغل في قلبه مثل الطلقة في إختراقها للجدران ..

.. أبو نايف سامح بنته ياسمــــين علشان مي .. خصوصاً لما شاف إنها متحسفة ومفتشلة إنه مي إستسمحت منها وهي الغلطانة

أبو مي .. حاط كل جهوده .. وراس ماله .. في الصفقة .. وكل شي حالياً ماشي اوكي ..

-----------------------------------------------------------------------

قبل يوم ملجــــــــة .. شوق وسلطان ..

الكل فرحان ومتحمس .. ما عدا >جنــــــــان< إلي قاعده تدور أي عذر علشان ما تحضر الملجة .. بس للأسف ما قدرت لأنه أم مشاري أصرت عليها .. وقررت تروح ..

.. في بيت أبو مشاري .. وخصوصاً غرفة جنان ..

جنان وهي منسدحة على السرير وتكلم نفسها "أنا ليش متضايقة يبي يعرس خله يعرس شلي حارني .. أوووف والله أحس إني متضايقة حيل .. يعني ما لقى غير شوق .. طيب شفيها شوق بنت حلوة والكل يتمناها .. آآه شكلي متضايقة لأنه ما فكر فيني .. طيب ليش أبيه يفكر فيني .. هههه شفيج يا جنان شكلج ينيتي .. لااا ما ينيت بس ........ لااا بس ولا شي .. إنتي شكلج تحبينه وهو أبد مو داري عن هوى دارج"

.. (سكتت و للحظة أستوعبت) ..

" تحبيـــــــــــنه .. معقولة أنا أحب حمدانووو .. أكيد عيل ليش تضايقة لما عرفت إنه بيتزوج .. آآآه مالت على حظج يا جنون .. بتحظرين زواج إلي حبه قلبج"

-----------------------------------------------------------------------

في اليوم الثانـــــــــي .. يــــــــــــوم المــــلجــــــــــــــة ..

الكل محتاس .. والبنات كلهم رايحيـــن الصالون من الصبح .. أم مصعب وأم مشاري وأم سعد وأم خليل راحوا حق وحده تمكيجهم مثل كل مرة .. علشان يمديهم الوقت ..

بعد ما خلصوا البنات من الصالون رجعت كل وحده لبيتها .. طبعا إلي وصلهم خليل ^^ << هذا صاير سواق حقهم هع

-----------------------------------------------------------------------

في الفندق (الساعة 8 بعد صلااة العشاء)

كل العائلة وصلت وبعدها على الساعة 9 وصلوا كل المعزيم تقريبا ..

كانت الصالة صاخبة من صوت الدي جي والبنات رقص و وناسة

::راح أوصف لكم البنات::

شوق
vv

بما انها العروس فكانت الأحلى من بين كل البنات ..
كــــــــانت روووووعة وبقمة الأناقة والنعومة
كانت لااابسة فستان مخصر عليها من عند الصدر و واسع لين تحت .. من فوق فيه شيفون ومطرز ويلمع لمع من فوقه لين تحته و لونه لؤلؤي مايل للإصفرار .. من دون أكمام .. كان الميك آب شوي صاخب راسمه عيونها فراشة والشدو كان أسود وبني مع أصفر فاااتح والحمرة بنية تلمع وتسريحتها بمقة الروعة شعرها نصه مرفوع والباقي نازل على كتفها بشكل كيرلي

=====

نورة
vv

.. كانت لابسة فستان مخصر عليها من فوق لين تحت (السمكة) من فوق فيه ورود لين فتحت الصدر وبدون أكمام وكان لونه بيج ويلمع كان ميك آب شوي صاخب راسمه عيونها فراشة والشدو كان أسود وبني والحمرة بنية تلمع وتسريحتها بمقة الروعة شعرها كله مرفوع وفي خصل نازله منه وكيرلي

=====

جنان
77

كانت لابسة فستان لين تحت الركب لونه أسود وفي نقش بلون الرصاصي مخصر ويربط عند الرقبة والظهر طالع وحاطة ميك آب خفيف بس راسمة عيونها وحاطة شدو رصاصي وتدرجاته وحمرة وردية أما تسريحتها فكان شعرها كله على برد و ويفي وفي وردتين على برد بلون الأسود وطاالعة خيال .. رووعة شوية عليها

=====

هيام
77

كانت لابسة فستان طويل لونه عنابي مخصر من عند الصدر لين الخصر وتشكيلته مثل فستان (المغنية يارا في أغنيتها لو بص بعيني) وحاطة ميك آب صاخب دامجة لون البنفسجي مع الأزرق وراسمه عيونها وتسريحتها من جدام شبك ومنزلة قذلة ومن ورى ملموم ذيل حصان ولابسة مشبك شعر على لون فستانها ويلمع ..

وطبعا لبست الجوري إلي كبرانة شوي نفس فستانها وطااااالعه تجنن بمعنى الكلمة << فديتهاا يا ناااااااااس

=====

رغد
77

فستانها أحمر للحوامل لين تحت الركبة ومكسر وفي شريطة تحت الصدر لونها أسود و الميك آب لونه وردي و أزرق وراسمه عيونها أما شعرها فكان على طبيعته مفلول و ويفي وحاطة فيه اكسسوار حلو لونه أبيض

=====

غرور
77

لاابسة فستان وردي من جدام قصير لين تحت الركب ومن ورى طويل ذيل ومخصر عليها من عند الصدر لين الخصر وبارز جمال جسمها وفيه زركون على كل الفستان ومن دون أكمام والميك آب لونه وردي مع الأسود وراسمة عيونها وشعرها مسويته تسريحة كله ملموم وصاير كل شعرة على الثانية

=====

مرام
77

كانت لابسة فستان سماوي لين تحت الركبة مخصر عليها من عند الصدر لين الخصر فيه سريطة لونها أزرق على برد ومن عند الظهر طالع وكان الميك آب أزرق وتدرجاته وشعرها مفلول كيرلي
كانــــــت ناااعمة من قلب

=====

-----------------------------------------------------------------------

في مجلس الرياييل (في نفس الوقت)

قاعد وهو طاير من الفرح .. يبتسم وهو الود وده يطلع من المجلس ويقعد مع شوق ..

مشاري وهو يبتسم حق سلطان : أي شق الحلج خلاااص من قدك بتتزوج

سلطان وهو يبتسم: الفال حق حمدان

حمدان من قلب: آميـــــــن

.. حمد وهو يعلق : أقول الأخ شكلـــه ميت على العرس .. خلاااص قول حق الوالده خل تدور لك

سعد وهو يضحك: لااا خبرك عتيج من زمان هو مختار له .. بس ينتظر ملجة سلطان .. على قولته أبي يكون اليوم مخصص لي مو مشترك مع سلطان

حمدان وهو يأشر على سعد: أنت تسكت مو كفاية كنت بتخرب السالفة .. لما رحت وقلت حق مرتك إنه إلي بيخطب إختها أنا

الكل: ههههههههههههههههه

سعد وهو يضحك: هههههههه والله أنا فهمت جذي مو ذنبي

-----------------------------------------------------------------------

(في نفس الوقت)

في الصالة الكل مستانس الي يرقص والي يتصور والي قاعد يسولف وانوااع الازعااج من الاغاني ..

في الغرفة قاعدة مع أختها وتحس بالرتباك وتوتر يخالطة الفرح

غرور وهي تبتسم: شوق

شوق وهي تطالع أختها : هلااا

غرور وهي تمسك يد شوق: سلطانو رااح يتخبل عليج

ابتسمت شوق بخجل: تتوقعين

غرور وهي تغمز: الا متأكدة

شوق وهي تضم غرور: صج رفعتي معنوياتي بس إياني وياج تنادينه بسلطانوو مرة ثانية .. و عقبالــــج

غرور وهي تبعد شوق عنها: هههههههههه من الحين مشتغله دفاع ..و آميــــــــــن الله يسمع منج

شوق وهي تضحك بنعومة: هههههههه مستعيلة حدج

غرور وهي تتنهد: حدي هههههه

-----------------------------------------------------------------------

في الصالة عند الرياييل ..

الكل يبارك لـ سلطان والفرح والسعادة مو واسعة أبو سعد وأبو عبد الرحمن ..

أبو سعد وهو مستانس: ألف مبرووك يا ولدي

سلطان وهو شاق الحلج: الله يبارك فيك ويطول بعمرك

أبو عبد الرحمن و الفرحة مو واسعته: ألف مبروك والله يتمم عليكم بخير

الكل: آمين

أبوسعد وهو يكلم سعد: اتصل على امك وخبرها انه سلطان راح يدخل

سعد وهو يهز راسه : ان شاء الله يبا

-----------------------------------------------------------------------

في الصالة ..

كانت جنان قاعده مع البنات بس سرحانه وفكرها رايح بعيد ..

مرام وهي تسمع دبكة مصرية .. على طول فزت : جنوون قووومي خل نرقص

جنان وهي مالها خلق: ما أبي مالي نفس أرقص

الكل إستغرب منها لأنها بجد اليوم غريبة ..

هيام بمزح: أووه وين طالعه الشمس اليوم جنان مالها نفس ترقص غريبـــة خبري أول وحده تركب المسرح إنتي

جنان بملل تقوم: بس مو هالمرة .. عن إذنكم

.. قامت جنان من طاولة .. وطلعت بره عند باب القاعة تبي تشم شوية هوى لأنها تحس بكتمة

-----------------------------------------------------------------------

في مجلس الرياييل

.. سلطان وهو يساسر حمدان: طلبتك قول تم

حمدان وهو يبتسم: لو مو معرس جان ما بقول تم ..

سلطان : تسلم .. طيب أسمع روح سيارتي وأفتح البيت .. بجوف ظروف شيلهم وقطهم بأي مكان أهم شي بعيد عن سيارتي

حمدان بستغراب: ليـــش .. وشنو هالظروف

سلطان: أششش لااا ترفع صوتك .. أنا من ذكائي الزايد توني متذكرهم .. عاد أخاف شوق تشوفهم .. مو عدلة

حمدان وهو يقوم: خلاااص ولااا يهمك

سلطان: تسلم

.. طلع حمدان وراح لسيارة سلطان وطلع الظروف وقطعهم لأنه فيهم أرقام وصور .. وقطهم بالزبالة ..

وهو راجع جاف وحده منزله راسها وسانده جسمها على الجدار .. كأنها تعبانه .. ما يدري ليش اريوله خذته لين عندها ..

حمدان: عسى ما شر

أول ما سمعت صوته توقعت إنها تتوهم و إنها من كثر ما تفكر فيه تخيلت صوته .. رفعت راسها بلااا شعور .. وطاحت عيونها بعيونه

.. حمدان أول ما شاف عيونها .. سرح في بحرها .. أما جنان تفاجأة إنه طلع هو حقيقه مو تتوهم ..

جنان وهي تنزل راسها : ما شر

.. صحى من سرحانه من همسها ..

حمدان: عيل شلي مظهرج من القاعة

جنان بحزن "أنــــــــــت": بس حسيت بكتمة وطلعت

.. حمدان بمرح: أهااا .. صايرة حلوة اليوم يا أم عيون سودة

حست بفرح بمدحه لها و ابتسمت بس سرعان ما تلااشت ابتسامتها بعد ما سمعت باقي كلاامه ..

حمدان: بس أكيد العروسة أحلى

.. كان يبي يلطف الجو لأنه حسن إنه أحرجها فقال إلي قاله .. وهو ما يدري إنه زاد الحطب نار

.. جنان بقهر: محد طلب رايك .. عن إذنك

حمدان استغرب منها: لحظة جنون ..

جنان ما عطته فرصة وعلى طول دخلت

.. راحت وقعدت عند البنات .. سمعتهم يقولون بعد شوي بزفون

المعرس والعروس وتكدرت أكثر

-----------------------------------------------------------------------

في الصالة ..

توها مسكرة من سعد والابتسامة على شفاتها .. راحت للغرفة ولقت شوق وأم عبد الرحمن موجودة معاها ..

ام سعد وهي تبارك لـ شوق: ألف ألف مبرووك والله يسعدج مع ولدي

أم عبد الرحمن وهي تبتسم: آمين

أم سعد وهي تطالع شوق المنحرجة: ترى راح يدخل الحين

شوق وهي ترفع راسها :الحيـــن

أم سعد وهي تبتسم: اي يما الحين بيدخل

قطع عليهم صوت طق الباب .. أم عبد الرحمن : منو

من ورى الباب .. سلطان: أنا سلطان

أم عبد الرحمن : ادخل حياك

دخل سلطان وسلم على أمه و عمته وباركو له وبعدين طلعوا علشان يخلونهم بروحهم ..

منزله راسها ومستحية وفي نفس الوقت مستانسة إلااا طايرة من الفرح ..

تجدم لين عندها وهو فرحـــــــان مو مصدق إنه هالملاااك صارت حلاااله ..

سلطان : مبروك عليج أنا

شوق يالله ينسمع صوتها: الله يبارك فيك


سلطان وهو يقعد يمها و يحاوطها من خصرها: مو مصدق أنا بحلم ولـه حقيقه معقوله إنتي الحين زوجتي

شوق بخجل من لمسته : اي

سلطان صارت عنده رغبه يبوسها .. قربها من عنده أكثر وطبع بوسه دافية..

احمرت خدود شوق إلي ما توقعت إنه جريء ..
وصارت ترتجف من قربه لها ..

سلطان بصوت هامس عند اذونها: أحبـــــــج

شوق نزلت راسها وهي مستحية ومو عارفة شتقول وشتسوي
.. لكن في صوت قطع عليهم وهو دخول أم عبد الرحمن ...

أم عبد الرحمن وهي مستانسة لبنتها و سلطان : يلااا الحين وقت الزفة

قام سلطان وأم عبد الرحمن ساعدت شوق بفستانها ..

أم عبد الرحمن وهي تطلع من الغرفة: برووح اقول لهم انك راح تدخل الحين

طلعت أم عبد الرحمن وتاركة وراها شوق وهي منزله راسها ومستحية وسلطان الي كان فرحـــان وماسك يدها ..

اول مالمست يده حست برتباك وخجل ومازالت منزله راسها مو قادرة ترفعه وتطيح عيونها على عيونه ..

مشت معاه وهي تحس بفرح يخالطة التوتر من قربه ..

بس هو كان احسن من حالها ماسك يدها وهو فرحــان من قربها والأكثر من جذي انه راح ينزف معاها ويصور

----------------------------------------------------------------------

في الصاله كل الحريم والبنات لبسوا العبايه والشيله والي متنقبه تتنقبت ..

بعد دقايق انطفت الاضواء وفجأه اشتغلت الإضاءه على باب الصاله ونفتح الباب في دخول المعاريس قررت جنان تنسحب وتروح للحمام (إنتوا والكرامة)

.. بس أم مشاري مسكتها و عطتها الكام وقالت لها تصورهم .. وجنان إنقهرت و اول ما دخلوا المعاريس ابتدت الزفه ..

وسرعان ما تغيرت ملاامح جنان وهي مو مستوعبة وفي نفسها "شـ سالــــــــــفة"

نزلو من الدري على أغنية هب السعد

~~~~~~~~~~~

هب السعد هبايبه لرياحي
ويا شاريه لعباد وين صلاحي

ويا زينه ياعلج و السعد ذبالي
وهبوبي حيج من وليج يلعالي


هب السعد هبايبه لرياحي
ويا شاريه لعباد وين صلاحي

وشبهت الزينه و الصبا حين لين دنه
ولا القمر و اربعه واثناني

هب السعد هبايبه لرياحي
ويا شاريه لعباد وين صلاحي

يا مهرة (ن) عند الايواد
ربوها بيت (ن ) رفيع ومركز(ن) عالي
هب السعد هبايبه لرياحي
ويا شاريه لعباد وين صلاحي

حظي على اخوانج يا الزينه جمله
عوضتهم بالواحدين واحداني

هب السعد هبايبه لرياحي
ويا شاريه لعباد وين صلاحي

وشبه قرتها هوى لسهيل باجج
قطنن يديد الماهو الميزاني

~~~~~~~~~~~

وصلوا شوق وسلطان للكوشه الي كانت خيال حلوه بشكل وكانت ام العروس والمعرس يحذفون عليهم مشموم و ورد الياسمين

بعدها قامو يباركون لهم ويصورون معاهم و شوق تحس بحراج لأنه المصورة تطلب منها تمسك بسلطان وتخليه يحاوطها

((يعني تطلب منهم يسون حركات جريئة)) وسلطان عاجبه الوضع ..

بعدها دخل أبو سعد و أبو عبد الرحمن و عبد الرحمن ..

بعد ما تصورو مع المعرس والعروس ولبس سلطان شوق الشبكة إلي كانت روووعة

طلعوا أبو سعد وأبو عبد الرحمن وعبد الرحمن وراحوا صالة الرياييل ..

بعدها طلع سلطان وشوق وراحوا يتعشون في المطعم حاجزين لهم

-----------------------------------------------------------------------

الصوب الثاني ..

قاعدين البنات ضحك وسوالف وتعليقات على شكل شوق المستحية ..

إلااا هي للحين مو مستوعبة .. وكلها نص ساعة أستوعبت إنها فهمت الموضوع غلط ..

وفرحت إلااا طارت من الفرح و على طول قامت و سحبت معاها البنات للمسرح وصارت ترقص لين إنهد حيلها ..

وطبعاً البنات استغربوا بس فرحوا إنها ردت لطبيعتها

-----------------------------------------------------------------------

في مطعم الـ.... (الساعة 11 ونص)

من أول ما طلعوا من الفندق وسلطان يسولف معاها ويضحك علشان ينسيها الخجل ..

بس شوق كانت تبتسم بنعومه ممزوجة بالخجل ..

سلطان وهو ينزل من السيارة و يروح جهة بابها ويفتحه ..

ومد لها يده .. مدت له يده وهي خجلااانة حيل .. سلطان ذاب مع احمرار خدودها ..

سلطان: يسلم لي الخجووول أنا

شوق زادت خجل :...........................

سلطان وهو يحط يدها على قلبه: جوفي شلون قلبي يدق ترى عادي أخليج تركبين السيارة وأروح الفندق و بلاااا عرس و بلااا خرابيط

شوق تعالو دوروها .. كانت بقمة الإحراااج :.................

سلطان ما قدر ما يضحك على خجلها :هههههههههه

شوق إستحت أكثر:............................

سلطان و هو يشبك يده بيدها و دخلوا سلطان وشوق المطعم وكل واحد فرحــــــــان والفرحة مو سايعته


-----------------------------------------------------------------------

بعدها دخل حمد و نورة غرفة العروس وتصوروا مع بعض ..

وهنادي ومصعب نفس الشي .. ورغد غارت و بعد صورت مع سعد ..

أما هيام ومشاري طلعوا مع بعض وخلوا الجوري مع أم مشاري ..

.. بعد ما صور الكل .. دخلت أم مشاري وهي تبتسم وفي يدها الجوري: هاا صورتوا

سعد ورغد: أي

أم مشاري : الكل طلع مع مرته وصور ..

سعد: إي بس ترى جسوم و لدج ما صور ما يندرى من جافنا نتصور إنحاش .. شكله متزاعل مع مرام

أم مشاري: وه توهم معاريس أمداهم يتزاعلون بروح أجوفه

.. طلعت أم مشاري واتصلت على جسوم وقالت له ايي

.. ونادت على مرام و دخلت غرفة العروس ..

دخلت مرام وهي مستغربة شفيها عمتها .. توها بتسأل جافت جاسم داخل هو الثاني ..

جاسم استغرب: السلاام عليكم

مرام وأم مشاري: وعليكم السلااام

.. كانت مرام منزله راسها .. وتنتظر أم مشاري تتكلم .. وجاسم نفس الشي

.. أم مشاري: شفيكم متزاعلين

الأثنيــــن رفعوا راسهم: لاااا

طالعوا ببعض وضحكوا :ههههههههه

أم مشاري: عيل ليش ما تبون تصورون مع بعض

جاسم وهو يطالع بـ مرام .. ومرام تطالع بـ جاسم: من قال

أم مشاري وهي تهز راسها : خلاااص أوكي عيل بنادي لكم المصورة تصوركم وبعد ما تصورون طلعوا مع بعض مثل الكل .. وروحوا إستانسوا

.. طلعت أم مشاري تنادي المصورة ..

-----------------------------------------------------------------------

.. أما في الغرفة ..

جاسم وهو يبتسم: صايره حلوة اليوم

مرام توردت خدودها وصارت تلف بمرح على نفسها: أدري

جاسم: ههههههههه مشكلة الثقة

مرام وهي ترمش عيونها: أدري محتر مني

جاسم وهو يهز راسه: على شنووو يا حسره
مرام : هـــــــــــــــه في كل شي

.. قطع عليهم دخول المصورة .. وقفت المصورة وصارت تقول لهم الحركات ..

مرام وهي تقرب وتوقف يم جاسم .. وجاسم متدوده مو عارف شـ سوي ..

المصورة حق جاسمut your hand has a waist :
(من فضلك ضع يدك على الخصر)

جاسم وهو يحاوط يده على خصر مرام .. ومرام إرتبكت وقلبت ألوان ..

المصورة حق مرام: Lift your eyes and look in the eyes of your husband
(إرفعي ناظريكِ وانظري في عيون زوجك)

.. رفعت مرام عيونها وطاحت بعيون جاسم وهي متوترة ومستحية وتسب في داخلها المصورة ..

دام طول الوقت التوتر والخجل .. لين ما خلصوا تصوير وطلعوا مع بعض

-----------------------------------------------------------------------

بعد أسبوع .. في الجامعة الـ.... (الساعة 10 ونص الصبح)

.. في الكفتيريا ..

دخل وقعد ينتظر أخته لين ما تخلص محاضرتها .. وصار يطالع بإلي رايح و بإلي راد ..


فجأة حس كل شي من حوله توقف وهو يطالعها داخله و تقعد بكل نعومة ورقة ..

قام وتوجه لها كأنه متخدر .. مشتاق لها ولصوتها ملهوف

.. كانت قاعدة تنتظر وقت محاضرتها .. فتحت تلفونها وصارت تلعب فيه ..

حست بوجود شخص .. رفعت راسها وإنصدمـــــــــت .. حست كل خلية في جسمها إنشلت ..

صارت تحرك فكها بصعوبة .. مرام: .. سـ... سـالـ.ـم

سالم وهو يطالع فيها: عيونه

مرام كانت بتقول له يسلم لي عيونك .. بس منعت نفسها ونزلت راسها: .........................

سالم وهو يقعد : إشتقت لج .. ولصوتج .. و لكل شي فيج

مرام وهي ترفع راسها: بلــــــــيز سالم .. كل شي إنتهى

سالم: لااا إنتي إلي نهيتيه .. مرام تكفيــــــــن

قاطعته مرام: إنت إلي تكفى بلـــــــــيز .. عن إذنك وراي محاضرة

.. قامت مرام ومشت عنه قبل لااا تسمع منه أي كلمة زيادة هي لااازم تنساه لأنهم مستحيل يصيرون حق بعض

.. دخلت محاظرتها وبالها مشغول ..

-----------------------------------------------------------------------

في بيت أبو مشاري ..(في نفس الوقت)

كانت أم مشاري قاعده في الصالة .. رن التلفون ورفعته .. أم مشاري : ألوووو

أم مسعد: ألوووو .. السلااام عليكم

أم مشاري ببتسامة: هلااا وعليكم السلاااام .. شخبارج

أم سعد: والله بخير الحمد الله .. إنتي شخبارج شمسوية

أم مشاري: و الله الحمد الله ماشي الحال عايشين

أم مسعد: سوري لأني أتصلت هالحزة بس..........

قاطعتها أم مشاري: لاااا شدعوة ما بينا هالكلااام يا أم سعد

أم سعد: تسلميـــن والله .. ما أدري شنو أقول لج .. بس ما في أحسن منكم ومن بنتكم .. بختصار طالبين يد بنتكم جنان لـ حمدان ولدي .. ما بنحصل أحسن منها لـ ولدنا

أم مشاري بفرح: والله هذي الساعة المباركة .. ما بنحصل أحسن من ولدكم لبنتنا .. وأنا موافقة .. بس لااازم نشاور البنت وأبوها وإن شاء الله نرد لكم الخبر

أم سعد: إن شاء الله الله يكتب النصيب من بينهم .. ناطرين الجواب على نار

أم مشاري: إن شاء الله

أم سعد: يلااا فمان الله

أم مشاري: فمان الكريم

-----------------------------------------------------------------------

في الجامعة الـ... (الساعة 12 الظهر)

في الباركات .. كانوا مرام وجاسم مخلصين محاضراتهم .. توها مرام بتركب السيارة وقفها صوت سالم ..

سالم: مراااام لحــــــظة شوي

لف جاسم يطالع في سالم وهو مستغرب : خيـــــر أخوي بغيت شي

سالم ما عطى بال حق جاسم وصار يطالع بـ مرام ويكلمها: مراااام بليـــــــز ما أبي من وقتج غير ثوااني بس

جاسم عصب لأنه مو ما عطى مقدار أو أحترام .. و فوق هذا كله يتكلم مع مرام

.. مرام حست بعصبية جاسم وما حبت تصير مشكلة .. مرام برتباك واضح : خلاااص لـك ثواني بس

لفت مرام لـ جاسم : جسووم بليــــز

تنرفز جاسم من مرام: ثوااني بس ..

أبتعدت شوي مرام عن جاسم و جدمت من سالم مسافة لا بأس بهااا

مرام: قول إلي عندك

سالم: مرام بليــــــــــــز فهميني أنا أحبج

قاطعته مرام: سالم أفهم ما يصير هالشي أنا خلااااص تزوجت .. وإلي جفته معااي زووجي ..

سالم طالع بـ جاسم بحقد : بس أنـ..........

قاطعه هالمرة صوت جاسم: يلااا مرام خلصت الثوانـــــــي

.. مشت مرام مبتعده عن سالم وركبت السيارة .. أول ما سكرت الباب ..

جاسم بعصبية: ممكن تفهميني شسالفة

مرام برتباك والدموع بدت تتجمع: شكلك ما عرفته

جاسم إستغرب: لااا ليش أنا قط مرة شفته

مرام وهي تهز راسها وبصوت مخنوق: إي هذا الدكتور سالم

جاسم على طول لف لها: سالم

مرام: إي

جاسم بهدوء: شنو يبي منج

مرام: يقول لي إنه مازال يحبني و يبيني و .......... (دخلت بنوة صياح)

جاسم مشى السيارة وهو يحس بعصبية بس ما علق

-----------------------------------------------------------------------

في بيت أبو مشاري (الساعة 3 العصر)

.. خصوصاً في غرفة جنان ..

مشغلة على أغنيـــة راشد الماجد وحسين الجسمي (غرقان)

-----------------------

جيت وش جابك حبيبي !؟ .. من بعد طول المغيبِ
من بعد طول المغيبِ
ولا ناوي ياحبيبي .. تغرق الغرقان أكثر
تغرق الغرقان أكثر
جيت وش جابك حبيبي .. من بعد طول المغيبي ..من بعد طول المغيبي
ولا ناوي ياحبيبي .. تغرق الغرقان أكثر .. تغرق الغرقان أكثر
..
تقول اني ما أهمك !؟ .. يابرودة والله دمك
كنت في عيني أضمك .. وأتغزل بك وأسهر
تقول إني ما اهمك .. يابرودة والله دمك / كنت في عينى اضمك واتغزل بك واسهر
..
اللي جابك هو حبي .. ولا شيءٍ مستخبي
ولا شيء(ن) مستخبي
ياللي ساكن وسط قلبي .. ليه من حبي تنكر ؟
ليه من حبي تنكر !؟
اللي جابك هو حبي .. ولا شيء مستخبي .. ولا شيء مستخبي
ياللي ساكن وسط قلبي .. ليه من حبي تنكر .. ليه من حبي تنكر
..
لاهي .. انت في دنياك لاهي .. وعن حبيب القلب ساهي
التغلي مو تباهي .. حس في شوقي وتذكر
انت في دنياك لاهي .. وعن حبيب القلب ساهي / التغلي مو تباهي حس في شوقي وتذكر
..
يادروب الحب صيحي .. ويادموع العين طيحي
يادموع العين طيحي
صرت من بعده جريحِ .. وقلبي عن غيره تسكر
قلبي عن غيره تسكر
يادروب الحب صيحي .. ويادموع العين طيحي ..ويادموع العين طيحي
صرت من بعده جريحي .. وقلبي عن غيره تسكر .. قلبي عن غيره تسكر
..
روح .. روح يا طاير وقله .. ( قله ) قلبي فيه ألفين عله
الحياه بعده ممله .. وحالي من بعده تدهور
روح ياطاير .. وقله .. قلبي فيه ألفين عله / الحياه بعده ممله .. وحالي من بعده تدهور
..
تذكر .. تذكر .. غرقان الغرقان أكثر أكثر
..

-----------------------

في ذي اللحظة .. سمعت صوت الباب يندق .. و دخلت من بعدها أم مشاري

جنان وهي تشيل السماعات من أذونها : هلااا مامـــــــــــــي

أم مشاري: هلاااا بـ العروووس

جنان بغباء: عروووس شدخـــــل

أم مشاري وهي تقعد يمها: والله في من طالب يدج منا وأنا و أبوج موافقيــــــن .. بصراحــه هو خوش ريال وينشد الظهر فيه .. ومكون نفسه ..

جنان : منووو

أم مشاري وهي تبتسم: حمدان ولد خالج أبو سعد

.. حست بـ فرح وخجل .. جنان وهي مستحية: .................

أم مشاري: هههههههههه فكري يا بنيتي واستخيري

هزت جنان راسها: إن شاء الله يما

.. طلعت أم مشاري و جنان مستـــــــانســـــــة إلااا طاااايرة

-----------------------------------------------------------------------

.. بعد اسبوعيـــــــــن ..

.. سلطان وشوق .. كل يوم يكلمون بعضهم .. وسلطان فعلاً ترك المغازل .. وصار بس يتغزل بـ شوق .. وشوق فرحانه بـ سلطان .. و هو ينتظر على نار تخلص السنتيـــن علشان يعرس ويعيش معاها تحت سقف واحد

.. سعد ورغد .. رغد ولدت ويابت ولد كيوووت .. سموه "عبودي" .. وسعد طاير فيه ومستانس إنه صار أبو .. و يفكر أيب أخوه له .. بس رغد قالت بعد ما يكبر ذيك الساعة ^^

.. هنادي ومصعب .. هنادي شاكة إنها حامل .. ويوم راحت المستشفى وكشفت .. طلعت مو حامل .. وحزنت .. بس مصعب قال لها لااا تزعلين عمرج جدامنا عمر طويــــــل .. وبعدين تو النااااس علينا خل نستانس بحياتنا


.. حمدان وجنان .. جنان ردت الموافقة .. وحمدان طار من الفرح .. وقرروا يسون عرس طوالي لأنه حمدان مستعيل هع .. و حددوا موعد العرس بعد شهــــــــر

.. نورة وحمد .. قرروا يسون عرسهم مع حمدان .. وهم عاايشــــــن فترة خطوبـــــــة ما في أحلـــــى منها

.. مرام وجاسم .. بعد ما قرر حمدان وحمد .. أبو مصعب و أبو مشاري قنعهم يسون معاهم .. ومرام وجاسم مو حابين هالشي بس مجبورين .. وطبعاً حياتهم مثل ماهي ولااا كأنهم متزوجين .. وعلشان ما يكشفون روحهم .. قرروا إذا صار العرس يسكنون في شقة

-----------------------------------------------------------------------

.. بعد شهـــــــــــــــــــر .. يوم العــــــــــــــرس


كل العائلة وصلت وبعدها على الساعة 9 وصلوا كل المعزيم تقريبا ..

كانت الصالة صاخبة من صوت الدي جي والبنات رقص و وناسة ..

وطبعاً محد بينزف غير >جنـــــــــــــان< .. والباقي بس بيتصورون وبروحون على الفندق

-----------------------------------------------------------------------

في مجلس الرياييل (في نفس الوقت)

حمدان .. حمد .. طايريــــــــــــن من الفرح والوناسة .. ما عدا جاسم إلي عادي عنده الوضع

سلطان وهو يبتسم: إي شوراكم كلكم بتعرسون

حمد: والله محد قال لك تأجل زواجك لـ سنتين

سلطان: والله إنت مخلص وتشتغل .. وأنا بعد أبي أخلص وأشتغل وذيك الساعة يصير خيـــــــر

حمدان: عيل لااا تحسدنا

الكل: ههههههههههههههههههه

-----------------------------------------------------------------------

(في نفس الوقت)

في الصالة الكل مستانس الي يرقص والي يتصور والي قاعد يسولف وانوااع الازعااج من الاغاني ..

في الغرفة قاعدة مع أختها وتحس بالرتباك وتوتر يخالطة الفرح

هنادي وهي تبتسم: جنان

جنان وهي تطالع أختها : هاا

هنادي وهي تمسك يد جنان: لااا تقولين هاا قولي نعم .. ههههه تذكرين يوم زواجي كنتي تتمنين من قلب العرس هذا إنتي اليوم عرسج .. وحمدان أبصم لج بالعشر رااح يستخف عليج .. طالعه تهبليـــــن

ابتسمت جنان بخجل: تتوقعين

هنادي وهي تغمز: الا متأكدة .. ترى قاعدة أرفع معنوياتج لأنج رفعتي معنوياتي يوم عرسي

جنان وهي تضم هنادي: صج رفعتي معنوياتي

هنادي وهي تبعد جنان عنها: هههههههههه

جنان وهي تضحك بنعومة: هههههههه

-----------------------------------------------------------------------

أما عند نورة .. فـ هي بعد مرتبكـــة وخايفة .. وطول الوقت مغمضة عيونها وتقرأ المعوذات

دخلت عليها أمها وحاولت تهديها و تنصحها إلخ ..............

-----------------------------------------------------------------------

أما مرام .. حدها ريلاااكس ولا كأنه اليوم ليلة دخلتها ..

قاعده تلعب في باقة الورد مالتها .. دخلت عليها صديقتها .. دلااال <<أخت سالم

دلااال : مبروووووك

مرام ببتسامه باهته: الله يبارك فيج

دلااال : الفال لي إن شااء الله

مرام: ههههه إن شااء الله

دلااال: شخبار نفسيتج .. واضح عليج حدج ريلاااكس

هزت مرام راسها: إي بس ترى ظاهرياً
ً
دلاال : هههههه الله يعينج .. إلااا بسألج

مرام: آمري

دلاال: بتروحيــن شهر عسل

مرام: أكيــــد

دلااال : عاااد ياريت تحظرين اول بعدين تسافرين

مرام بستغراب: شنوو

دلااال: أخوي سالم .. زواجه بكره .. وإنتي معزومه اتمنى أشوفج بكره

.. حست كأنه ماي بارد إنسكب عليها ..

مرام وهي ماسكه صيحتها: مبرووووك .. أنا آســـــــــفة بس ما اقدر بكرة من الصبح بسافر ..

دلااال: حسافـــــــــــــه .. بس يلاااا المهم إنتي تروحيــن وترجعيــن بالسلااامه .. يلااا قلبي أنا الحين بمشي .. خبرج علي قعده من الصبح وشغل و تحضيرات حق عرس سلوم

مرام وهي تهز راسها: أي معذووورة

.. طلعت دلااال تاركــه مرام متحطمة وحزيـــــــــــنة ..

-----------------------------------------------------------------------


في الصالة عند الرياييل ..

الكل يبارك لـ حمدان والفرح والسعادة مو واسعة أبو سعد وأبو مشاري ..

أبو سعد وهو مستانس: ألف مبرووك يا ولدي

حمدان وهو شاق الحلج: الله يبارك فيك ويطول بعمرك

أبو مشاري و الفرحة مو واسعته: ألف مبروك والله يتمم عليكم بخير

الكل: آمين

أبوسعد وهو يكلم سعد: اتصل على امك وخبرها انه حمدان راح يدخل

سعد وهو يهز راسه : ان شاء الله يبا

-----------------------------------------------------------------------

في الصالة ..

توها مسكرة من سعد والابتسامة على شفاتها .. راحت للغرفة ولقت جنان و أم مشاري موجودة معاها ..

ام سعد وهي تبارك لـ جنان: ألف ألف مبرووك والله يسعدج مع ولدي

أم مشاري وهي تبتسم: آمين

أم سعد وهي تطالع جنان المنحرجة: ترى راح يدخل الحين

جنان وهي ترفع راسها :الحيـــن

أم سعد وهي تبتسم: اي يما الحين بيدخل

قطع عليهم صوت طق الباب .. أم مشاري : منو

من ورى الباب .. حمدان: أنا حمدان

أم مشاري : ادخل حياك

دخل حمدان وسلم على أمه و عمته وباركو له وبعدين طلعوا علشان يخلونهم بروحهم ..

منزله راسها ومستحية وفي نفس الوقت مستانسة إلااا طايرة من الفرح ..

تجدم لين عندها وهو فرحـــــــان مو مصدق إنه هالملاااك صارت حلاااله ..

حمدان : مبروك

جنان يالله ينسمع صوتها: الله يبارك فيك

حمدان وهو يقعد يمها و يحاوطها من خصرها: مو مصدق أنا بحلم ولـه حقيقه معقوله إنتي الحين زوجتي

جنان بخجل من لمسته : اي

حمدان وهو يقربها أكثر منه .. طيب أشوف عيونج .. نفس آخر مرة حلوة وله صارت أحلــــــى

رفعت جنان عيونها له .. وهو على طول بدون تفكير باس عيونها بكل رقه ..

حمدان: أحلـــــــــــــى

احمرت خدود جنان إلي ما توقعت إنه جريء ..
وصارت ترتجف من قربه لها ..

حمدان بصوت هامس عند اذونها: أحبـــــــج موووووووت يا بنت .. خليتيني مجنون بـ وحده مجنونه هههههههه

جنان نزلت راسها وهي مستحية ومو عارفة شتقول وشتسوي
.. لكن في صوت قطع عليهم وهو دخول أم مشاري ...

أم مشاري وهي مستانسة لبنتها و حمدان : يلااا الحين وقت الزفة

قام حمدان وأم مشاري ساعدت جنان بفستانها ..

أم مشاري وهي تطلع من الغرفة: برووح اقول لهم انك راح تدخل الحين

طلعت أم مشاري وتاركة وراها جنان وهي منزله راسها ومستحية وحمدان الي كان فرحـــان وماسك يدها ..

اول مالمست يده حست برتباك وخجل ومازالت منزله راسها مو قادرة ترفعه وتطيح عيونها على عيونه ..

مشت معاه وهي تحس بفرح يخالطة التوتر من قربه ..

بس هو كان احسن من حالها ماسك يدها وهو فرحــان من قربها والأكثر من جذي انه راح يعيش معاها تحت سقف واحد .. ما يفصل بينهم أي مسافات

----------------------------------------------------------------------


في الصاله كل الحريم والبنات لبسوا العبايه والشيله والي متنقبه تتنقبت ..

بعد دقايق انطفت الاضواء وفجأه اشتغلت الإضاءه على باب الصاله ونفتح الباب في دخول المعاريس

نزلو من الدري على أغنية هب السعد

~~~~~~~~~~~

هب السعد هبايبه لرياحي
ويا شاريه لعباد وين صلاحي

ويا زينه ياعلج و السعد ذبالي
وهبوبي حيج من وليج يلعالي


هب السعد هبايبه لرياحي
ويا شاريه لعباد وين صلاحي

وشبهت الزينه و الصبا حين لين دنه
ولا القمر و اربعه واثناني

هب السعد هبايبه لرياحي
ويا شاريه لعباد وين صلاحي

يا مهرة (ن) عند الايواد
ربوها بيت (ن ) رفيع ومركز(ن) عالي
هب السعد هبايبه لرياحي
ويا شاريه لعباد وين صلاحي

حظي على اخوانج يا الزينه جمله
عوضتهم بالواحدين واحداني

هب السعد هبايبه لرياحي
ويا شاريه لعباد وين صلاحي

وشبه قرتها هوى لسهيل باجج
قطنن يديد الماهو الميزاني

~~~~~~~~~~~

وصلوا جنان وحمدان للكوشه الي كانت خيال حلوه بشكل وكانت ام العروس والمعرس يحذفون عليهم مشموم و ورد الياسمين

بعدها قامو يباركون لهم ويصورون معاهم و جنان تحس بحراج بقرب حمدان وخصوصاً إنه عاجبه الوضع لما المصورة تطلب حركات جريئة

بعدها دخل أبو سعد و أبو مشاري و مشاري و جاسم ..

بعد ما تصورو مع المعرس والعروس ولبس حمدان جنان الشبكة إلي كانت روووعة

طلعوا أبو سعد وأبو مشاري ومشاري وراحوا صالة الرياييل ..

بعدها طلع حمدان وجنان وراحوا الفندق

-----------------------------------------------------------------------

بعدها صور حمد مع نورة .. و بعد ما خلصوا تصوين طلعوا وتوجهوا على الفندق

.. ومرام نفس الوضع مع جاسم .. بس أول ما خلصوا على طول راحوا لـ شقتهم

.. وطبعاً البقية مستمتعيـــــــــن بيومهم ^^

-----------------------------------------------------------------------

في الفندق .. عند حمدان وجنان ..

أول ما فتح الباب .. حمدان وهو يبتسم: حياج دخلي بريولج اليميـــــــن

.. دخلت جنان وهي حدها ترتجف ومستحية .. حمدان وهو يجوفها شلون تمشي ببطئ ..

وكان واضح عليها الارتباك .. على طول حملها وهو يضحك ..

حمدان: ريلاااااااااااااكس عمررري

جنان وهي ترتجف أكثر من بين يدينه: حمــ.ـ.ـدان .. نزلــ..ـنــ.ـي

حمدان وهو يتوجه فيها لـ غرفة النوم .. وينزلها على السرير بخفه .. ويفضح البشت ويقعد يمها

حمدان وهو يشبك أصابع يده مع يدها .. وبعدها يرفع يدها ويبوسها ويبوس كل صبع .. وهي قلبها يرتجف رجف

حمدان وهو يبتسم: تدريــــــــــن للحين مو مصدق إنج زوجتـــــــي

جنان وهي تبتسم بخجل: ........................

حمدان وهو يبي يعصبها شوي علشان تنسى الإحراج: والله إنه الدنيا غريبة .. يعني من أول ما جفتك كنت أقول أعوذ بالله من هالبنت الله يعين إلي بياخذها

جنان وهي ترفع حاجب و نست كل الإحراج والخجل: وي عشتوا .. والله مدام مو عاجبتك ليش تتزوجني

حمدان: ههههههههههه فديتج يا قلبي إنتي ههههههههههه

جنان وهي تلف عنه: خلاااص فرااج .. زعلت

حمدان وهو يحاوطها من خصرها ويقربها منه .. لدرجه خشومهم تلاامس بعض : أفااا أنا تزعليــــن مني

جنان إنقلبت حمرررررررررره من الإحراج:..........................

ابتسم حمدان: تدرين تصيرين أحلى إذا خدودج حمررر

قرب منها أكثر وصار ينشر بوساته في كل مكان .. عيونها .. خدها .. جبهتها .. ارقبتها .. شفايفها .. وووو ...............................*_^

-----------------------------------------------------------------------

أما عند حمد ونورة .. كانت نورة في الحمام (إنتوا والكرامة) تاخذ لها شور .. وحمد ينتظر العشى في الصالة

طلعت من الحمام ولبست لها لبس نوم أحمر لين فوق الفخذ .. ولبست فوقه روب و ربطته عدل ..

استشورت شعرها .. وحطت مكياج ناعم .. وتعطرت ..
يات تبي تطلع بس وقفت عند الباب وهي مستحيه ومتردده .. في النهايــة طلعت .. جافتها قاعد على الكنبة ..

.. رفع راسه جافها .. قام وهو يتأملها .. لدرجه فهه فيها .. قرب لها .. إلاا الرسبشن طاقين الباب

راح فتحاه .. ودخل العشى .. قعدوا يتعشون .. و نورة تاكل شوي شوي .. وحمد سنه لين يهضم الأكل .. لأنه طول الوقت سرحان بـ نورة ..

قام حمد و غسل و دخل الغرفة .. قامت نورة وغسلت هي الثانية .. ولحقته ..

أول ما دخلت الغرفة .. حاوطها حمد من خصرها وطفه النور و ....................................... *_^

---------------------------------------------------------------------

أما عند مرام وجاسم .. أول ما دخلت مرام الشقة على طول قعدت تصيح .. وجاسم استغرب من صياحها

.. جاسم وهو يقعد يمها : مروووم شفيج

مرام:............................

جاسم وهو يمسكها من يدها و يرفع راسها: شفيـــج

مرام وبصوت مملوء بالشهاق: سـ..ـالــ.ـم

جاسم بصدمة: شفــــــيه

مرام: بكره ... زواجه (و دخلت بنوة صياح)

قربها جاسم منه .. وصار يمسح على راسهاا ويهديها ..

جاسم: يا مرووم لااا تصيحين .. خلاااص هذا الشي متوقع .. وبعدين هذا أنا حبي لـ سارة دام فترة أكبر من الفترة إلي حبيتي فيها سالم .. وهذا هي متزوجه .. ويمكن سعيده مع ريلها ونستني ... تمني له السعاده في زواجه إذا كنتي فعلااً تحبينه

.. مرام وهي تمسح دموعها: والله أتمنى له السعادة .. بس ............

سكت جاسم لأنه متفهم حالتها لأنه مرة عليه نفس الحاله

-----------------------------------------------------------------------

اليوم الثاني .. سافروا حمد ونورة .. وجنان وحمدان .. و مرام وجاسم لـ شهــــر العسل ..

و كانت من أحلـــــى الشهور إلي مرت عليهم .. حتى على جاسم و مرام .. إلي عاشوو طول الشهر بسعاده

بعد شهر رجعوا أبطال روايتي من العسل .. لـ عسل ثاني بس في ديرتهم وسط أهلهم ..

وكل واحد منهم تغيرت حياته وكثرت مسؤلياته .. ما عدا حياة مرام وجاسم مثل ما هي .. لدرجه الكل بدى يشك بعلااقتهم ..

-----------------------------------------------------------------------

في الإمارات .. في شركة الـ......... (الساعة 12 الظهر)

أبو مي وهو يطلع على أوراق الصفقة .. أنصدم .. يقرى وهو مو مستوعب
.. دخل عليه السكرتير وهو خايف: يا طويل العمر

أبو مي بعصبيه: أتصل على أبو عبيد الكلــــــــب وخله أيي الشركة .. بسررعه

السكرتير : إن شاء الله

.. طلع السكرتير .. وبعد دقايق رجع .. : يا طويل العمررر

أبو مي : هاا بشرررر

السكرتير: أتصلت .. ردت علي السكرتيرة وقالت لي إنه مسافر من شهر .. والشركة باعها لـ رجل أعمال سعودي

وقف أبو مي بصدمه .. حس إنه عنده ضيق في التنفس .. فتح أزرت ثوبه ..

أبو مي في نفسه "معقولـــــــــــة قص علي .. معقولــــــــــة فلست .. والكلب سرق بيزاتي و شرد"

مشى أبو مي بسرعه وهو يطلع من الشركة .. يلحق على البنك .. إنه ما يحول البيزات ..

.. ركب السيارة وهو يسوق بأسرع ما عنده .. وهو يحس الدنيا كلها بدت تدور فيه .. وما حس بالشاحنة إلي طلعت له

و ................................... << سوه حادث رهيب

-----------------------------------------------------------------------

بــــــــــعد مرور سنــــــــتـــــــــــيـــــــــــن ****


في عرس .. سلطان و شوق ..

في الصالة الكل مستانس الي يرقص والي يتصور والي قاعد يسولف وانوااع الازعااج من الاغاني ..

جنان سمعت أغنية مصرية .. على طول فزت تبي ترقص ..

بس أم مشاري ما خلتها : شفيج يما مينونه ترقصين وإنتي حامـــل

جنان وهي تبوز: أوووف يما والله ودي أرقص .. ما صارت

أم مشاري : تبين ترقصين .. أرقصي بس ما بجوفين إلاا وحمدان داخل

جنان: أوووف كل كلمة والثانية عايرتيني

أم مشاري: ههههههههههه لأنج ما تمشين إلااا بجذي

.. أم سعد: شفيكم

أم مشاري : هذي تبي ترقص

أم سعد: هههههههههه ليش يات على جنان بس .. حتى بنتج هنادي أوكهيا جوفيها فوق المسرح ترقص

أم مشاري: وه هذي المينونه .. ناويه على إلي في بطنها ولااا في شهرها بعد

أم مصعب: ههههههههههههه محد ماخذ راحته غير بنتي مروووم .. الكل حمل هههههههههههه

أم خليل: إي بس خليها تروح تفحص .. معقوله سنتين وما حملت

أم مصعب : على قولتها تبي تستانس بشبابها توها صغيرة وهي صاجه

.. أعلنوا دخول المعرس والعروس وقت زفتهم ..

الي متحجب تحجب وإلي متغطيه تغشت .. دخل سلطان و شوق وانزفوا على قصيده

###
صلوا على محمد ريــــح العطــــر والعــــــــود
من ليلة مايقدر يعيد الكـــون هدبــــــها
هـــذه الليلـــــة انـــــــــور نورهـــــــــــــــــــا زود
والسمـــاء نجومها اضوت في ذهبــها
كيف ماتضوي والكل حــــاضر وموجــــــــود
بشـــــوق المحبة نلتقي من سعــــــدها
عروسنا العروسة ياكل الحسن فيها موجود
يغـــــار منهــــا البدر من طلة هدبــــــها
عروسنا العروسة يابنت الاصل يابنت الجود
فيــــك القصـــــــــايد ماتوفي سببـــــها
عريسنا العريس ياكل الشهـــــامة بــــــلا زود
ولد الرجــــــــــال والمكـــــــارم هو اهلها
واللـــــه يجعـــل ايامكــــــم حـــــــب وورود
وسعادة يحكي بها الكون ويعجب بها
###

بعد ما انزفوا تصوروا و صوروا معاهم الاهل .. بعدها طلعوا على طول للفندق

بعد ما انزفوا تصوروا و صوروا معاهم الاهل .. بعدها طلعوا على طول للفندق

.. نورة وهي تكلم حمد: أي تعاالي حدي تعبانة مو قادرة

حمد: طيب حياتي الحين باي آخذج وروح المستشفى

نورة: طيب

-----------------------------------------------------------------------

بعد نص ساعة خذ حمد نورة و ودها المستشفى .. وكلها 3 ساعات إلااا يبشرونه بخبر حمل نورة للمرة الثانية .. أي ما قلت لكم .. حملت من قبل ويابت بنت وسمتها "أريام" .. وهذي حملها الثاني

-----------------------------------------------------------------------

بعد ما خلص العرس .. الكل رجع لـ بيته .. في شقة جاسم ومرام

.. مرام بتردد: اليوم الكل قعد يطالع فيني ويقول لي لااازم أروح المستشفى .. علشان أكشف

جاسم: .............................

مرام وهي ترفع حاجب:أكلمك

جاسم: مو بس إنتي حتى أنا .. أحس إنه علااقتنا جي راح تنكشف

مرام: والحل

طالعها جاسم : الحل .. إنه نعيش مثل أي زوجيـن

مرام بصدمة: شلون ؟؟

جاسم: اتكلم هندي أنا .. أقول لج نعيش مثل أي زوجيــن .. يعني لين متى راح نظل جي

مرام: بس .. إحنى خوان

جاسم وهو يقرب من مرام: لااا مو أخوان .. أنا ولد عمتج .. وإنتي بنت خالي .. وزوجتي .. مافيه شي أسمه خوان

مرام: ...........................

قرب جاسم لين صار ملااصق فيها : مرام

رفعت مرام عيونها وصارت تناظر بعيونه: أنت تتكلم جد

هز جاسم راسه: إي وجد الجد بعد

.. مرام: ..........................

حمل جاسم مرام وتوجه لغرفته النوم .. نزلها على السرير .. مرام لأول مرة ترتجف مثل هالرجفة

.. مرام: أنا ما أقدر أمنعك .. بس على الأقل أجل هالشي لوقت ثاني

. جاسم : مو كفاية أجلناه لـ سنتيـــــــن .. مرام إنتي ما حسيتي بشي .. طول هالفترة تجاهي

.. مرام:............................

جاسم وهو يقرب لها: أنا إي حسيت .. بس كنت ساكت علشانج

مرام: أنا بعد .. بس .............

جاسم وهو يبتسم: مرومه خل نبتدي صفحة يديده

مرام هزت راسها وهي مو مستوعبة ولااا شي:.....................

جاسم وهو يقرب منها أكثر ووو ...................................... *_^

-----------------------------------------------------------------------

(( نورة وحمد .. صار عندهم بنت .. و مولود جديد راح يقتحم حياتهم .. وهم طايرين من الفرح))

((حنان وحمدان.. عايشين حاة ولااا أروووع .. وينتظرون مولود .. إلي راح يغير حياتهم 180 درجه))

((مصعب وهنادي .. من كثر ما هنادي تتطنز على مشاري وهيام بطيور الحب .. صارت هي ومصعب طيور الحب .. ومصعب مستاانس إنه رااح يصير أبوووو .. بعد كم من يوووم))

((مشاري وهيام .. يابو أخت حق الجوري وسموها "انجود" .. والحين ينتظرون مولود وهي في الشهر السادس .. وطبعاًً حياتهم ما في أحلى منها^^))

((مرام وجاسم .. بدوا يعيشون حياه زوجية .. وطبعاً طول السنتين حبوه بعض .. بس من دون محد منهم يعترف للثاني .. ^^))

((سلطان وشوق .. سافروا لـ شهر العسل .. وهم عايشين أحلـــــى عسل ^^))

((مي ونايف .. مي يابت توم بنتين "ضي وفي" .. وهم عايشين بسعاده .. وزادت سعادتهم بثمرت حبهم ^^))

((أما بو مي .. في هذي الفترة صاحى من الغيبوبة .. وأكتشف إنه إريوله مبتورة .. وعاش بنفسية تعبانة .. والأكثر وإلي زاده .. إنه خسر كل فلوسه .. بمعنى صار مفلس .. و إنتهى فيه لحبه لماله أكثر .. بـ جنون ))

-----------------------------------------------------------------------

في سيارة حمد .. عند المطعم

حمد يلف لجهت نورة إلي في حظنها أريام .. ويشلها .. حمد: يا الله عمري نزلي

نزلت نورة و صارت تمشي مع حمد متوجهين لي داخل المطعم

فتح حمد الباب ودخلت نورة .. و في دخلته .. وقفته وحده .. كانت لااا بسة عباية ... متروسه غبار ومشققه من تحت .. ومبين عليها وحده فقيرة مسكينة .. و واضح عليها إنها صغيرة في السن يعني عمرها ما يتجاوز 25 سنه

البنت: عطونا من مال الله .. الله يعطيكم ويزيد من حسنات ميزانكم


حمد وهو يطالعها مستغرب .. و يحس هالصوت مو غريب عليه .. طلع بوكه من جيبه ويطلع بيزات ..

مد يده علشان يعطيها .. بس شكلها شده .. صار يطالع فيها بستغراب ..

كأنه هالملااامح مو غريبة عليه .. كانت البنت تطالعه وكأنها هي بعد تعرفه ..

قطع عليه سرحانه صوت نورة إلي مسكت يده : يلااا حمووودي

حمد وهو يمشي مع نورة .. ونسى وجود النت : يلااا عمري

دخلوا .. المطعم .. والبنت واقفه تطالع فيهم .. وتطالع بالبيزات إلي عطاها إياها حمد ..

إبتسمت بحزن وسخرية .. : يا خسارة .. جوفي من كنتي تبين تدمرينهم .. هــــه .. إنقلبت عليج يا خلوود .. وتدمرتي

-----------------------------------------------------------------------

النــــــــــــــــــــــــــهــــــــــــــــــــ ــــــــــــــــــــايــــــــــــــــــة






تمت بإذن الله تعاالى في اليوم الأحد من تاريخ : 10 – 1 – 2010

ومع تحياتي الحارة .. للجميع .. أتمنى عجبتكم النهاية .. كنت حابة أسوي النهاية أحلى بس لأنه ظرووفي ما سمحت لي .. و علشان أنتوا كنتوا تبون النهاية بسررعة .. فحاولت بكل جهدي أعطي كل شخصية بروايتي حقها


على العموم .. وفي الختام .. السمووحه إذا كانت في الرواية أخطاء إملااائية .. أو أساليب مو حلوة ولااا لاابقة .. و أيضا إذا أخطيت على أحد .. فالسموووحه


ومع تحياتي .. فتون قلبي

الحقوق محفوظة بإسمي (*_^)