|
#1
November 12, 2014, 01:51 PM
|
||
|
|
||
|
افكار لحفلات الاطفال العائلية في البيت
افكار لحفلات الاطفال العائلية في البيت أفكار تناسب لجميع الحفلات المنزليه والزواجات العائليه وكل المناسبات لأن الفكره وحده والأهم من هذا كله هو لتشجيع المواهب والحد من هالأسراف الحاصل واستغلال المحلات الخاصه بتجهيز الحفلات ولحبي الشديد لهالمهنه وخبرتي فيها حبيت افيد الجميع واتمنى لكم الفائده وراح اتطرق لكل جزء من التنسيقات من وحي افكاري الخاصه مع استغلال كل مالدينا وتوضيفه في التنسيق من خلال خبراتي وراح ادلكم على الأماكن الرخيصه (أسواق الجمله) اللى بتشوفون فيها العجب وبمعنى أخر راح ننسق بيت متكامل لحفلة زواج منزليه تابعوني ومانبي منكم الا الدعاء وقبل مأادخل بتفاصيل التنسيق والأفكار راح اقول لكم على امرين مهمين الأول ان الأفكار بهالموضوع راح تخدم كل الحالات المستعصيه واقصد هالمناسبات اللى صارت كثر التراب وقضت على الخضر واليابس,, يعني زواج منزلي,, أو ملكه بالبيت ,,أو خطوبه,, أو مناسبات العائلهوراح يشوفون ابدعاتك واحتمال يخلونك تنسقين حفلاتهم يعني توضفين الفكره حسب مناسبتك الأمر الثاني هالنصيحه اللى هي أساس الموضوع روحي دوري لك مكان فاضي بأحد غرف اليت بالسطح او بالبدروم او باي غرفه وخصصي فيها دولاب كبير تبينه خشب او بلاستك او او اللى تقدرين عليه واذا عند كدواليب قديمه تنفع تستغنين عنها لتجميع هالأشياء اللى راح اقول لك عليها بتقولين ليش!! وأقول لك ليش!! فرضآ صار عندك مناسبه بالبيت وتبين فازات وورد وتزيين راح يكون مكلف ولو حسبتيها لو شريتي بعض من هالأغراض وخليتيها عندك راح تخدمك مدى العمر بينما بذاك اليوم تدفعين اضعاف مضاعفه وتروح الفلوس ،حكمي عقلك وافهمي معي زين هلحين هالفازات منتشره وبرخص التراب وبكل مكان لو اخذتي احجام منوعه مثلآ من الأحجام الصغيره وهي كم حبه والأحجام الكبيره مثلآ عدد اربع حبات وراح اعلمك وش تسوين فيها بعدين ثانيآ راح تلاقين عندك بالبيت اشياء غير مستهلكه وتشوفينها وتعجبك وماتدرين وش تسوين فيها..ضفيها على جنب وانقليها معنا لغرفة الشغل ثالثآ الكريستال والخرز واشجار اللولو الصغينونات هاذي تسوين فيها حركات خطيره لاحظواهنا عندك بعد الورود الطبيعيه احيانآ تكون عندكم مناسبه حاولى تجمعين الورد كله وتحطينه بغرفه مظلمه بعد ماتفككينه عن بعضه وبعد ماينشف احفظيه بعلبه كرتونيه وضفييه على جنب مع الأغراض اللى بننقلها للغرفه اغصان الأشجار الخريفيه وهاذي لب الموضوع ،والله اني وانا امشي بالشارع واشوف هالأشجار احيانآ مرميه بهالأرض ينتظرون البلديه تاخذها وهي مو بالبلديه اللى ياخذونها يبيعونها والله العالم على محلات تزيين الهدايا والحفلات رحت للسويلم وهو معروف برخصهلقيت شجرة اغصان وطارت عيوني واتخيلهم وهم يجمعونه من هالشوراعوانقهرت وقلت والله مااتريها وانا عارفه كيف اسويها وببلاش يعني اذا عندكم استراحه او مزرعه او شفتوا شجره يابسه ميته مرميه بهالارض لا تفوتكم تراها كنز اي غصن ينفعنا لأن الأغصان صايرهموضه وراح اقول لكم فيها أفكار روعه وعندكم الريش الريش شي خطيرر مااشوف له ديكورات منتشره والريش هذامتوفر بكل مكان وأكثر شي عند محلات الكلف وادوات الخياطه لكن عندك بالسويلم محلات تبيعه الجمله تطلع الوحده تقريبآ 13 ريال وبالحبه 14 ريال يعني لو تاخذين لو نين درزن كامل وتضفينه مع عفشنا اللى بالغرفه ياسلام بأسوي فيه حركات شي وانا عندي افكار وحركات وسويتها عندي بالبيت بس الكاميره اللي يصلح حالها قولو امين وللاحتياط لو ماعندك أقمشه يعني مو براعية تجميع اقول لكالساتان الحريري متره بخمسه او عشره ولو بتشرين لفه كامله بتكلف يمكن ب3 ريال للمترتصير اللفه كامله يمكن بأربعين ريال او بخمسين وتلاقينها عند السويلم بشارع الخزان اذكر محل كبير يبيع جمله شي روووعه شوفوه هنا بخلفية الصور شلون متموج الساتان هذا سويت فيه طاولة السفره بحركة البوفيه طلع رووعه وراح يجي تفصيل كل شي وفيه ايضآ أقمشة المخمل والقطيفه هاذي اذا تبين حفلات ملكيه وبسعر رخيص لا تفوتك افكاري فيما بعد,,,وشعارنا (لا للأسراف) اقمشة الأورجنزا تخدم كثير بعد شوفوا هنا وراح تنفعنا الشالات بلفها حول الفازات تعطي تأثير روعه وراح اقول لكم على شالات بالجمله اخذت من السويلم درزن 12 حبه بسعر 18 ريال فيها عدة الوان والسوق يبعونها بعشره للحبه او بخمسه حسب المحل وينه فيه من الأشياء اللى نحتاجها وتعطي لمسة بعد المرايا احرصي انك تجمعين كل اطار عندك مهما كان صغير وللمرايا خيال واسع عندي وافكار سويتها فيها جدآ رائـــعة وترا مرايا البيت المعلقه تقدرين تستغلينها وراح اذكرها بالأفكار الخاصه بالمرايا لاحقآ وهناك المناظر القديمه او الموجوده عندك من هدايا او غيره لما سبق ذكره هناك خامات كثيره راح تكتشفونها بانفسكم مخرنه بهالدواليب اجمعوها وللغرفه على طول ايضآ نحتاج مثل الرمل الملون ,,اللماع الذهبي او الفضي ماادري وش اسمه مثل الرمل ويناسب لشموع الجل ولتعبئة الفازات,ووورق الكريشه الملون وهذا اللى بنلون فيه المويه |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| افكار لحفلات التخرج النجاح من الجامعه في المدارس في البيت | Yaqot | المواضيع العامه | 0 | October 9, 2014 02:27 PM |
| أجدد افكار لغرف لعب الاطفال , اجمل افكار لغرف لعب الاطفال | Yaqot | الفنون الجميله | 0 | December 17, 2013 01:34 PM |
| أجدد افكار لتزيين البيت , أحلي وأجمل افكار لتزيين البيت | Yaqot | الفنون الجميله | 0 | December 14, 2013 06:12 PM |
العرض العادي
