فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم October 23, 2014, 02:47 PM
 
اشعار عن الاب و الام قصيرة جديدة روعه

اشعار عن الاب و الام قصيرة جديدة روعه
أي والله أحـبهـا والعـمـر يـفـداهـا
تامر على راسـي وتامـر على دمـّي
الـجنـه الله خـلقهـا تـحـت ماطـاهـا
هذي هي أمي عساني فدوُةٍ لـ أمي

:

أمي .. غلا الدنيا ولو فيه غالين
يالله عساني بالعمـر ماآعدمْها

ماقد حنيـت الهامـه إلاّ لـ ثنتيـن
عند السجود وعند بوسة قدمها"



:

انا احبك وحبك شي من ديني
وانتي اكثر انسان من لحمي ومن دمي!
يمة بليا حيا والله وحشتيني
ويالعنبو لايمي في حب حضن امي!


:



*قصيدة عن الأم من حامد زيد ..

قصيدتي زاد بعيوني جمالها وأخذت أنقِّي بالمعاني جزالها
وأكتب معانيها من الشوق والغلا لأمي وأنا اصغر شاعرٍ من عيالها
كتبتها في غربتي يوم رحلتي لما طرالي بالسفر ماطرالها
أمي وأنا بوصف لها زود حبها وإن ماحكيت لها قصيدي حكالها
أمي لها بالجوف والقلب منزلة مكانةٍ ما كل محبوب نالها
أقرِّب من ظلالي وأنا وسط غربتي وأنا تراي أقرب لها من ظلالها

ماشافت عيوني من الناس غيرها ولا خلق رب الخلايق مثالها
أغلى بشر في جملة الناس كلهم وأكرم من يدين المزون وهمالها
أتبع رضاها وأرتجي زود قربها واللي طلبته من حياتي وصالها
الصدق مرساها والأشواق بحرها والعطف وإحساس الغلا رأس مالها
أهيم فيها وأبتسم يوم قلبها يسأل وأنا قلبي يجاوب سؤالها
وإن إطلبتني شي فزِّيت مندفع أموت أنا وأحمل تعبها بدالها
وأصبر على الدنيا والأحزان والتعب وأحمل على متني فطاحل جبالها



لـ قلبي ولساني | دعـاء مايمّلون منه
ليت ليت ليت .. يستجيبه منهم ربي..

ياربّ : أمي تكون من سيدات الجنه
وأبوي مع زمــــرة أصـحاب النبي..



:

أمي وتظهر من يديني عروقي
واردها وتصير نبضي ودمي
أول وأكبر ماعلىّ من حقوقي
أمي وثم امي و أمي وأمي

:

خشُوعها بالصلاة بخوف وبخلوة ،
دمُوعها صُوتها … ريحة عبايتها !

يَ رب … لاتردّها لا جاتك بدعوة ،
اغفر خطاها .. ووصّلها لـ غايتها !



:

يارب زِدني برّها قبل لا أموت.
اللي تشيل من الصغر كل همي.
حتى الرسول اللي له العلم مثبوت
ثلاث مراتٍٍ يوصي على أمي


:

*أمي وليفة خاطري نور عيني
حتى وهي قربي لها احنّ واشتاق

كل ماأضيق بهالزمن تحتويني
يااربّ تشرح صدرها كل ماضااق



:

انتي وطن ، يستحق اللي يضحي لك
انتي فديتك ، ( تحت رجلينك الجنه )

لو اقضي العمر يا ( يمه ) البي لك ��
ماجيت خيرك ولا ربعه ولا منه

:

من يشبهك! آنتي آظنك تشبهين
الطُهر وأحساس الكريم فـ مدته !

يمه وأنا مدري وش اقول بكلمتين
هاتي قدمك آبـي رضا الله وجنته

:

يَ جعل نغزات الوجع في عظامي
يَ احن مخلوقه و يَ اطهرهم !

عطيني الامك يَ يمه و نامي !
واوعدك بـ/ اضحك للوجع و اقهرهم



:


يمه وأنا أدري كل ماقلت يمه
تصغين في كل الأحاسيس يمي

في ذمتي لوتطلبي العمر ذمه
لقول لك ياقرة العين سمي


:


يا يمه يا اغلى من حياتي و ذاتي
لو راح عمري في رجاكي قليله

أقطف يا يمه من صفاتك صفاتي
كل طيب فيكي ودي اقطف مثيله

:


يمه ولو نصفي من العمر قد ضاع
على كثر مافات ماينفع الصوت

لو العمر يمه يديّن وينباع ..!
لا ابيع لك عمري وانا اسدد الموت

:

حبها مذخور لعيالي ؛ وراثه
لو بغت قلبي وروحي قلت سمي

ما عشقت مّن النساء ألا ثلاثه
أعشق (( أمي ثُمَّ أمي ثُمَّ أمي ))
شعر قصير عن الأم والأب , أجمل ابيات الشعر عن الوالدين , شعر روعه عن الأم 2014, شعر روعه عن الأب
2014 , أجمل ابيات الشعر عن الأم , أروع ابيات عن الأب ,الأم , شعر رائع عن الأب 2014 , اشعار عن الاب والام , شعر أمي , شعر أبي , شعر قصير روعه 2014*


مافيه داعي لـ الحـزن والتوجاع
ولا شي دايم في حياة الزوالي

ابوي اغلى من وطت رجله القاع
خـلـيـتـه بـقـبرً وحـيـشً وخـالـي



:

ورب العيد ماله طعم هذا العيد
أشوف الحزن مخلف للفرح ظنّه

أمر المقبره .. وآقول بـ التحديد :
يبه : كل عآم وأعيآدك هي الجنّه

:

يبه مجرداسمك يزيدني فخر
وحنانك وطيبك جعلني اميره
وافعالك الي بالشدايد تسطر
تشهد عليهآ الارمله والفقيره

:

ماهي خساره طيبتي ف الرديين
محدن جبرني بالعطاء بس ودي

كن الكرم ديني وانا موفي الدين
هذي وصآة ابوي مَن بعد جدي

:

يابوي لا فترت اعظامك من الشيب
اخذ من اعظامي عظامٍ بديلات
صوتك وصوت امي كبار المكاسيب*
لا يابعد صوتي وبعد كل الأصوات


:
*
*يابوي انا خادمك وخدمتك نوماس
ورضاي لامن صرت راضي عليَ


لو العمر يهدا من الناس لـ الناس
عد ان عمري جاك مني هديه

؛

يابوي لو كثر البكاء يرجع الميت
لاقول ياعيني من الدمع جودي
عانيت من فرقاك جر التناهيت
جمر ن تقلقل منه صلف الكبودي


ابوي جعل الحزن ماهو ب يمك
وجعل الفرح دايم بدربك مخاويك
يابوي طيبك والله اكبر عيوبك
وانت الكرم والجود جعلي ماابكيك*

:

ماني بنت اممير ولا عندي : بنوك
ولا عندي قصر افتخر في وصوفہ

افتخر اذا قالوا العرب منهو ابوك
اقول ابوي اللي كريمہ .. كفوفہ

:


قصيدة عن الأب

الدار ما تنبني إلا على الساس *** و انت اساس الدار وانت ضواها

بتم أحب إيدك يا يبه والراس*** مهما كبرت ودارت الدنيا برحاها

دينك يبه في اعناقنا .. باقي ليوم الدين

حبك يبه في قلوبنا .. ما تبدله السنين

لولا الله ثم انت .. ما قط وصلنا اليوم

وياما تعبت انت .. وياما جفاك النوم

بديتنا عيالك .. حتى على نفسك

واتعبت أحوالك .. في يومك وأمسك

يا نهر فاض بحنانه .. وما بخل يوم علينا

غيمة وتظلل سمانا .. فيها عشنا وارتوينا

ما نسينا سجادتك .. وقت الصلاة تبلل دموعك بها من كثر الخشوع..

ما نسينا ننظرك وقت المساء .. نتحرّى جيتك وقت الرجوع ....



كلمة شكر يآبوي مآتوفي الشعور..
واحساسي صوبك يابعدي أكبر كثير..

مهما شكرتك لآزم أشعر بـ القصور*
بنتك يآبوي دآيم تشوفك كــــبير ...


غآلي يابوي وقلتها بقلبـ فخور*
يآ تآج أحطه فوق رآسي وين أسير ..


يآ إللي غلآك بـ قلبي بآني له قصور*
قلبي بلآدك و أنت يآبوي الأميـر


تتكحل عيوني و يغمرهآ السرور*
كل مآ أشوفك مبتسم قلبي يطير


( يآنور كل مآشفته زآد بـ وجهي نور*
مدآمك أنت بخير هالدنيا بخير )


و إن جيت ألف الكون ذآ كله و أدور*
بلقآك شي بـ هالزمن مآآآله نظير ..

يعني بـ إختصار إللي بـ قوله من شعور
بنتك يآ ضي عيونهآ تحبك كثيــــر ...



يابوي اكتب فيك مــن الشعرابيات ..... يحلى فيــــــك اجمل واحلى قصيده

عساك دايم مني قــريب المسافات ..... لاجلك تهون المسافه لوهي بعيده

لاغبت عني عسى ماطول الغيبات ..... ونشوفك كل يوم واعـــــوام مديده

دوم على البال ياعــــزيز الصفات ..... كل خطوه فيـــك صح ورايك سديده

غيبتك تزيـــد مــن الحـــب عبرات ..... وانتظر كل يـــوم منك اخبار جديده

غـــالي ابن غـــالي من غير لفات ..... الله يديمك على المحبه ايام سعيده

ارجــــوك لا تبتعد وتزيل كل زلات ..... عن الغالي الي احبه ويامر وازيده


علمتني يابوي معنى السعاده
وأهديتني من طيب قلبك قلاده
فيك الوفاء يلقى وطنه وبلاده
وأنت الوطن لـ عشت له رافع الراس
***********

*

يايبه ياتاج راسي يا عسى عمري فداك*
. ياغناتي والله انك لو تبي عيني تمون*

مابعد حب #امي *إلا حب #ابوي
وبعدهم اعشق تفاصيلي انا
ثم احب اختي واحب اكثر اخوي
يعني ماعندي حبيب ولا عنا

:

الوآلدين ( أثنين ) .. فيهم تشآبه
يهمّهم .. فرحي ، وحزني ، وهمّي

يآرب .. لو لي دعوةٍ ( مستجآبه )
ارضى علي وارضى عن ابوي وامي


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
سننادى باسم الاب ليس الام وائل ابو شاهين النصح و التوعيه 6 March 14, 2010 11:23 AM
ما يلبسه الاب والام امام اولادهم halaa امومة و طفولة 3 November 13, 2008 12:08 PM
الاب ايتها الام كيف تضاعفون محبة أبنائكم لبعضهم ؟! halaa امومة و طفولة 0 July 26, 2008 04:08 PM


الساعة الآن 02:26 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر