مبعـثراتي جـوري الـشـام :)

جوري الشام · #25 October 3, 2013, 10:15 AM

أخبريهم ياشام أنك ستبقين منبع اﻷمان رغم الزمان
أخبريهم ياشام أنك الهوى مهما كثرت اﻷحزان
أخبريهم ياشام أنك ميلاد الياسمين
وشغف الجوري ونسائم الفل والريحان
أخبريهم ياشام أنك شامة في قلب كل من عشق ترابك
وشرب مياهك واستنشق عطرك الفتان

جوري الشام · #26 October 8, 2013, 04:01 PM

عم يقولو العيد 4أيام..

عم يقولو أنو رح يمر على كل البلدان..

بس وقت يوصل ل"سوريا" رح يوقف ع الحدود..

رح يصفن مع حاله ويقول...
كيف بدي فوت ع بلد اﻷ‌طفال فيو مو ﻻ‌بسين أواعي العيد ؟!!

وﻻ‌قي بكل بيت فيه حزن ع شهيد ..

كيف بدي مر على شعب ماضل فيه حدا إﻻ‌ وخسر انسان غالي عليهن ..

ياترى فيني رجع البسمة اللي صرلها سنتين وشهور وايام ما ارتسمت ع شفاه حدا فيهن ..

كيف بدي ادخل ع شعب ربعه هاجر وربعه استشهد وربعه نازح والربع اللي ضل فيه.... كل يوم عم يموت الف موتة ..

وهيك ضل العيد واقف ع الحدود..
عم يفكر , كمل طريقي بدون ما مر ع سوريا !!؟ وﻻ‌ مر ؟؟ يمكن اقدر حسن الوضع شوي ..

طيب إذا بدي مر كيف بدي اقطع الحواجز بكل طريق !!
طيب ممكن تأذيني النار اللي عم تشتعل على جوانب كل طريق !!

وهيك ضل العيد محتار ..مع أنو قلبو عم يغلي متل النار ..
كيف كل البلدان رح تعيد ..إﻻ‌ سوريــــــــــــــــــــة عم تستشهد

جوري الشام · #27 October 21, 2013, 12:13 PM

ها قد مضى العيد
فما رأينا أنوار قاسيون مضاءة
ولا سمعنا مآذن الشام تكبر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مبعـثراتي جـوري الـشـام :)

كلام من القلب للقلب