|
كتب الكمبيوتر و الحاسب و الالكترونيات تحميل كتب في مجال الكومبيوتر و الحاسب الآلي و الالكترونيات |
|
LinkBack | أدوات الموضوع | انواع عرض الموضوع |
#1
|
||
|
||
التيار الكهربى الحقيقى
بسم الله الرحمن الرحيم
التيار الكهربى التيار الكهربى يعبر عن كمية الشحنة Q∆ التى تعبر من خلال مساحة مقطع ما خلال وحدة الزمن , والكلام الصعب دا بتعبر عنه المعادلة دى الكولوم (c) هو وحدة قياس الشحنة Q , زى ما الجنيه هو وحدة الفلوس فى مصر , ووحدة قياس الزمن (t) هى الثانية s . أما ووحدة قياس التيار فسموها الأمبير ورمز له بالرمز amp أو A ودا على سبيل الأختصار فقط . يعنى إحنا نمسك مقطع السلك ونشغل ساعة الإيقاف ونعد الألكترونات اللى عدة فى 5 ثوانى مثلا ونضرب العدد دا فى شحنة الألكترون وبعدين نقسمهم على ال 5 ثوانى ودا هو التيار . ومن المعادلة السابقة 1 أمبير يساوى 1كولوم على واحد ثانية أو 2كولوم على ثانيتين و هيا هيا تساوى 1كولوم على واحد ثانية إذا 1 A = 1 C/s. الشحنة المسببة للتيار هى شحنة الألكترونات فالإلكترونات هى التى تتحرك داخل الموصلات ومقدار شحنة الألكترون تساوى (e = (− 1.6 × 10−19 إشارة سالب لأن الألكترون يحمل شحنة سالبة . بنيامين فرانكلن صاحب إفتراض الشحنات الموجبة الحقيقة جزئية إتجاه التيار صعبة شوية . بس هنبسطها قوى لأنها الحقيقة عملت إلتباس بين العلماء من فتره من الزمان . وعلى فكره بنيامين دا بيلقب بأبو الألكترونيات يعنى حد ليه وزنه فى الكهربا وهو اللى صورته على الدولار.... خلينا فى الموضوع أحسن بتسمع كتير يقولك التيار من النقطة A الى النقطة B , ايه اللى انا فهمته من كدا هل الكلام دا معناه إن الإلكترونات بتتحرك من النقطة A الى النقطة B ودا لان الألكترونات هى المسببة للتيار نتيجة حركتها ولا ايه . الحقيقة أن التيار اللى فى المعادله السابقة بيشر الى تحرك الشحنات الموجبة من A الى B وعلى كدا يبقى الألكترونات بتمشى عكس التيار طالما إتجاه التيار هو إتجاه الشحنات الموجبة . طيب ليه عملنا كدا مع إن إتجاه التيار هو إتجاه حركة الألكترونات وليس إتجاه الشحنات الموجبة . الحقيقة الموضوع دا يرجع لبنيامين فرانكلين هو اللى إفترض كدا ودا بسبب إن فى عصره لم يكن متاح معرفة المسبب للتيار كانت حاجة مجهولة بالنسبة ليهم. وبعد فتره ربنا كرم العالم بواحد إسمه جوزيف طومسون اللى قام بعدة تجارب لعزل الأشياء المجهولة التى تتحرك داخل الأسلاك وتسبب التيار , فبعد عزلها اتضح له أنها الكترونات ذات شحنة سالبة . ولكن جوزيف إستمسك بالنظريات اللى إستخدمها بنيامين ولم يغيرها وإفترض أن التيار الكهربى هو عكس حركة الألكترونات ويسمى بالتيار التقليدى . https://2.bp.blogspot.com/-r7bPiBZWn0...8%A8%D8%A8.jpg طيب ايه اللى يعنيه الكلام دا لينا الكلام دا مش مهم لينا قوى وكتب الفزياء شارحه الجزئية دى بالتفصيل . فإحنا كل ما علينا هو إفترض ان الشحنات الموجبة هى التى تتحرك داخل الأسلاك . وكل قوانين الكهرباء مثل قانون أوم وغيره يتعامل مع التيار على فرض أنه حركة الشحنات الموجبة اللى هيا عكس حركة الألكترونات . يارب تكونوا فهمتوا الموضوع وكان إسلوبى سهل الفهم إعداد.م / يسرى مصطفى محمود لقراءة الموضوع بشكل أحسن يمكنك زياردة المدونة التالية https://www.yosrymostafa.blogspot.com/ https://www.facebook.com/mie.workshops |
#2
|
||
|
||
رد: التيار الكهربى الحقيقى
شكرا جزيلا على الطرح
وفقكِ الله |
مواقع النشر (المفضلة) |
أدوات الموضوع | |
انواع عرض الموضوع | |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
إتفضلوا لينك جديد لكورس " ما هو التيار الكهربي ؟! " | fankoushat | كتب الكمبيوتر و الحاسب و الالكترونيات | 70 | November 16, 2012 10:53 AM |
حمل كورس "ما هو التيار الكهربي؟!", كاملا, والنسخة الأصلية كمان | fankoushat | كتب الكمبيوتر و الحاسب و الالكترونيات | 8 | January 18, 2012 03:31 AM |
مفاجأة, حمل السي دي الأول من كورس " ما هو التيار الكهربي؟!" :) | fankoushat | بحوث علمية | 6 | August 10, 2009 01:28 PM |