فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم May 17, 2012, 04:28 PM
 
شًعُعٍرٌ

1
شعر عن الحب
*
سهرت الليل وانا اشكي ألم بعدك جلست ابكي كتبت أسمك على صدري نزف جرحي وانا مادري

ماعلموك ؟! ان الغلا يجرح الروح ! وانا على فرقاك .. تنزف جروحي !!

أسف ازعجتك ؟ بس يمك خذتني لهفة الخاطر ما امهلتني انتظر باكر


يادرب ياطولك على فرقا الاحباب يادرب تكفى تختصر لي المسافه

حبك بقلبي شراله "دتسن" غماره ومن كثر الغلا فحط على باقي المحبين

مساء ابيض يضمك حيل باحضانه.. مساء يهدي أمل وردي لأجمل وأعذب إنسانه

المحبه راس مالي والقلوب الي تعشقها *^* والضلوع اليا تثنت من غلاك الله عوجها

تبسم للزمن تكفى ترى صمت القهر حراق وحذاري تذرق الدمعه ولو النفس مجروحه

مدري غلا ! ولاوله ! ولا محبه ! لاشفت رقمك غصب عني تبسمت

أنت الحياة وباقي الناس لي موت .. وشلون التفت للموت ؟ وأترك حياتي !

أبحكيلك حكاية قلب حلف يمشي على أمرك رفض يسكن صدور الناس وجاك بيسكن بصدرك

لاشوف .. لاخبر .. لاحس .. لا أثر .. بس بس هذا طبع البدر يطل يوم ويغيب شهر

رن رن رن ألو محل الورود ؟ لو سمحت أبي أحلى ورده لأحلى عيون تقرأ هالرساله

فتحت أغلى اوراقي لقيتك عمري الباقي ولقيت اسمي يضم إسمك ومستحيل مثلك الاقي

لو بغيت أكتب لك شعور القلب واحساسه ! حروف الكون

ماتكفي ياعطر الورد وانفاسه
رد مع اقتباس
  #2  
قديم May 17, 2012, 04:29 PM
 
رد: شًعُعٍرٌ

2
فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..
ولقيت
ياقلبي
أنا
فيك
الحنان
ولو بيدي ياحياتي كان أعرفك من زمان..
لحظه الي تلتقي بي يبتسم حظي ونصيبي..
ومثل
أنا ماأقول
"أحبك"
أنت قول إنك <<حبيبي>>

¦×¦ ¦×¦ ¦×¦


يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر

¦×¦ ¦×¦ ¦×¦


تعودت نفسي بحبك يابعد عمري
قلبك حبيبي وعيونك أجمل أحبابي
كل المشاعر تعيش الحب بصدري
و السعد أشرق من عيوني و أهدابي
انت نهاري و انت شمسي وفجري
جذاب طبعك وحسنك صدق جذابي
غلاك اسرني .. و انا الي راضي بأسري
في قربك القلب طاب وخاطري طابي ان شفتك
أفرح بشوفك يا بعد عمري وان غبت كل الهنا عن دنيتي غابي

¦×¦ ¦×¦ ¦×¦


ماودي أتخيّل حياتي / بليّاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. ف أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي !!

¦×¦ ¦×¦ ¦×¦


اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ن) تحليك
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك

اش رايكم
رد مع اقتباس
  #3  
قديم May 17, 2012, 05:09 PM
 
رد: شًعُعٍرٌ

صعب عليه اعلق على هذا الابداع
سلمت يدينك .. صح لسانك
كلاااااااااامك اكثر من حلووو
يسلموووو للقلم الروعه
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 05:32 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر