فيسبوك تويتر RSS



العودة   مجلة الإبتسامة > الروايات والقصص > روايات و قصص الأعضاء

روايات و قصص الأعضاء تحميل قصص و روايات بأقلام كتاب و كاتبات مجلة الابتسامة



إضافة رد
 
LinkBack أدوات الموضوع انواع عرض الموضوع
  #7  
قديم September 12, 2012, 11:46 AM
 
رد: أنثـــى بقلــــب رجــــــــل..أسماء عبدالعزيز .. رومانس ..تابعونى..

اسلوب رائع وشيق بانتظار الحلقه الثانيه...
__________________

نحن نعيش في زمن الحب فيه مات
فكيف لنا ان نستمر تحت وطأة الازمات
رد مع اقتباس
  #8  
قديم September 21, 2012, 12:18 AM
 
رد: أنثـــى بقلــــب رجــــــــل..أسماء عبدالعزيز .. رومانس ..تابعونى..

تسلمو على المرور الجميل وكل عام وانتم بخير حال
اتمنى بالنهايه انا تنال اعجابكم
دمتم بخير
__________________

رواية:
امنحينـــــي عـُــــــذراً



https://www.ibtesama.com/vb/showthread-t_239388.html

رواية انثى بقلب رجل


هنا

https://www.ibtesama.com/vb/showthrea...ml#post2721429










ممنوع وضع المدونات فى التوقيع // إداره المجله
رد مع اقتباس
  #9  
قديم September 21, 2012, 01:39 AM
 
Love رد: أنثـــى بقلــــب رجــــــــل..أسماء عبدالعزيز .. رومانس ..تابعونى..


الحلقة الثانية




ونزلت بسرعة وقابلها...

أحمد

تحت وركبت معاه وخرجوا متجهين للإستديو, وبعد كدا عشا مُهم

هاتعرف أحمد فيه على ناس مُهمه أوي... فنانات و.....

فنانين.....و..؟

أما ريما وقفت تبص للفلوس ودموعها على خدها تفكر جواها

وتقول: جه اليوم عليكِ ياريما تشتغلي عند واحده كانت زميلتك

في المدرسة وكنت أشطر منها وتعاملك كأنك شغاله!


(تتنهد بيأس)

وجت الدادا وكانت ست كبيرة :ماتزعليش يابنتي..هي كده.. دأنا

اللي ربيتها وبتعاملني أسوء من كدا, ولولا أمها الله يرحمها

موصياني عليها قبل ما تموت كنت سيبتها من زمان

إبتسمت ريما غصب عنها: عادي يادادا! وأنا هازعل ليه ؟

مانا فعلا شغالة عندها!

(وأخدت الفلوس وخرجت! وراحت على شقتها وكانت ف السيدة

زينب وشقة على قد الحال خالص وكانت ساكنه تحتها الست

جليلة ودي ست كبيرة و معندهاش غير ولد واحد وكفيفة)

ريما دخلت البيت وعدت تسلم على الحاجة جليلة: إزيك ياست

الكل

جليلة: أهلا بست البنات(ريما قعدت على الكنبة جنبها وجليلة

تلمس وشها وتطبطب عليها وقالت : مالك ياضنايا حاسة انك

حزينه أوي؟

ريما عزّت عليها نفسها ودموعها نزلت: لا ولا حاجة ..

ماتشغليش بالك! تعال نتعشى !أنا جبتلك كباب


جليلة بحزن : لا ! قوليلي الأول زعلانه ليه؟

تتنهد ريما: مافيش بس تعبانه من الشغل

جليلة بحنان : انتِ مش عايزة تقولي؟ طب براحتك يا ضنايا ..

مش هغصب عليكِ !

ريما: يل ناكل

(وفرشت جرنان وحطت الأكل وأكلت هي وجليلة! و كانت جليلة

عايشه وحيدة ! وابنها مسافر بدولة خليجية!وبعد ما خلصوا أكل

قامت جليلة تتسند على عكازها )

ريما: رايحه فين ياخالتي؟

جليلة بفرحة : عمك جمعة البوسطجِي جابلي جواب من ابني

الدكتور!هاروح أجيبه تقريه!

(وتدخل الغرفة وتطلع ماسكة ظرف بايدها و إدته لريما! واخدته

ريما وبدأت تقراه ! وكان عاصم دكتور بمستشفى كبير بدولة

خليجية! وكان الجواب كله سلامات وإنه بعت لها حوالة! تروح

البنك تصرفها وسكتت ريما وقعدت

جليلة تدعي لابنها!وسابتها ريما بعد ما وعدتها الصبح يروحوا

البنك عشان تصرف الحوالة.

اليل على ريما كان طويل أوي .. تفتكر كل كلام أحمد الحلو زمان

وقسوته دلوقتي! ورفضه لثمرة حبهم.. وتلمس بطنها و: ياترى

مصيرك إيه؟

و تنام ريما من كتر التفكير.. وتمر الأيام مملة وبطيئة عليها !

لكنها عند مايا كان رتم الأيام سريع جدا و...

كانت أيام سعيدة جدا بالتعرف على أحمد اللي شغلها بكلامه

وسحر جاذبيته!وفي يوم كانت ريما مع مايا في غرفة الميكياج

والباب خبط و

(كان في الوقت دا ريما ماسكة علبة الماسك وبتعمل ماسك لمايا

اللي ردت وقالت: ادخل

ودخل أحمد: صباح الفل يا قمر..........(صُعق لما شاف ريما اللي

وقعت من إيدها العلبة وصرخت مايا: إيه اللي انتِ هببتيه دا؟

ريما بتوتر وحزن توطي تشيلها: أنا آسفا أو (وتحاول تنضف

فستان مايا اللي بتتعصب عليها أكتر: كفاية .. هاروح أغير

ريما تبص له بنظرات غير مفهومه .. هل هي اشتياق ؟ حنين؟

لوم؟ عتاب؟ حيره؟ غضب ؟ حسره!

أحمد: ماتبصليش كدا! واياكي تعرف اللي كان بينا

ريما تتنهد : إطمن! استحالة تعرف .. عارف ليه؟ لإنها هي اللي

هتاخد حقي منك.. لأنها زيك أنا مكنتش ليك.. ولا إنت ليا, ووقتها

هاتعرف لكن بعد فوات الأوان إنك جنيت عليا ودي خطيتي...

(ودخلت مايا وبصت لهم)

سألت: إنتوا تعرفوا بعض ؟

أحمد إتلخبط .. أما ريما ردت بسخرية : أكيد لا

مايا: طب إستنيني بره شوية

طلعت ريما ومشيت وقررت إنها مستحيل ترجع تاني! أما أحمد

قرب من مايا: بجد وحشتيني أوي...............

مايا تبعد خطوتين و بدلع وغرور: وانت كمان.......محتاجة أقضي

وقتي كله معاك بأي مكان ممكن تخرج باه........ ثواني وأكون

جاهزه

أحمد: أوك (وفتح الباب وخرج !وراحت مايا تنادي ريما؟ قالها

العامل إنها مشيت!

مايا بعصبية تمسك الموبيل وترن على ريما.......... متردش

وتناد مايا العامل.......... بعت لها حد غير ريما وجهزت

وخرجت مع أحمد وضحك ورقص وسهر .........!

وبنفس الوقت كانت ريما حزينة جدا وتبكي أوي.. وجليلة

حيرانة! تسألها مالك؟ تبكي أكتر! ونامت على الكنبة وجليلة

ترقيها لحد ما نامت وغطتها وراحت على السرير

ونامت!

وريما بجمالها الجذاب

نايمه كالملاك وكانت بعالم تاني..

عالم تحقيق كل الأماني!

كان معاها أحمد واقف ساكت! وهي قدامه لمساه و

حساه...........

وعيونها بعيونه .....والدموع تناجيه والقلب دايب فيه,

وشوق وحنين مايقل ولو مرت سنين

( تلمس بشرته بطرف أناملها وتقرب منه تتنفس

أنفاسه..........

تستنشق عطرة.........

وهو كالصخر صلب.........

بارد......... قاسِ .......... ظالم )


ريما بشجن : ماتبعدش عني أرجوك خليك معايا...... خليك

بحضني............. إنت ماتعرفش إنت إيه عندي ؟ إنت العمر وما

فيه! إحساسِ اللي تايه فيه..

أنا لما بسمع صوتك بابقى مش عايزه أرد عليك لأني محتاجه

أستمتع بكل جزء من نبراتك, ويشبعني صوتك ويحييني ويروي

حنيني ليك..

ويملى قلبي بالشوق إليك, وتعلىَ

نبضاتي

وتتسارع دقاتي

وكأنه بس

بيدق ليك!

أحمد......

خليك معايا...

أرجوك .

(يسيبها أحمد ويديها ضهره ويمشي ! وهي تبكي وتنادي عليه

لكن بدون جواب.....؟ وتصحى ريما وتلمس خدها تلاقي الدموع

عليه تبكي بحزن ويبكي قلبها قبل عيونها!)

(جليلة بتصحى وبتحس بريما انها صاحيه وبتبكي) : ياصباح

الورد على الحلوين حد بردو يصحى يعيط كدا ؟

(موبيل ريما يرن .......؟ تشوف بلهفة تلاقي رقم مايا ......

تتنهد باحباط ومتردش )

مايا رايحة جايه بالغرفة بعصبية وتتصل تاني وتاني وريما


ماتردش وزهقت مايا ورمت الموبيل على السرير : غبية! أنا

هاروح أشوف في إيه؟ ( وغيرت لبسها وراحت لريما في البيت)

ريما بالوقت دا كانت خارجه من عند جليلة طالعه شقتها....

إتفاجئت بمايا: أهلا مايا

مايا بعصبيه : هانفضل واقفين كدا

ريما: تعالي إتفضلي(وطلعوا فوق في شقة ريما وأول مادخلوا

قفلت مايا الباب بعصبية وقالت: حصّلت مترديش عليا ؟

وتسيبيني في الاستديو وتمشي وماتقوليش.. عايزة اعرف في

إيه ؟ حصل إيه؟ انا ضايقتك في حاجة؟

ريما: أنا آسفا لكن مش هاقدر أشتغل تاني

مايا بدهشة: نعــــــــــــم! ليه إن شاء الله؟ انتي تعرفي أحمد

صح؟ قولي

ريما بعصبية: أنا ماعرفش حد , كل الحكاية خطيبي مش موافق

إني أشتغل وأنا وافقت أرجع له ... وقررت أسيب الشغل!

ريما متعصبة جدا : يعني رجعت لخطيبك القديم.. و قررتي لوحدك

ومن دماغك تسيبي الشغل معايا! حتى مافكرتيش تقوليلي! عامةً

براحتك أوي! من الصبح يكون عندى غيرك مليون واحدة تتمنى

مكانك دا

(وتخرج وتسيب الباب مفتوح وتنزل وتفتح باب عربيتها بعصبية

وترزع الباب وتمشي! أما ريما بحزن قفلت الباب وراحت على.....

سريرها ونامت على طرفة وضمت نفسها أوي زى البردان في عز

الشتا .........؟


وشويه شويه..


بدا جسمها يرتجف وتظهر

أعراض............................


الحُمة!

و بنفس الوقت جليلة طالعة تخبط على ريما لأنها جالها جواب

من عاصم ابنها ! وقربت من الباب وتخبط ....؟ وقامت ريما

عشان تفتح الباب وهي هزيلة من إرتفاع درجة حرارتها وتتطوح

وفتحت الباب ووقعت على الأرض....................... دخلت جليلة

ماسكة الجواب وتحسس قدامها وتكلم ريما ومافيش رد؟

ودخلت جليلة بعكازها اللي خبط ف ريما اللي كانت مغمى عليها

!جليلة تنزل بسرعة على الأرض وتحسس على وشها


وتهزها : يا ساتر يارب ريما .....

ريما ...

وقامت بسرعة تتسند على السلم وتنزل بعكازها ونادت عم

إبراهيم البقال وكان راجل كبير فى السن وطيب جدا جدا : يا حج

إبراهيم........... إلحقني يا حج


إبراهيم قام من على كرسيه وبسرعة دخل لجليلة: مالك يا حاجة

في إيه ؟

جليلة: ريما واقعة على الأرض و جتتها مولعة نار

عم إبراهيم: يا ساتر يارب .....

( وطلع بسرعة وجليلة وراه وكمان سمعهم

محمود القهوجي

وحاولوا يفوقوها, وراح محمود يجيب

الدكتورة ثناء تكشف عليها ......
؟
؟
ياترى هيحصل ايه؟

؟

انتظرونى أسماء عبدالعزيز

__________________

رواية:
امنحينـــــي عـُــــــذراً



https://www.ibtesama.com/vb/showthread-t_239388.html

رواية انثى بقلب رجل


هنا

https://www.ibtesama.com/vb/showthrea...ml#post2721429










ممنوع وضع المدونات فى التوقيع // إداره المجله
رد مع اقتباس
إضافة رد

مواقع النشر (المفضلة)

الكلمات الدلالية (Tags)
انثى.قلب.رجل.حب.رومانس.روايات.قصص.امنحيني.اسماء عبدالعزيز

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
امنحيني عُذراً .. أسماء عبدالعزيز .. تابعوني.. رومانس اسماء عبدالعزيز روايات و قصص الأعضاء 133 May 18, 2014 01:57 PM
.. }{ .. ’’ أنثـــى سكــنت محــراب الحــزن ’’ .. } {.. سفيرة الانوثة كلام من القلب للقلب 7 February 5, 2011 05:34 AM
لو سمحتوا ابغى أسماء كتب عن الملك عبدالعزيز ضررروووووري اموله المزيونه طلبات الاعضاء 1 May 1, 2010 03:33 PM


الساعة الآن 12:58 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر