مشكلتي مع اصدقاء قريبين مني

السلام عليكم ورحمة الله و بركاته

احب افتح قلبي لكم وارتاح اذا اقول الي بخاطري .. انا بالجامعه السنة الاولى
في البحرين عندنا خلط بين صبيان بنات مثل ما انتوا عارفين .. طبعا عرفت
هذا الكورس على اصدقاء معي بنفس الـ class .. ذلين اللي عرفتهم مسببين لي
مشاكل وصرت اكره احضر والسبة هم .. اتعرفت على قروب حلو في نفس الـ class
بس كان هذا القروب ولسبب ما اعرفه يكرهونه الصبيان اللي عرفتهم
القروب انا وصديقي و3 بنات .. احنا مع بعض في كل الصفوف يعني طول الاسبوع نشوف بعض
من الطبيعي علاقتي فيهم بتكون قوية .. ولكن محصورة على الدراسة بعيد كل البعد عن اي هدف ثاني
في الايام اللي اكون انا مع اصدقائي ويشوفوني اتكلم مع بنات القروب او مع صديقي اللي هم طول الاسبوع معي
يقومون يتكلمون عليه وعلى صديقي وعلى البنات وهم يدرون انه ما في شي بيني وبينهم وحتى انهم اليوم تكلموا عن الصبي
اللي هو صديقي بالقروب بس عشان اني اكون معه بوقت اكثر منهم .. قاموا يتكلمون لي بطريقه
لو واحد ما يعرفني ويسمعهم يقول هذا بايع الدنيا ومثل الشي على البنات ..
مشكلتي ما ابي اخسر ولا واحد منهم مع انه الصبيان اذوني وااايد بالخصوص هذي الايام والبنات ما شفت منهم الا كل خير .. ما يهمني اذا تكلموا عليه انا فانا صبي واقدر امحي اي كلام ينقال علي بس ما ابي اسمح لهم
يلعبون في شرف البنات وهم ما سوو شي << للمعلومية اهل البنات على علم بانهم يتكلمون معنا في الجامعه واهلي بعد يدرون لانه كلامنا بعيد عن اي شي ما يخص الدراسة >>

التصرف اللي اتوقع اتصرفه مع الصبيان اذا اتمادوا<< باني كل ما اسمعهم يتكلموا بهاي الطريقه
امشي عنهم على الاقل بعدين اقدر اخبرهم بانهم يكلموني عن اي شي بس ما يجيبوا طاري البنات >>

--
بداية آلله يوفقك ويسهلك في جامعتك

ثانياً : كلآم النآس لن يتوقف حتى لو فعلت خير أو شر < خذ هذه قآعده في حيآتك العمليه.
ثالثاً : حآول أنت تتكلم مع الشلة الاخرى بأدب وأن تقول لهم مابدآخلك وأنك لاتريد أن تخسرهم وأن استمروآ بالكلام عليك أو باحد اصحابك قل لهم ستخسروني
رابعاً : وهي نصيحتي لك أن تترك الشله التي تتكلم عليك او على غيرك بكلمات بذيئه
لأنهم غير صالحين ولأنك كرهت الجامعه عشانهم
أبحث فقط عن رآحتك وإذا هم ارادو لك الراحه لن يتكلموا عنك
أمشي بطريق ماتحب ولاتؤذي الغير فمن أرآد ان يكسبك لن يؤذيك

..

كلامك مضبوط 100%
ولكن انا من النوع اللي ما يحب يخسر اي صديق
ويحاول يتمسك فيه الى ابعد الحدود
ولكن ان تمادوا فاكيد البعد افضل واريح
شكرا لك تواجدك
واهتمامك
احترامي لك