أنا خايفة من الله يا جماعة

وَردَة آلعشآق · #1 August 8, 2011, 02:01 PM

السلام عليكم

راح أحكيلكم قصتي مع قطتي المسكينة ميليسا

في يوم لقيت قطة حلوة بيضا و سودا بس هزيلة شفقت عليها و ربيتها و سميتها ميليسا أكلتها و شربتها و كبرتها لغاية ما رجعت سمينة و مسكت صحتها بس بعد أيام قطتي مرضت و صارت تكح كتيييييير خبرت ماما و قالتلي دوري في المنتديات أي حل لسماعدتها و طبعا أنا ما قصرت دورت في المنتديات و لقيت الحل و أعطيتلها ما رضيت تشرب شربتها بالزور بس شربت شوي و فاتت الأيام و قطتي مثلها مثل حالها مريضة و أنا بالأول ما ظنيتها مريضة ظنيتها تكح مثلها مثلنا بس بعدين زاد الألم و أنا كنت حابستها في البيت بس مش بالزور أنا كنت خايفة عليها من قطط الحي و الكلاب و طبعا أنا وفرتلها الحماية في البيت و مو ناقصها شي تاكل تشرب تنام مثل ما بدها و على فكرة في وقت الفطور أو العشا لحمي كلو بعطيهلها و بظل أنا بلا لحم و الله حبيت قطتي كتيييير بس هي كانت تطلع برا و أشوفها تتهاوش مع القطط كتير و لما ترجع البيت لاقيها مجروحة جرح صغير بس تحزنني و أنا على فكرة القطة اللي بشوفها ربيها بس للأسف ما يطولوا عندي و يموتوا او يروحوا لو تشوفوها قبل ما ربيها كيف كانت ؟؟ كانت كتيييييييييير هزيلة و من شدة الجوع راح تموت أخذتها و ربيتها بس للأسف اليوم ماتت جت جارتي الصبح و قالت لماما قولي لدعاء قطتك كتيييير مريضة شوفيلها حل بس أنا كنت نايمة و خبرتني ماما رحت عند جارتي و قالتلي هي ما زالت في الحي دورت عليها لقيتها ميتة و الله حزنت عليها و خايفة كون أنا السبب لأني خليتها تطلع برا و تتهاوش مع القطط الثانيين أنا خايفة من الله يعذبني لأني ما حميتها بس و الله ما قصرت بشي معيشتها أحسن من القطط الثانيين تاكل حتى تشبع و تشرب المي و الحليب مثل ما بدها بس بهالفترة ما كنت شربها الحليب كنت شربها المي و الله مو مقصرة معاها بس هي بتحب تطلع برا و أنا كنت خايفة احسبها بالبيت لحتى تتعذب قلت خليها تطلع و أنا لما أطلع برا بشوفها تجول و تحوم على كل الطرقات و صاروا الجيران يقولولي اليوم قطتك شوي و تضربها سيارة و قالي جارنا صغير اليوم قطتك تهاوشت مع قطنا و أنا طبعا خفت عليها صرت قليل وين بطلعها أحبسها بالبيت و خليها تتمشور بالبيت و تجول فيه بس ماما ما كانت ترضى كانت تطلعها برا و الله صرت خاف عليها كتير و بعدين قلت خلص هي كبيرة و تعرف مصلحتها ... بس اليوم ماتت حزنت عليها كتير و على فكرة أنا كنت مربية 10 قطط قبلها كلهم ماتو و الله صرت خاف ربي القطط قلت يمكن يجي يوم يموتوا و خاف كون أنا السبب

و هذي قصتي و الله العظيم هلأ لما شفتها برا ميتة حركتها برجلي قلت يمكن مريضة و تتوجع من الالم مش قادرة تقوم بس فعلا هي ميتة ما عم تتنفس

شكرا للاستماع

و انا بس حبيت افضفضلكم لانكم فعلا اخواتي و اكثر

مُصعب · #2 August 8, 2011, 03:59 PM

بسم الله رب العلا و خالق الأكوان

سلام الله عليكم و رحمة منه و فيض بركات

أهلاً بكـ أختي دعاء ,,

جاء

في الصحيحين { دخلت امرأة النار في هرة حبستها فلم تطعمها ولم تدعها تأكل من خشاش الأرض } ,,

لأن الحيوان - و سأخص القطط هنا - روح خلقها الله تعالى ,, و أوصانا خيراً بالبهائم ,, و علّمنا أن نعين على الرفق و لا نعين على العنف ,, وجب أن نحرص على ارواح مخلوقاته ,,

أختي الكريمة ,, أنت ِ قلتِ أن 10 قطط قد ماتوا من قبل و هذه القطة ستكون إذاً القطة رقم 11 ,,
ياترى ,, هل المشكلة في الـ 11 قطة حقاً ؟! ,,
هل تعرفين كيفية تربية القطط و القواعد اللازمة لذلك ؟ خصوصاً و أننا ابتعدنا عن الطبيعة المأوى الأساسي لكل الحيوانات ,,
أنت تربين القطط في المنزل ,, هل يوفر المنزل كل ما تحتاجه القطة فعلا ؟
هل تعرفين حاجة القطة من الغذاء و مقدار ذلك ؟
أنت قلت أنك بالفترة الأخيرة أصبحت تقدمين لها الماء فقط ,, هي ليست طاحونة تعمل على الماء فقط يا اختي ,, لجسدها الحاجة من الغذاء المناسب للقطط ,,
لم تذكري انك استجلبت لها الطعام المخصص للقطط ,, فهل فعلت ذلك يا ترى ؟

ثم عندما مرضت هذه القطة ,, لماذا لم تأخذيها إلى الطبيب البيطري المتخصص ؟ أولست انت الوصية عليها ؟

أختي الكريمة ,, ما رأيك باقتناء بلبل ؟ أو حوض سمك ؟ البلبل رائع الجمال و حوض السمك في غرفتك سيكون إضافة رائعة جداً ,,

أنصحك ألا تعيدي تربية القطط مرة ثانية مطلقاً ,, فكري بحوض السمك ( أنا نفسي سأجلب واحداً بعدما تهدأ الأوضاع في سوريا ) ,, أو فكري ببلبل أو عاشق و معشوق أو كناري أو أي طائر ,,

انسي ما فات و استغفري الله دوماً ,, إن كنت مذنبة فسيغفر لك إن شاء و إن لم تكوني فما أروع الاستغفار في حياتنا ,,

كوني بخير أختي ,,

حماك الله

صانع الابتسامة ..
مشاكس عقلاني

وَردَة آلعشآق · #3 August 9, 2011, 09:16 PM

صانع الابتسامة ... شكرا على ردك القيم بس انا صرت خاف اخذها للطبيب البيطري لاني ماني واثقة فيه و انا قريت اكثر من 10 صفحات عن تربية القطط و صاروا يحكوا عن الاطباء البيطريين و يقولوا انا اخذت قطتي لطبيب بيطري و عطاها حقنة بس بعد يوم او يومين ماتت و انا كنت قول لو اخذها عالطبيب البيطري يمكن يعطيها حقنة او شي ثاني يسممها او يسبب في موتها لهيك انا ما بوثق في الاطباء البيطريين و انا لو ربيت قط او قطة ثانية لازم من يوم ربيها اخذها عالبيطري مشان يعطيها حقنة تمنع الامراض و هيك ما بخاف عليها ... قلتلي ربي حوض سمك او بلبل او عاشق معشوق ++ انا ما بحب هالشغلات و ما بحب ربي بلابل او شي ثاني .. انا بس بحب ربي قطط و انا خلص تعودت عليهم و ما بقدر استغني عنهم

عالعموم يا صانع الابتسامة .. شكرا لاستماعك لقصتي و الله يوفقك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا جماعة احذروا موقع يستهزئ بالرسول صلى الله عليه وسلم	المكان	قناة الاخبار اليومية	3	November 30, 2009 03:59 PM
سبحان الله مسامير أخترقت دماغة ولسة عايش	زهرة العلا	قناة الاخبار اليومية	5	October 5, 2007 10:20 PM

أنا خايفة من الله يا جماعة

افتح قلبك