|
#1
March 20, 2011, 12:43 PM
|
||
|
|
||
رح نرجع يا جدو ؟!؟
يعني يا جدو رح نرجع ؟ -رح اكملك القصه .. هذا يا سيد حكولنا اخلوا المنطقه لأنو فيه قصف رحنا سحبنا حالنا وقلنا بلاش نوكللنا إحدى هالكنابل .. مشينا نتفه عن البلد وقلنا يومين ثلاث بنعاود عليها .. صواريخ زخ ..وفشك ورصاص طخ ...ظلينا نمشي وإحنا مش داريين عن حالنا ولا إحنا صرنا بمناطق أريحا .. وطلعت فلسطين كلها مولعه .. وكل القرى فيها رمي وكصف تقول حاطينها في هاظا ؟ شو أسمو يا سيد ؟ -مايكرويف يا جدو ؟ - ايووون ,,عفارم عليك .. هو ظلينا نمشي نمشي وصرنا تلا الأردن .. قالولنا على الحدود رح نستقر أكم شهر .. من هون لما تهدى الأمور - يا جدو إنتوا ليش بتصدقوا كل شي ؟ أي انا من هسا مقهور .. بتبعدوا حبه حبه عن بلدكم ..مفكريين في رجعه ؟ - أسكت يا فصيح .. هو إنتا مفكر الناس كانت زمان زي هسا ؟ كلها ع البركه وشو ما انحكالهم بيصدقوا المهم سنه سنتين ..وينتى بدنا نرجع ؟ استنوا ..رح نعمل مفاوضه ..أستنوا .. في إتفاقيه الأرض مقابل منداري شو - آه ؟ يعني إذا انتو تركتوا ارضكوا .. مستنيين مين يرجعلكم ياها ؟ يعني إذا الواحد ما مات على ارضه حب فيها ودفاع عنها بتروح يا جدو - إنتا يا بنيي مش مصلي ع النبي ! قصدك إحنا جبناء ؟ ولا شو الحكايه ؟ - والله يا سيد ما بدي أحكي غير اللي فهمتوا من كلامكم ..ليش تطلعوا ؟ مش كل فلسطين طلعت ..كان ظليتوا واللي بدو يصير يصير - معك حق يا بنيي ..والله إذا دافعت عن حالي رح أكون زي الديك ع المزبله ..بردقاناتنا ..طابوننا ,,, بير المي ..كلشي كلشي راح ..الله ينعن ابوها من ساعه خوف اللي خلتنا نصير مشتتين ..كان هسا إحنا مرتاحين ..وولاد بلد ..لا بحكولك نازح ولا لاجئ ولا بتسكن في مخيم ولا في واسطه وعنصريه .. بس بعين الله ..طلعنا ولازم نرجع ... والمعتمد على الله ثم عليكوا ... لا تفرطوا في بلادكم يا جدي مهما صار ... إصحكم تنسوا إنها إلكم ..بتروح ليوم الدين عليكوا - ولا يهمك يا جدي ..ربنا ما بينسى حدا .. والتحرير إلو موعد ..حددو رسولنا الكريم .. راجع على بلادي ,,,راجع على بلادي .. خلينا نروح على الجامع جدو .,,؟ - الله يرضى عليك يا ابني .. ما إلنا إلا الله ينصرنا على ولاد الخنازير .. يلا قوم يا بني .. وادعي بصلاتك تتحرر هالبلاد ..
|
|
#2
March 20, 2011, 03:06 PM
|
||
|
|
||
|
رد: رح نرجع يا جدو ؟!؟
يسلمو اديك طرح رائع وقيم
ما ننحرم جديدك
|
|
#3
March 24, 2011, 08:37 AM
|
||
|
|
||
|
رد: رح نرجع يا جدو ؟!؟
رحم الله جدتيّ ووالديّ ووالدتي
سألناهم لماذا خرجتم ولم تبقوا في فلسطين؟؟ قالوا الشباب مع الثوار والبيوت لا يوجد فيها الا النساء والاطفال وكبار السن خفّنا على عرضنا وأطفالنا فخرجنا ولم يمت الأمل في قلوبهم بالعودة حتى آخر أيامهم ظلوا يدعو الله أن يموتو ويدفنوا بأرضها ولم تتحقق أمنيتهم ولكنهم زعروا الأمل في قلوبنا بأننا سنرجع يوما قصتك تحاكي الواقع أشكرك
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| آدريْ ؤآللهْ يآ حبيبيْ منْ ورىْ عينيْ تخؤنْ }~ | هدب الطائف | كلام من القلب للقلب | 6 | March 20, 2009 03:29 AM |
العرض العادي
