الشاعر " عمــر طـاهــر "

احساس مرهف بالحب · #4 November 9, 2010, 05:52 AM

قول عليا مجنون

> لم أعرف لماذا اندهش البعض من تعرض الأطباء المصريين للجلد في السعودية؟، لقد اشتهرت هذه المنطقة أصلا منذ اللحظة الأولي في تاريخ الإسلام وحتي يومنا هذا بأن سكانها يعذبون المسلمين.

> الله كنز.. خلق الناس حتي يعثروا عليه.

> أي حاجة تتلون تبقي أحلي.. ماعدا الرجالة.

> أسخف طلب ممكن أن يطلبه منك شخص ما عندما يعرف أنك صعيدي هو «طب ماتتكلم شوية صعيدي كده».

> جميلة إسماعيل.. أجمل حاجة في أيمن نور.

> مش ممكن تاخد كل حاجة.. طيب هتحطها فين؟

> مررت مع صديق أمام أفيش كبير لفيلم شبه منحرف.. سألني صديقي عن تقييمي لرامز جلال فقلت له لا أعرف فأفلام رامز لا تسقط.. وهي لا تنجح أيضا.

> طريق المعرفة يبدأ بكلمة «ماعرفش».

> اللي يبص لفوق يتعب.. اللي يبص لقدام يتجنن.

> المرأة المستبدة.. رجل يشعر بإعاقة ما.

> ليه يا «سادات» ماسبتناش أبريا.. «مع الاعتذار لعمنا سيد حجاب».

> أخطر عيب في التعليم في مصر أنه عمره ما علمني إزاي أخطط لمستقبلي.

> الموت زيه زي أي حاجة جديدة علي البني آدم.. بييجي بالتعود. مش عاجبانى ابدا الجمله دى!

> الرجالة بتلعب قمار.. الستات بتتجوز.

> فرق جديد بين الأهلي والزمالك يمكن معرفته من وجهة نظر فريق الاتصالات .. وهو الفرق بين وائل رياض المنتقل للاتصالات من الأهلي والذي قدم أمام فريقه القديم فقرة ناجحة في فن الكرة ووائل القباني المنتقل من الزمالك والذي قدم في المباراة نفسها فقرة ناجحة في فن التايكوندو.

> في الطريق إلي شرم الشيخ أشم رائحة الشهداء، أخشي أن أكون قد مررت بسيارتي فوق رفاتهم، أفكر في أنهم دفعوا حياتهم ثمنا لأقضي وقتا ممتعا علي البحر، في طريق عودتي في المرة الأخيرة أجبرني الزحام علي التوقف أمام نصب الجندي المجهول،قرأت الفاتحة، أنطلقت الكلاكسات لتنبهني لبدء الحركة من جديد، نظرت في المرآة لقائد السيارة التي تقف خلفي لأخبره أني أخدت بالي، لمحت وجهي في المرآة وقد أصبح لونه برونزيا بفعل الرحلة، ابتسمت لنفسي ثم شعرت بالخجل.

> الحب الحقيقي يشبه حفلا موسيقيا، في نهايته قد يفترق العازفون ولكن الموسيقي تبقي أبدا.

> قلت لابنة صديقي «ماتلعبيش مع الأولاد علشان الأولاد وحشين» فقالت لي ببراءة «طيب لو لقيت ولد أمور ألعب معاه؟».

> المنطق الذي احتجز به بدو سيناء ضابط شرطة مصريا حتي يتم الإفراج عن قريب لهم متهم، هو المنطق نفسه الذي تحتجز به الشرطة أقارب متهم ما حتي يسلم نفسه.. . كلاهما علي خطأ بالطبع ولكن جدير بالذكر أن البادي أظلم.

> إيماني بـ «أوباما» كشخص مكافح وإعجابي بوعوده التي قدمها لتحسين حياة الأمريكيين.. يجعلاني دائما أدعو له قائلا «بيّض الله وجهك».

> خلق الإنسان لكي يعيش علي الكوكب بالعرض.. .لكن مافيا الأراضي جعلته يعيش بالطول.

> بالمناسبة.. في مصر فقط يعبر الناس الشارع بالطول.

> عصفور في الأيد أرحم من التنهيد.

> في الألفية الجديدة معمول حساب المكن أكتر من البني آدمين.

> الفرق بين الزواج التقليدي والزواج عن حب.. كالفرق بين السفر للعمل في رواندا, والسفر للعمل في رواندا بعقد مغر.

> خلق الله حواء من ضلع آدم وهو نائم، وهذا من رحمة ربنا بآدم، لأنه لو كان مستيقظا كان ممكنا أن يقع في نفس غلطة إبليس ويعترض علي إرادة ربنا .

> الست دايما بتقع في الراجل المزيف.. والراجل بيجتهد عشان يبقي كده.

> الزواج الناجح هو أن تقع في حب الشخص نفسه «كذا مرة».

> الحياة مباراة بدون شاشة تعرض النتيجة.. لكن الناس كلها شايفة النتيجة علي وشك.

> الحب من طرف واحد يشبه الشخص اللي بيغمس عيش بعيش.

> أستغفر الله من قلة صدقي في "أستغفر الله».. «رابعة العدوية».

احساس مرهف بالحب · #5 November 28, 2011, 03:13 AM

زي مابقولك :-
________

قورتِك ..

ينفع يتدق بيها مسمار ف الحيطة

وشفايفك من النوع اللي لازم يتباس في الشارع قدام الناس ..

جرح فوق حاجبك ..بيلمس القلب بسرعة

وتوترك اكتر حاجة مصدقها فيكي .

بتكرهي الوظيفة ..

وماتعرفيش حماقى ..

بتدخني زي ست عجوزة ..

وشكلك زي اللي سكرانه طول الوقت

بتواجهي العالم بخجل

بس بتفتحي باب التاكسي بمنتهي الثقة ..

وعمر المزيكا ماسكتت في راسك ..

مُزعِجة ..

بتبني اسطورتك كأنثي في صمت ..

وبتنغزيني بابتسامه ..

كل مااقرف افك شفرة حزنك المألوف ..

كنت فاكرك مجنونة

دلوقت ماعرفش ليه بقيت متأكد ..

احساس مرهف بالحب · #6 November 28, 2011, 03:13 AM

sms
___

موبايلك مقفول ..

زمان الرسالة اللي بعتهالك

متعلقة في الهوا

مستنياكي لحد ماتصحي من النوم ..

وتمدي ايدك تفتحي الموبيل علشان تعرفي الوقت ..

زمان رسالتي متعلقة في الهوا ..

جنب رسايل كتير ..

رايحة لناس بيحتاجوا دايما لوقت علشان الرسايل توصل

شحنة ساكنة

محتاجة تتفرغ ..

علشان تبتدي الارض تدور ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"""" حتي انت أيها الزائر تستطيع ان تكتب قصه كالتي تقرأها """	أجمل احساس	روايات و قصص الأعضاء	10	August 9, 2012 07:43 AM
"""أعلنتُ الحب الاخير الان،لانه عاد إليّ اليوم فهنوني و قولوا لي ما رأيكم لأني قبلتُ"""	tima	بوح الاعضاء	30	October 1, 2010 08:21 PM
طلب : أحتاج ديوان الشاعر أحمد عبد المعطي حجازي "مدينة بلا قلب"	ABOUTAJ60	أرشيف طلبات الكتب	0	April 15, 2008 10:30 PM

الشاعر " عمــر طـاهــر "

ديوان الاُدباء العرب