فيسبوك تويتر RSS


  #1  
قديم August 13, 2010, 02:44 AM
 
روايه انت لى 00وانا لك000


الجزء الأول
----------------------------

رنيم:أفف ملل .... بقى وايد عن المدرسه
رغد : وعع شييب المدرسه أحنى تونا في بدايه العطله احين .. لاكن صج ملل
رنيم: شنسوي ؟؟
رغد :ما أدري وله أنا مثلج ملانه
رنيم : أمم .. يس جتني فكره
رغد بحماسه : شنو يالله قولي حمستيني
رنيم : شرايج نتصل على بنات عمي ونطلع معاهم السوق ؟
رغد : حلفي .. وحلفي بقووووه بعد اول شي أمي وأبوي ما بخلونا أبروحنا و مشاري وو أولاد عمي بعد !!
رنيم : أووف نسيت سالفتهم ... لاكن نبه نطلع
رغد : لا راح نقول له مشاري هو إلي يطلعنا وراح انخليه يتصل ع عيال عمي يطلعون ومعانا ويبنو معاهم أخواتهم
رنيم : صح ..ليش ما يت في بالي ذي الفكره آه منج ومن أفكارج
رغد :ههه .. يالله قومي انروح له أخوي
رنيم : إي وما بنطلع من الغرفه إله لمه يوافق
رغد : أوكي .. خلنا أنروح
--------------------------------------
اعرفكم بعائلة أبومشاري
أبو مشاري: رجل اعمال غني وعنده شركات كثيره
مشاري: الولد الكبير عمره (20) يدرس بالجامعه حبوب وحلو من ناحية ملامحه جذااب و البنات يطيرون عليه بس هو ما يعطي ويه أبد
رغد:عمرها(17) في ثاني ثنوي هي بنت حبووبه و طيبه وضعيفه مب وايد يعني زين وعيونها بحريه وسيعه وشعرها أسود سواد الليل .. دوم ناعمه ..
رنيم:عمرها (14) في ثاني متوسط حلوه وجذابه وفيها جمال ساحر جسمها حلو عيونها عسليه واسعه و هي مرره نعومي .. أتحب التقليد <<< بعدين تعرفون كيف أتحب التقليد
-------------------------------------

في غرفت مشاري
مشاري كان قاعد ع الابتوب
وسمع صوت أحد يطق الباب
مشاري : من ؟؟
رغد ورنيم : أخواتك
مشاري : شتبون
رغد : خلنا ندخل اول
مشاري ببروود: أفف دخلوو
رنيم راحت قعت ع السرير جنب مشاري
رنيم : ميشو حبيبي انته أخوي صح
مشاري : لا دام فيها حبيبي وميشو يعني وراكم سالفه بسرعه يبوها من النهايه
رغد (مسويه نفسها زعلانه): أفا يعني ما يصير ندلع اخونا أشوي
مشاري وصلت معا: أوووف أبسرعه مليت انا مب فاضي لكم
رنيم : اوكي احنا نبه نطلع السوق
مشاري : لا أبروحكم لا
رغد :لا انته ويانيه
مشاري : حلفي وبقوووه .. أنا مب فاضي لكم
رنيم : ومره وحده اتصل له اولاد عمي يون معانا و يبون معاهم اخواتهم
مشاري : أن اقلت لاء يعني لاء
رنيم : بلييز ميشو يالله
رغد: يالله مشاري إدا اتحبنا
رنيم: ترى ببكي وما أسكت
(رنيم إدا بكت ما تسكت و أصياحها يدور الراس )
مشاري (و هو خايف):لا تكفين لا كل شي إله أصياحش خلاص يله روحو جهزو انا أحين بتصل ع العيال
رغد ورنيم : يس
وراحو وهم شاقين الخشه عشان يتجهزون
ومشاري أتصل لعيال عمه وقال لهم
________________________________________
أعرفكم بعائلة بيت أبو فيصل(أخو أبو مشاري)
أبوفيصل:رجل أعمل يشتغل ويه أخو ابو مشاري وغني نفسه
أم فيصل:حبوبه...طيبه...وايد جديه
فيصل:أكبر ولد عمره (20) يدرس بلجامعه ومع ولد عمه مشاري ... وسيم وطيب و أبتسامه أطير العقل وإلي يشوفه يذوب في مكانه
شجون:عمرها(17)مع رغد في صف .. حلووه وفيها جمال ساحر وحده دلووعه .. عيونها وسيعه وبحريه
......
سعود:عمره(16)في أول ثنوي .. وسيمم وطالع ع أخو فيصل وطيب... وفي بعض الجديه ..صح انه هو عصبي لاكن حنون
...
فرح و مرح:توأم عمرهم (15) في ثالث متوسط و شياطين وعربيجيات نفس رنيم لاكن في نفس الوقت حدهم نعومي وعيونهم عسليه
----------------------------------------------------------------
وبعد نص ساعه تقريبا كلهم أتجمعوا في بيت أبو مشاري
وكانت الساعه سبع المغرب
وأنطلقوا في سيارة مشاري ال*gmc
وطول الطريج العيال يحطون اغاني والبنات يغنون معاهم
لين ما وصلو الستي سنتر
----------------------------------------------------------------
في الستي سنتر
البنات راحو بروحهم والعيال بروحهم
والبنات يتمشون ويفترون في المحلات
مرح:بنات بنات شوفوا ذيك البنت ماخذه بنفسها مقلب حلوه
فرح:ههه ويع وله عاد ذيك مسويه شعرها كيرلي وصابغتا أحمر و هي سمره
رنيم:وييع هههه
رغد: يالله ندخل هاذا المحل شكله عندا أكسسوارات روعه
مرح وفرح بحماسه :يالله
شجون :هي انتون هدو منتون داخلين الملاهي
والكل ضحك
---------------------------------------------------------------
عند العيال
كانو قاعدين في الكوفي وعيونهم يمين ويسار وطالبين لهم كوفي وإلي طلب له عصرير وقعدو يسولفوون
مشاري:شكلنا ما بنرجع إله نص الليل هذيل أخواتي وأعرفهم زين بيشلون السوق كله
فيصل:ههه حتى اخواتي وله عاد شجون بتخاد أكثر شي كريمات بشره
وفتقوها ضحك وسوالف
سعود:أفف ويش يخلصهم حنى شلنا جاين معاهم مشاري هاذا كله منك
مشاري: هي انت اعرف أول أختي ريم شكانت بسوي بعدين اتكلم
سعود بحماس:شنو كانت بسوي ؟؟
مشاري : كانت بتكسر البيت فوق روسنا من البكي
فيصل: ههه والله ذكيه اختك زين سوت تدري انها إدا صاحت ما بتسكن
------------------------------------------------------------------------------
في بيت أبو مشاري
أم مشاري :ميري ميري وين البنات
(ميري هي خدامتهم)
ميري:ماما رغد ورنيم في يطلع ويه مشاري وهادهولد مال بابا خالد
(خالد إلي هو أبوفيصل)
ام مشاري : آها اوكي خلاص روحي
أم مشاري في نفسها :يو هذلين ما قالو لي !! لاكن اكيد قالو إلى أبوهم
---------------------------------------------------------------------------
عند البنات
دخلو البنات محل
و هم يتمشون فرح ومرح ورنيم راحو صوب الأكسسوارات وشجون ورغد صوب العطو
ريم :فرح مرح شوفوا هاذي القلاده عجيبه في أحرفكم
(كانت قلاده فيها حرفFوM وبينهم قلب كان حلو وناعم)
فرح: واااو حلوه شرايج مرح أنا و أنتي نااخذ لنا ؟؟
مرح : أوكي ,وله هم سوو كيووت
ريم : وااو هاذي الميداليه حلوه باخذها إلى تلفوني
(كانت الميداليه فضيه فيها قلبين ومرره ناعمه)
مرح:يااي حدها حلوه
رنيم: شفتي ذوقي مب أي شي ههه
مرح:باين ههههه
------------------------------------------

أنتهى الجز الأول
رد مع اقتباس
  #2  
قديم August 13, 2010, 03:53 PM
 
رد: روايه انت لى 00وانا لك000

وبعدين ابي انا نهاية القصة لاني دخلت معها جو
رد مع اقتباس
  #3  
قديم August 14, 2010, 09:37 PM
 
رد: روايه انت لى 00وانا لك000

بليز الجزء التاااااااني
ومشكووووه
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
روايه حب1 روح علي روايات و قصص منشورة ومنقولة 0 April 7, 2010 01:10 PM
روايه للحلم وجه اخر الفراشة الورديه روايات و قصص منشورة ومنقولة 7 February 27, 2009 08:01 AM
*** روايه الذكريات *** nadjibeg روايات و قصص منشورة ومنقولة 0 November 23, 2008 06:40 PM


الساعة الآن 01:20 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر