بسطيلة دالحوت رائعة من مطبخي

الأميرة الحسناء · #1 August 14, 2010, 12:33 AM

السلام عليكم الغزالات اليوم جبت ليكوم بسطيلة دالحوت علا طريقتي بالحق اللي كلاها عندي ماكينساهاش ترددت كتير قبل مانحطها لان تحطو بسطيلات دالحوت اكتر قبل مني ولكن مافيها باس حتى انا نحط طريقتي للافادة ....وعلا فكرة اللي بغات البسطيلة تكون لديدة الابغاتها للغدا خاصها تديرها ليلة قبل والا بغاتها للعشا تديرها فالصباح المهم تطيب كلشي وتديرو فجبانة وتحطها فالتلاجة وهاكا المواد كيطلقو البنة ديالهوم والشعرية حتى هي كتزيد تنسم بالحوت حتى تبغيها جبديها ولمطيها وطيبيها وقدميها بالصحة والراحة ايوا نخليكوم مع المقادير : لبسطيلة كبيرة معمرة العين وواحدة صغيرة كندير : كلغ ديال الفيلي دالحوت كنقطعو مربعات صغار ...وكيلو ديال الكروفيت وكيلو فواكه البحر اولا نديرو نصف كيلو كلمارواصابع السيريمي او الكراف و250غرام شعرية صينية 2 فلفلات حمرا وخضرا والقزبور والمعدنوس والتومة وواحد الحامضة معصرة ...اما التوابل فكنحتاجو كمون ابزار سودانية اختياري وخرقوم وسكينجبير وتحميرة وقزبورحبوب.. وعطرية دالحوت اللي كتباع عندنا هنا كتعطي لدة رائعة للحوت ومنين قريت المكونات ديالها لقيت فيها قزبور حبوب هو الاساسي ديالها حتى هو ماكيخطانيش للحوت والدجاج كيعطي نسمة رائعة ليهوم بجوج ايوا دابا نخليكوم مع الصور والشرح طبعا

كناخد الحوت ونشرملو بالربيع والتومة والتوابل المدكورة والحامض وزيت بلد ية ونخليوه علا الاقل ساعة باش يشرب التوابل وناخدو الفلفلة ونديروها فالروبو تطحن واللي ماعندوش غير يقطعو صغير بزاف ونديروه فالاناء فاش غادين نطيبو مع زيت بلدية والتوابل وكنور دالحوت

sfh5.jpg[/IMG]wومنين تشحر الفلفلة مزيان نضيفو الحوت ونخليوه يطيب

ناخدو الكسرولة نديرو فيها ماء يطيب ونسموه بورقة موسى وحكيكة دالزعتر وقزبور حبوب وشوية دكنور دالحوت ونديرو فيه فواكه البحر تغلى ونزولوها ومن بعد ندير فيه الكروفيت اللي غادي نزوق بيها حتى هي تجي عليها الغلية ونزولها نصفيو الماء ونعاودو نديروه ونردو عليه الشعرية فقط 5 دقائق ونصفيوها ونقطعوها ونسموها نشوية دالزبدة والعطرية دالحوت وشوية دكنور ونخليوها جانبا مانضيفوها حتى للاخير

ودابا منين الحوت طاب كنضيفو الكروفيت وفواكه البحر واصابع السيريمي او الكراف ونخليوهوم شوية وعاد نضيفو الشعرية نخليوها حتى هي تشرب شوية وصافي نطفيو البوطة

وهادي طريقة التلماط ديالها انا كندير 6 دالورقات من دوك الطوال ماشي الدايرين كندير 4 التحت وجوج الفوق باش كنقاد ليها وجهها وكنحتاج الزيت والزبدة البيضة مخفوقة

وصافي كنرد عليها الورقات باربعة وكنخبيها بجوج الباقيين وانا ديما كندهن بالزيت والزبدة والبيض وفالطبقة الاخيرة حتى هي كندهنها بالبيض وكنديرها تحمر فالفران مجهد وهاهو الشكل النهائي ديالها ...الله يخليكوم ماتنساونيش من دعائكم بظهر الغيب وبالصحة والراحة

منق*****************ول

امبراطورة الابتسامة · #2 August 14, 2010, 07:42 AM

الله يعطيك العافية

لك تشكراتي واحتراماتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كوسا محشي ( من مطبخي )	دائما مشرقة	وصفات الطبخ	1	May 3, 2010 06:45 PM
كيكة الروب من مطبخي بالصور	AHD Ashour	وصفات الحلويات والعصائر و الآيسكريم	2	January 6, 2010 02:23 AM
من مطبخي	hajarfl	وصفات الطبخ	3	July 6, 2009 06:27 AM
أحلى سنكرس وباونتي من مطبخي	احساس الانوثة	وصفات الحلويات والعصائر و الآيسكريم	0	July 1, 2008 01:48 AM
التفاح اللذيذ .. من مطبخي و بالصور !!	الملاك الوردي	وصفات الحلويات والعصائر و الآيسكريم	0	January 17, 2008 10:46 AM

بسطيلة دالحوت رائعة من مطبخي

وصفات الطبخ