فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم June 26, 2006, 07:05 PM
 
اسئلة واجابات شاعر

هذه مقتطفات من اجوبه لمعاني كلمات سئلني عنها احد الاخوان وطلب مني ان اعطي معانيها بأبيات شعريه

واردت ان هديها هنا لكم لعلكم تجدون فيها مايناسب اذواقكم الراقيه





خذ الاجابه



1-من أنت ؟

انا الفقير اللي تغذيه الاذكـــــــار #### ابغى رضا ربي بشتى الوسايل



وانا الذي لا جيت اهوجس بالافكار#### شاعر يروم لعـاليات الطـــــوايل







2-من حبيبك؟

حبيبي اللي خالق الكون كله #### من ناحية الدين هذا حبيبي



وحبيبي اللي لابغيـــــته ادله #### اللي بحاجة دنيتي ما يغيبي







3-ماذا أعطتك الدنيا؟

عطتني الدنيا من الحلو احـــــلاه #### وجربت علقم مرها في ســنيني



وحمدت ربي واشكره ما تناساه #### ماصــابني مكتوب ولازم يجيني





4-مارأيك بالناس في الوقت الحالي؟

الناس بين المرجــــــــــله والتطـــــور #### فيهم ردي النفس يفقـــد وقاره



وناس(ن) على الماضي وفوق التصور #### فيه المراجل والكرم والحضاره







5-من صديقك؟

صديقي اللي لا نصيته نصــاني #### لامن بغيته حاضر(ن) دوم موجود



ولا من طلبني بحاجته او نخاني #### اجيه لو بيني وبينه كم حــــدود





6-من عدوك؟

عدوي الغيره وكـــثر التكـــبر #### والجهل في فعل الدروب الجزيله



ومجالس الجهال وبيت(ن) مسكر #### ومضيع العادات وا...عــــزتي له











7-عرف الكلمات التاليه:-

الشووق

الشوق يجذب من لقلبك تحبه #### كلمة وتعني الغلا والهــــواجيس



حب المقابل والغلا تجـتمع به #### والمشكله لاصرت راعي نواميس







الخيانه



الله يبعدنا دروب الخــيانه #### والحمد لله دربها مـــــــاوطيته



الخاين اللي لاعطيته امانه #### خان الامانه وانكر اللي عطيته







الوفاء





طيبك بحاجة صاحبك وجيتك له ##### للصاحب اللي بك مضى له مواجيب



يسدي لك الطيبه ورده وفاء له ##### هذا الوفاء رد الوفاء لراعي الطيب







الجرح

الجرح ما كل الجروح محــسوسه #### مثل الجروح اللي على الجلد تدميك



بعض الجروح بداخل القلب سوسه #### مثل الحبيب اللي توده وجـــــافيك







الحزن



الحزن هو نوعين: حزن القرايب #### اللي دروب من المنيه خـــــذتهم



وحزنك الثاني: طــريق الحبايب #### اللي دروب(ن) يم غيرك رمـتهم







الإبتسامه



ماكل من يضحك ويبيدي ثناياه #### يبيدي الموده الخفي ماتشــــــــوفه



المبتسم دايم فعوله مـــــــطاياه #### شف وش مضى له تعرف اللي بجوفه







الشعــر



الشعر نظم افكار تنهى بحــــــرفين #### اما بصدر البيت والا بعجــــزه



وفيها جزيل علوم وعشق اللطيـفين #### واحيان تمدح بالشعر من تعزه



منقول
__________________
رد مع اقتباس
  #2  
قديم June 27, 2006, 04:41 AM
 
رد: اسئلة واجابات شاعر


ماشاءالله دائما تفتاجئنا بيداعك المستمر 00

ان شاءالله يوفقك ربي في حياتك00

مشكور أخوي الولهان على اسئلة واجابات الرائعه 00
رد مع اقتباس
  #3  
قديم June 27, 2006, 05:56 AM
 
رد: اسئلة واجابات شاعر

مشكور يالولهاان على النقل الموفق

شكرا لك على هذا المجهود

كلماات اكثر من روووعه
__________________


غير استراتيجيتك عندما لا تسير الأمور كما تريد وسترى أنه حتماً ستتغير للأفضل
رد مع اقتباس
إضافة رد

مواقع النشر (المفضلة)

الكلمات الدلالية (Tags)
اسئلة, شاعر, واجابات

أدوات الموضوع
انواع عرض الموضوع



الساعة الآن 02:29 PM


Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر