|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
May 17, 2010, 03:54 AM
|
||
|
|
||
|
رد مصرى متواضع
ياا الخضرة أتمنى تنضجى
......حتى تفهمين ماهى كورة ولا كاس .......اللى يخلينا متفارقين وليه تقول أبطال .........ما حاربت يهود ولا حررت أقصى من يد .......مغتصبين ملاعين ولا رفعت راية الاسلام عاااليةللمسلمين ....وينشرح قلبك ويعلى صوتك بالله أكبر منتصرين تحكى عن كورة كأنها حرب ......... وأنت الفايز وأسأل نفسك هل مرة فازت الجزائر بكاس العالم !!!!!!! ...... والله لو عملتها لفرح بروح رياضى أشوفك بجد فايز لو فعلا ...........حررت الأقصى مثل جدنا صلاح الدين ..........بكده تكونوا أبطال ويحق تتكلم عنهم سطور وسطور .........ويجى من بعدك جيل ورا جيل يحكى نصرك ................على العدو المكسور وتحكى عن ام الدنيا تبكى!! ..........تبكى حال الامة اللى يحكو عن كورة .......... كأنها النصر المبين قولى اومال لوحررت فلسطين! ح لا الكورة ولا كاس ........و لاتحكى عن مصر أم الحماس اللى حررت ارضها من اليهود ................وراح فدا ترابها رجال يا جزائرى انضج واعقل .............وشوف عدوك ماهو مصرى ولا عربى ,عدوك عدو دينك ...............واللى بيجرى بدمك دم العروبه ليه منه تتنكرين؟ ياالخضره!!!!!! .................نحب منك العاقل اللى بقلبه نور .........ولا تسمعى لإًٌََُعلامك اللى وراه صهيون يارب جمع شملنا ولاتفرقنا .......... فين الاخلاق والغيرة اللى بتجمعنا؟ ماتت ونبكى عليها .........ولا موجوده وجه عليها تراب الزمن يلا نمحيه بايدينا ونرجعه لماضيه ...........وأنا ياالخضره اشجعك بكل ميادينك مادام فيكى أخى واختى اللى عايشينك ................بعيون طيبة ماهى قاسية *** ونشوف النور يالخضرة ف قلبك وعلى جبينك *** من أولاد مصر ياسمين المصرية أتمنى يعجبكم وف انتظار ردودكم تقبلوا فائق الود والاحترام 
|
|
#2
May 25, 2010, 02:39 AM
|
||
|
|
||
|
رد: رد مصرى متواضع
[b]على اسم مصر التاريخ يقدر يقول ما شاء
أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر أنا اللي اسمي حتحور .. أنا بنت رع مثال الأمومة ورمز الحنان تفيض حلماتي وتملا الترع وتسقي البشر كلهم والغيطان نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش ليش وحصان صهل صحى جميع الجيش على اسم مصر النخل في العالي والنيل ماشي طوالي معكوسة فيه الصور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة أسمعها مهموسة والا أسمعها مشخوطة شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أو حيحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد أقوله لحد القمح ليه اسمه قمح اليوم وأمس وغد ومصر يحرم عليها .. والجدال يشتد على اسم مصر تسلم ايدك وافكارك اختى ياسمين طرح {رآآآئع والاروع انه منك ,, دآآم نبضك ,, ودآآآمت انفآآسك b]
|
|
#3
May 26, 2010, 01:09 PM
|
||
|
|
||
|
رد: رد مصرى متواضع
تسلم إيدك ياسمينة كلمات رااااااااااااائعة
إلى الأمام بالتوفيق لكِ ودى وحبى يابنت النيل
__________________
 حلق ياطيرى حتى تبلغ عنان السماءوقل لمن فى الأرض وأنت فى العلاء أن بدايتك كانت هنا فلا حياة مع اليأس وأبشر البؤساء 
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اقتراح متواضع | B L A N K | الترحيب بالاعضاء الجدد ومناسبات أصدقاء المجلة | 13 | March 1, 2008 01:56 PM |
| راى متواضع | حامد عادل حسين | الترحيب بالاعضاء الجدد ومناسبات أصدقاء المجلة | 3 | February 29, 2008 10:03 AM |
العرض العادي
