البارحه واليوم (جديده)

اليوم.. والبارحه ..ماغمضت عيني
والقابله مثلها.. لاغاب ..غاليهاا


حلو الليالي ..تزين ..بكامل الزيني
وإن غاب عنها ..حبيبي ..ويش أسميهاا..؟


ضاقت ..علي الوسيعه.. وأصفق يديني
وضاقت ..علي السعوديه.. بأراضيهاا


وعيّوا ..عليّه معازيبي ..وأنا ويني
دار الغضي ..سيف أخو مريم ..وحاميهاا


أجمل.. بنات الكويت ..ولاتحاكيني
لاطبّة.. الملعبه ..من هو يجاريهاا


عينه ..كبر كفّه.. وتخلف موازيني
أشهق ..وروحي ..بسلّمها لباريهاا


والرمش.. تحته تفيّا.. غربة سنيني
قصه .. وتلقى مع الايام.. راويهاا


ولاّ الحواجب ..على خيله.. توديني
والمعركه.. لو جرت ..تفرق عزاويهاا


أسمع كلامي.. ودقق ..في مضاميني
ترى.. أقشر الناس ..حاميها حراميهاا


هو ..أنت زعلان..؟ ولاّ صدق ناويني
زلاّت غيري ..عليّه ليه..؟ ترميهاا


يازين.. ماني بتابع.. للمقفيني
رجلي ..ليا أقفيت ..والله ماتعنيهاا


شيطان راسك.. ركبته.. وأنت هاويني
من غيرتك.. جبت ...عاليهاا بواطيهاا


لا تعتزي ..وأنت قاصدها.. توريني
بعض القصايد.. ترى ..منته بناسيهاا


عوّوود.. تراك أنت ..بالرحله مخاويني
ساعات ..بعدك علتيّ ..أحسب ثوانيهاا