كله سبب مكياجك الله يجازيك..خليتني مخدوع في شكل خلي

عالي طموحي · #1 April 19, 2010, 02:27 PM

يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...خلهاتولي

.
.
.
ههه نفسي اشوف وجهه ن الصدمه

جعل من كتبها يده ماتمسها النار اللي خلق سابع سما انه صادز..

اشوف اشكال اعوذبالله جنون مو أوآدم..!

زمان اول تحول · #2 April 19, 2010, 05:43 PM

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه
في واحد انخدع يوم النظره بسبب المكياج
وهو مسكين مايفهم شي ويوم سالوه اهلو ها تبيها
قال ياويلي ويلا ه مافي مثل حلاتها وجمالها ديره
ابيها ابيها وياهلي لاتحرموني
ومسكين تزوجها
وراح وطي
ثاني يوم طلقها
خخخخخخخخخخخخخخخخخخخخخخخخخ

عالي طموحي · #3 April 21, 2010, 06:53 AM

والله..

هههههههه تسلمين ع المرور الشكرز..

لاحرمتك ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الله يجازيك يامن اخترع المكياج	مطر الربيع	مجلة المكياج والعطور	5	February 16, 2012 08:53 AM
برنامج لعمل قصاتك او تسريحتك او مكياجك على صورتك ثم تطبيقها على نفسك	الزملكاوى	مجلة العناية بالشعر والتسريحات	8	May 27, 2010 08:19 PM
اكتب مكياجك المفضل	الفراشة الورديه	مجلة المكياج والعطور	6	December 11, 2008 12:08 AM
الله يجازيك ..................	فجر الكويت	شعر و نثر	12	March 11, 2006 02:30 AM

كله سبب مكياجك الله يجازيك..خليتني مخدوع في شكل خلي

شعر و نثر