فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 28, 2010, 02:22 PM
 
ويسرق اول ( خبزه لصاجك ) ويخفيها بفمّه !قبل ما يصحى حدا اخوانه .. ويحتد التمادي !

سلآمً من المولى عليكم أخوتي ..

نص بآذخ جداً
رآق لي كثيراً .. إبقوا معهُ





هذا ماهو شيب .. لا تبكين .. ماهو شيب يمّه
لا يهولك منظره في راسي وتبكين .. عادي !





لا يغرّك لونه الأبيض .. ولا يفجعك كَمّه
صدقيني ماهو من الشيب هذا اللون بادي





تذكرين .. أصابعك لما تبعثره وتلمّه ؟
يوم كنت اوسده رجلك .. واروّض لك عنادي ؟





كل ما مشّيتي اصبع بين شعراتي تشمّه ..
لين صارن بيض من كبر الغلا وطُهر الايادي !





شرّعي لي حضنك الممطور بالمسك ابخمّه
خمة ٍ تبرا بها روحي من جروحي .. وانادي





((ما ابي مْن الناس : غير اذكارك وريحتك لَمّه
ولا ابي مْن النور : غير سراجك العن به حدادي))






(((وما ابي مْن العز : غير اللي تحت رجليك قمّه )))
ولا ابي مْن الأرض : غير جلالك اعلن به بلادي





ودي ارجع ( طفلك المغمور ) واللي كان همّه ..
يصعد / اطول نخله .. ويشرب / من حثال العوادي





يغسل نعاسه .. بآذان الفجر ، واصوات الأئمّه
ويونْس الشيبان لا رتّل لهم : ( قُل يا عبادي )






ويسرق اول ( خبزه لصاجك ) ويخفيها بفمّه !
قبل ما يصحى حدا اخوانه .. ويحتد التمادي !

صحيح واللهي صحيح هالبيت...



طفلك : اللي ذنبه انه ما غسل بالدمع كمّه
لين صار الكم الابيض من بطا دموعه رمادي !








ودي ارجع طفل : بعض عيوبه أجمل من شيَمّه
يوم كان أصغر رفاقه عمر .. وأكبرهم مبادي





ودي افتش بتاريخي عن احلامي المهمّه
قبل ما تهزم جيوش اليأس صبري واجتهادي





ودي اوشي بحزني الحاضر لماضيّي وانمّه
يمكن انقذ جمرة سنيني من الموت برمادي





بس وشلون اقدر ارجع ؟ ليه ما قلتي لي يمّه ؟
ليه ما قلتي لي ان الشيب مشتاق لسوادي ؟!





ليه فهمتيني ان الخوف من بكره مذمّه ؟؟
ليه خليتيني اكبر واحمل ذنوب اعتدادي ؟؟





وين اعيّن خير يُمّه ؟؟ والأمل من غير يَمّه !!
الحطب - يا ميّه - قليّل وبرد الليل سادي





كل ما غرست غصني سافي الحرمان دمّه
واشعر اني وردة ٍ مزروعة ٍ في بطن وادي !





(((وانا والله ، ما رضيت بهالعنا من قل همّه)))

ولا كبا غير الدروب اما انت وافي يا جوادي





((احمد الله جاعوا الناس وانا شبعان ذمّه
ما زرعت الا الوفا والناس تاكل من حصادي))





ما عرفت الاي خال لخاله وعم ٍ لعمّه !!
يوم ما ياسع هموم القوم غيرك يا شدادي





وانتي يُمه .. لو بكيتي شيبي وهوّلك كَمّه
قلت يُمه : ماهو من الشيب هذا اللون بادي





((((تخبرين ( الثلج ) لا منه تكدّس ( فوق قمّه ) ؟؟
هذا ثلج .. وراسي القمه .. ولا تبكين عادي !!))))



هذا ثلج .. وراسي القمه .. ولا تبكين عادي !!
هذا ثلج .. وراسي القمه .. ولا تبكين عادي !!,
.......


يالله عليها خاصه اخر بيت خطير.
رد مع اقتباس
  #2  
قديم March 28, 2010, 03:18 PM
 
رد: ويسرق اول ( خبزه لصاجك ) ويخفيها بفمّه !قبل ما يصحى حدا اخوانه .. ويحتد التمادي !

مشكورة حبيبتي
__________________
آه كم أعشق نفسي
حيث أنت فيها
أنت فيها حين أغفو
حين أصحو حين أمسي
أنت لحني حين أشدو
أنت في فكري وحسي
ملأُ هذا الكون حبي
وهو أورادي وأُنسي
وهو ينمو وغدا أكثر من يومي وأمسي
وأنا وأنت ضياء سارح
شلال شمسٍ
في المدىيسري
يا حياتي أنت مني جوهر يوقدحسي
أنت نفسي

*₪ Ξ وردة نديةΞ ₪

لكل من اشتاق للمرآة المعطاءة (تاما هوم)
امراة من زمن الحب


رد مع اقتباس
  #3  
قديم March 29, 2010, 05:49 PM
 
رد: ويسرق اول ( خبزه لصاجك ) ويخفيها بفمّه !قبل ما يصحى حدا اخوانه .. ويحتد التمادي !

العفو..

منوره..
__________________




وأستودُعك من تبقّى من أحبابي يالله .
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
انا و وحدتي { βяήšêšά●Łόυê } شعر و نثر 2 March 17, 2010 02:59 PM
حبي ان وحدتي..؟ بحر الحيره شعر و نثر 6 July 24, 2009 03:34 AM
مغزلجي ذكي يغازل غبيه جدا يعني دبشه...! كورنيليا روايات و قصص منشورة ومنقولة 1 August 7, 2008 11:38 AM


الساعة الآن 10:11 AM


Powered by vBulletin® Copyright ©2000 - 2017, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر