مجلة الإبتسامة - قصيدة عامية روعة (ملعون ابو اللى يحبك )

كل الشكر لأدارة المنتدى بالسماع لوضع ابداعات الشعراء اقدم لكم اليوم قصيدة لشاعر مصرى بداخله الم وحسرة على حال وطنه الحبيب هذه القصيدة تحمل معانى كبيره رغم السخيره فى كلماتها وسرد ابياتها اتمنى ان تنال اعجابكم وخالص الاحترام والتقدير :)

ملعون ابو اللى يحبك واللى يحب ترابكibtesama16 واللى يعيش على ارضك يتغزل فى جنابك

يابلد فاردة دراعها للنشالين .. صبح عليها الصبح لاقتها منهوبه

وحدة تهز الوسط تبقى من الاسياد .. واللى تصون العرض حسبوها من العبيد

ورق كوتشينه فى البارات وفساد شباب وحريم .. ومعدش فى اختشا واللى اختشو ميين !؟

البلد معدتش لينا واحنا نطلع مين .. دى بلد عز وسويرس وفيفى والهام شاهين

كنا زمان بنحبها انا وملايين .. واحبها على ايه وهى حبت ميين

واخدة الحكومه على حجرها مدللين .. واحنا ياشعب عبيط بنحبها ودايبين

هقول كلامى حتى لو زعلو الكبار .. وصحيت لاقيت عل باب بيتى امر اعتقال

بحبك ياريس طول ما فى حريه .. واسمحلى انى افضفض وبحبحها شويه

دى مش قصيدة ولا عريضه ولاحتى مقال .. دى هموم ناس قاتلها الفقر غرقانه فى الاوحال

سبونى اتكلم يمكن يجيب فايدة الكلام .. ويحنن قلب مسئولين على شعب مضروب بالحزام

مين اللى قال ان البلد حالها يسر ؟..اكيد رجل اعمال مداقش طعم المر

يقتل قتيل وجزائه سنتين سجن .. الله عليكى يا بلدى هو ده العدل ؟؟

واللى يشيل م البنك كام مليون ويركب الجناحات .. ويطير بره البلد بأمر م السلطات

ووزيرة خريجه اعداديه عاوزه تصدر خادمات .. داحنا حتى فى ماتش كوره مسلمناش م الاهانات

نفسك فى ايه يابرادعى ؟ بتحلم بأيه يازوييل ؟ بكرسى مش دايم لحد دوار على الظالميين !!

نوبل دى جايزة اخدتها فى العلم يا احمد زويل .. والشعب واخد نوبل فى الزل والتحطيم

الشعب مش محتاج كلام عاوزين حق الرغيف .. وعيشه طاهره والسلام يا أحمد يابن عمى نظيف

بقلم شاعر حزين على بلده