مجلة الإبتسامة - قصيدة صارحتني بالظروف وعلمتني بالخفايا

صارحتني بالظروف وعلمتني بالخفايا
يوم تبطي ماتواصلني وانا حارصن عليها

هي تمر بظرف وهموم وتحاقيق وقضايا
هي تعاني قسوتن عضما وجرحن محتويها

أحرموها الاتصال وشبت بقلبي لظايا
ومنعوها من خروج البيت والخافق يبيها

ضيقو بعيونها الدنيا وكثرن الخطايا
صارت بهم وخطر والحزن دايم يعتريها

أحرموها ماهتنت محبوبتي مثل الصبايا
وحرموني وصلها وحترت ماادري كيف اجيها

تحترق لجلي وقلبي يحترق وسط الحنايا
والظروف القاسيه طالت وقلبي يرتجيها

والله اني مااقدر انساها ولا اخلفت النوايا
لو يطول فراقها صابر وقلبي مهتويها

حبها متغلغلن وسط االعروق والخلايا
غاليه مهما حصل هي غاليه وأموت فيها