July 12, 2009, 10:41 PM
|
|
|
إلى أعز صديقة لي
طوّل غيابك يا غلا وش جرالك ؟
واللي رفع قدرك سما وين اراضيك
الله وكيلك يا غلا كيف حالك
من يوم غبتي حالتي بس احاتيك !
كانه سعد جعله على طول فالك
والا شقا ؟ جعل الشقا ما يخاويك
غبتي وانا من غيبتك مع خيالك
اثر خيالك مثلي مولّعٍ فيك !
نسهر معا عطرك وعقدك وشالك
مع بسمتك مع رقتك مع تغلِّيك
مع ضحكتك مع دمعتك وانفعالك
مع دلعنتْك ومع تكسِّر خطاويك
واليوم يا قلبي ترى القلب شالك
جدد غلاتك يا بعد راس مغليك
وابنتظر قلبك يجدد سؤالك :
لا صرت شايلني / أجل وين باقيك ؟؟
ولا همني طرح القصيدة قبالك
يالغالية همي ليا جيت قاريك
ابنتظر ردٍ يجي من خلالك
عليه من رسمك ورقة معانيك
اسجّ مع حرفك واناجي خيالك
واهل دمعاتي على خط اياديك
واذكر زمانٍ يالغلاوي مضالك
يوم القصايد كلها ودها فيك !!
تحيآآآآآآآتي
خجل الورد
__________________
..
تَوزِيعْ البسَسمآتْ المشُرقِه عَلىآ | فُقرآءْ الآخَخلآقْ ~
. . . . . . . . . . . . صَصدقهْ جًآريِه فيِ عَآلمْ القِيمْ  !
’‘
|