عرض مشاركة واحدة
  #1  
قديم May 13, 2008, 12:25 AM
 
اقوى تركيبه لتنعيم وتطويل وعلاج الشعر من تجربتي الشخصيه وبالصور( حصري)

السلام عليكم يا احلى نواعم
بداية هذي الخلطه عجيبه ورووووووووووووووعه وشي خيالي فوق الوصف
استخدمتها وبعد اسبوعين ظهرت النتائج انا بصراحه قلت ما تغلى على اغلى نواعم في المجله
وللمعلوميه انا استخدم خلطات من خمس سنين وما فادت ابدا بس خففت من التساقط والجفاااااااااااااااااااااااااااااف والله يابنات كان شعري يحزن ومقصف مع اني ما استشوره ابد ولا اصبغه بس خلاص عافني وقرر ينتقم من الصبغات اللي زمااااااان والقصات بس لقيت اللي يخليه يرضى علي تراني اتكلم عن شعري
المهم نبدا بسم الله
اول شي جيبو هذي المقادير (صباراسمه العلمي الوي فيرا-وعلبه فيتامين E -زيت خروع-زيت ذره-شوية حلبه <<حسب الرغبه ممكن تتخلي عنها بس تراها مره روعه )

هذي هي المقادير شفتوها بالصوره ترى لصبار مو مشقوق بالاصل بس تعرفو لقافة الصغار لا شافو شي
اول شي نقطع الصبار زي ما تشوفو بالصوره


تاخذ الجل اللي جواها بس ونرمي القشره وانتبهو ترا طعمها مر لا زم تغسلو ايدكم بالصابون عشان المراره ولا تاكلو الا لما تغسلوها انا حذرتكم

وبعدها نحطها بالخلاط ونحط نص فنجال زيت خروع ونص فنجال زيت ذره وحبتين من فيتامين Eوملعقة حلبه (للمعلوميه ترى الحلبه ريحتها تروح لما ينشف الشعر بس ما انصح فيها المتزوجات وترى الخلطه حتى من غيرها حلوه بس فيها طبعا تكمل ) وافرميها

وبالنهايه يطلع الشكل كذا

بعدها يا قمرات خلوها بالشعر لمدة ساعتين وغطوها بكيس او اكياس الشعر بس لا تنسو حاولو تعبو كل الشعر بالخلطه من الجذور للاطراف
نصيحه استخدموها تراها روعه روعه ومن كثر ما خلت شعري لماع خواتي صارو يقولو غسلي شعرك من الزيت بس طبعا هو نظيف بس من كثر اللمعه ما شاء الله لا قوة الا بالله
واي سؤال انا حاظره لعيونكم

ادعولي بالتوفيق تراني تعبت بالموضوع

والنقل مسموح للكل ولتعم الفائده
__________________
..!! .. !!









التعديل الأخير تم بواسطة { ضَے سماآهُم ..! ; February 16, 2009 الساعة 07:59 PM سبب آخر: تم التعديل بطلب من صاحب الموضوع .. :)
رد مع اقتباس