عرض مشاركة واحدة
  #1  
قديم October 19, 2011, 02:35 PM
 
ولا كنت احسب السنين بتلـوي ذراعـي..الا بـعـد حـطـت " الدبـلـة " فأصبـعـهـا


عمري رسالة قبل مـا ألقـى لهـا ساعـي
غـدرنــي الـوقــت بـظـروفـه وقـطـعـهـا

خانتنـي الريـح مـدري الخايـن شراعـي
مـن غيـر الآمـال ضاعـت قبـل اجمعهـا

أنــا واحـلـم مـتــى تـتـعـدل اوضـاعــي
وإذا صحـيـت آخــذ أحـلامـي وأشيعـهـا

أضحك مع الناس واخفي عنهم اوجاعي
وإن شافنـي واحـد اضحـك قــال بيعـهـا

من بعد ما راحت أغلى نبض فأضلاعي
وأنـا المواجـع تصارعـنـي وأصارعـهـا

كنـت أنتظرهـا وأنـا فـي نومتـي واعـي
أخـاف لا أحلـم بهـا واصحـى وأضيعهـا

كانت معي تشطب الظلمـى مـن شعاعـي
والفجـر يوقـف علـى البـاب ويشجعـهـا

كانت تجـي مثـل صـوت النـاي للراعـي
مـن كثـر شـوقـي أدورهــا وأنــا معـهـا

كنـت اشتكيهـا لـحـزن اللـيـل والـداعـي
وأوصـــي الـبـعـد لا جــاتــه يـرجـعـهـا

مـن كثـر مـا أحـس معهـا قمـة إبـداعـي
مااحـس روعـة قصيـدي قـبـل اسمعـهـا

أقــول: لا مـاتـت أيـامـي مــن النـاعـي
وتـقــول: الأيـــام تنـعـيـهـا مـواجـعـهـا

وأقـول: وجروحـك اللـي مالـهـا داعــي
وتـقــول: خـــل الـجــروح الله يقلـعـهـا

زرعتـهـا حــب... يـأخـذنـي لمـربـاعـي
ونبتـت لغـيـري وآنــا العـمـر زارعـهـا

خلتنـي أعيـش بيـن الحـزن وضيـاعـي
مسـتـقـبـلـي ضـيـعـتــه الله يـضـيـعـهــا

ما اذكر بكيت البكـا ماهـو مـن أطباعـي
الـيـن مــا مــرت الـذكــرى بشـارعـهـا

ولا
كنت احسب السنين بتلـوي ذراعـي
الا
بـعـد حـطـت " الدبـلـة " فأصبـعـهـا

يالـحـزن رح يمـهـا دام انـتـه السـاعـي
واخــذ مـعـك كلمتـيـن لــزوم تسمـعـهـا

إن كان ندمـت بعـد ماعرفـت أوضاعـي
فـهـمـهـا إن الــنــدم مــاعــاد ينـفـعـهـا

وإن كأنها في شهر قدرت على وداعـي
أنـا أربـع سنيـن مـدري كيـف أودعـهـا



مما راق لي فعلا
__________________






رد مع اقتباس